UN PROXECTO ENTRE TODOS: "POSTA A PUNTO DO NOSO SITE"

Desde hai xa máis de tres anos vimos recopilando, entre todos, gran cantidade de enlaces con recursos para poder preparar e realizar proxectos, unidades didácticas, etc. En concreto son enlaces para 108  temas diferentes sobre os que se pediron axuda ao longo deste tempo. También nestes anos foronse sumando, a este gran proxecto, de forma escalonada moitos máis blogs e por iso decidimos que este derradeiro trimestre do curso imos realizar unha revisión do SITE de UN PROXECTO ENTRE TODOS, e  gustaríanos explicarvos en que vai a consistir dita revisión:

• En primeiro lugar imos comprobar que enlaces seguen activos e cales non, estes últimos os eliminaremos.
• En segundo lugar ofrecémosvos a todos aqueles que ao longo deste tempo realizáchedes novos proxectos sobre os temas recopilados, compartilos con todos nós. Para iso, só debedes mandar o enlace do recurso (proxecto, xogo, presentación, etc) que queredes que quede recollido nalgún dos temas do SITE do proxecto ao noso mail: unproyectoentretodos@gmail.com e nós engadirémolo. Só vos pedimos, por favor, que previamente comprobedes que non aparece xa recollido e que non indiquedes en que TEMA queredes que o engadamos.

Nós seguimos poñendo ao día a lista de blogs amigos e de momento continúa pechada a lista de admisións. No caso de decidir abrila volo comunicarémolo rapidamente.

https//sites.google.com/site/unproyectoentretodos/

Por último queremos darvos as grazas a todos os que colaboráchedes aportando enlaces de axuda a todas as peticións pois grazas a esas colaboracións poidemos construir un "GRAN ARQUIVADOR" onde recurrir cando esteamos preparando algún proxecto, sen necesidade de ter que facer nada máis.

Nel atoparedes polo tanto:

• Os diferentes proxectos plantexados neste proxecto.
• Todos os enlaces proporcionados polos blogs colaboradores.
• As normas de funcionamento de "Un proxecto entre todos"
• Os selos de participación do proxecto.
• O equipo de 5 blogs organizadores.
• As direccións de email para contactar cos blogs organizadores por se xorde algún problema ou tedes algunha dúbida.

E como sempre dicimos...

MOITAS GRAZAS AOS BLOGS QUE PARTICIPARON.

ANA, FINI, MIREIA, MIREN E NOELIA

AUTORRETRATÁMONOS COMO VAN GOGH

Continuando co noso proxecto de Van Gogh, como xa vos dixemos noutra entrada anterior, ademais de coñecer a súa vida estamos a coñecer a súa obra. Comezamos cos seus AUTORRETRATOS. Sabiades que Van Gogh pintou 27 autorretratos? Si, si como o ledes. Ninguén sabe realmente cal deles é o máis parecido á realidade por iso é coñecido como "o pintor das mil caras".
Comezamos vendo este video de Philip Scott Johnson no que podemos apreciar os distintos cambios na fisonomía do pintor:

   

 E a continuación centrámonos nestes dez autorretratos para poder apreciar ben o seu xeito de pintar: as cores que utilizaba como amarelo, laranxa ,marrón,  azul ou verde e tamén os seus trazos enérxicos con liñas  curtas ben marcadas e/ou remuíños:

E para rematar, fixemos o noso AUTORRETRATO AO ESTILO VAN GOGH. Collimos unha foto nosa en branco e negro e a "tuneamos" pintándoa con ceras duras e brandas. Ollade que ben nos quedaron:

QUE VOS PARECEN?

Se tedes curiosidade, podedes ver  os autorretratos que se fixo Van Gogh clasificados por data, clicando na imaxe de abaixo:

APADRIÑAMENTO LECTOR: 4/5 ANOS

fonte da imaxe

Neste terceiro e último trimestre imos apadriñar aos nenos e nenas máis pequenos do cole. O venres pasado, comezamos cos pequerrechos da aula de catro e cinco anos da profe Pili.

Xunto cos nosos compañeiros de sexto fomos á biblioteca e alí cada un de nós lles leu aos seus afillados lectores:

Collages feitos con COLLAGE.COM

Foi unha gran experiencia para todos, peques e maiores.

