RECICLAMOS LATAS DE REFRESCOS

Na nosa clase estamos moi concienciados co Medio Ambiente e por iso reciclamos todo o que se nos poña diante. Esta vez tocoulle o turno ás latas de refrescos.

Collimos as latas e con elas fixemos un pequeno cuenco que nos pode servir de cinceiro, de portavelas , de portachaves ou de calquera outro uso que lle queramos dar.

Ollade que concentrados estabamos facéndoo:

E que bonitos nos quedaron:

Unhas sinxelas instruccións para facelos:

Como podedes ver, primeiro coa axuda dun cúter cortamos a parte superior da lata. Retocamos coas tesoiras para que quede toda a parte de arriba o máis igualada posible e non corte. A continuación lles facemos uns cortes de aproximadamente un centímetro ou centímetro e medio hacia a base da lata. Abrimos hacia fóra e agora só nos queda ir  pasando cada  tira por encima da seguinte e procurando que quede por debaixo da terceira. Así ata chegar ao final. Para que nos quede ben rematado pola parte de atrás hai que ir dobrando cara atrás cada un dos trozos de tira que asoman.

Algúns aproveitaron para levalo para casa como regalo do DÍA DO PAI.

QUE VÓS PARECEN?

DÍA DA POESÍA: ESCRIBIMOS BIOPOEMAS

Con motivo do día da poesía  na clase estivemos a facer uns BIOPOEMAS que son nin máis nin menos que poemas sobre a nosa vida.

Estes poemas teñen que seguir una determinada estructura pero están abertos a todo o tipo de modificacións que un queira facerlle.

Nos nosos había que seguir estas indicacións:

1ª liña: O noso nome

2º liña: Algún adxectivo que nos defina

3ªliña: Fillo/a de ...

4ª liña: A quen lle gusta ...

5ª liña: Que odia...

6ª liña: Que lle ten medo a ...

7ª liña: Que soña con ...

8ª liña: Que está fachendoso/a de ....

9ª liña: Que vive en ...

10ª liña: O apelido

Aquí vos deixamos as instruccións e as plantillas que utilizamos nós, tanto en GALEGO como en CASTELÁN:

Para ilustralos, collimos unhas fotos nosas e  as convertimos en debuxos a lapiz coa aplicación online PicJoke:

Así que escribimos os nosos poemas, coloreamos as nosas fotos e ... ISTO É O RESULTADO. Esperamos que vos gusten:

Escribimos biopoemas

RECURSOS PARA PASCUA

fonte da imaxe

Xa está a piques de chegar Pascua. Por se vos son útiles, déixovos estes recursos que elaborei outros anos para infantil e primeiro ciclo que podedes atopar tamén na pestana de Pascua de debaixo da cabeceira do blogue. Espero que vos gusten:

FICHAS:

* EN GALEGO:

* EN CASTELÁN:

<

LIBRO LIM

https://dl.dropbox.com/u/14722558/PASCUA2/pascua.html 

GLOGSTER CON XOGOS
(Hai que clicar nos ovos e nos coellos para acceder aos xogos)

 

UNIDADE DIDÁCTICA SEMANA DA PRENSA

Imaxe de Phillip Martin

Como xa vos contamos, durante esta semana entre exame e exame estivemos a traballar a PRENSA tal e como se nos indica no calendario escolar da Xunta de Galicia. Ademáis de converternos en xornalistas por un día coas novas que poidéchedes ler na entrada anterior, aprendimos moitas cousas dos xornais: cal é cabeceira, que información nos aporta, cales son as seccións dun xornal, que podemos atopar en cada unha ,....

Fixemos ademais un traballo de investigación sobre algúns datos de interese como cal era o