BRINCALETRAS DO LIBRO: "VAN GOGH:LOS SENTIMIENTOS DE UN GRAN ARTISTA"

Xogo de preguntas do libro de Violeta Montreal sobre os sentimentos de Van Gogh, da entrada anterior. Fai clic na imaxe para comezar:

PARTICIPAMOS NO PROXECTO COLABORATIVO VAN GOGH 2015

Neste terceiro trimestre, co motivo do 125 aniversario da súa morte, participamos no proxecto colaborativo Van Gogh, coodinado por Vanessa Marín, aproveitando as clases de plástica para coñecer a vida e obra deste gran pintor holandés.

Comezamos lendo este sinxelo  libro: Van Gogh, os sentimentos dun gran artista, escrito por Violeta Montreal e editado por Oxford Educación, co que aprendimos ademais de como se sentía, algunhas datas e acontecementos importantes da súa vida.

Por se alguén non o coñece, aquí volo deixamos.:

E xa que estabamos a coñecelo, analizamos algunhas das súas obras, concretamente os seus AUTORRETRATOS. Pero diso ... falaremos máis adiante.

NÓS LEMOS, E TI?

Con ocasión da celebración do DÍA INTERNACIONAL DO LIBRO INFANTIL,  queremos recomendarvos a lectura destes libros en galego que a nós gustáronnos moito:

APRENDEMOS A DESCRIBIR PERSOAS

fonte da imaxe

E que mellor xeito de facelo que a través dun conto?
Na PRIMEIRA SESIÓN, pechamos as persianas, colocamos as cadeiras diante do encerado, apagamos a luz e a profe coa axuda dunha lanterna ... contounos unha  lenda brasileira: Había unha vez un SACÍ PERERÉ, iso si, omitindo a parte onde nos di como é e as cousas que fai.

Aquí tedes a lenda:

Unha vez que rematamos de escoitala, comezou o noso turno. Entre todos empezamos a dicir como pensabamos que era o SACÍ PERERÉ:

Na SEGUNDA SESIÓN: Escribimos a nosa descrición de xeito individual e debuxamos ao SACÍ PERERÉ:

E xa para rematar fixemos unha AVALIACIÓN FIGURO-ANALÓXICA na que cada un se autoavaliou e indicou as súas razóns na elección das imaxes:

Como nos quedamos coa intriga de como sería, uns días máis tarde, voltamos a escoitar a historia pero esta vez sen que faltase nada e por fin descubrimos como era realmente o SACÍ PERERÉ:

ALGÚNS RECURSOS PARA TRABALLAR  AS DESCRICIÓNS:

• Mural para describir persoas de ACTILUDIS:

• Exercicio práctico do blog ME ENCANTA ESCRIBIR EN ESPAÑOL:

• Exercicios interactivos:

DEBUXAMOS EN PÁXINAS DE XORNAL

Como xa vos contamos con anterioridade, dentro do noso traballo da SEMANA DA PRENSA, fixemos uns debuxos tomando como base unha folla de xornal. Agora que xa os rematamos queremos ensinarvos como nos quedaron:

GÚSTANVOS?

VISITAMOS SOGAMA

O xoves pasado fomos cos nosos compañeiros de sexto, de excursión a Cerceda, concretamente a SOGAMA (Sociedade Galega do Medio Ambiente) que é un complexo medioambiental no que se produce a separación dos materiais reciclables depositados na bolsa amarela (envases plásticos, latas e bricks) e na bolsa negra (orgánicos). Alí, valórense os residuos que se poden aproveitar e se eliminan os que non son reutilizables ou reciclables.

Primeiro, unha das nosas guías, explicounos como era o complexo a través dunha gran maqueta:

A continuación fomos a unha sala onde vimos unha presentación na que nos quedou moi clariña a REGRA DAS TRES 5: reducir, reutilizar, reciclar.

Cando rematou a charla e a presentación, equipámonos adecuadamente con casco, marcarilla e chaleco refrectante e realizamos á visita ás instalacións:

Foi unha visita moi instructiva na que aprendimos o que se fai coas bolsas de lixo das nosas casas.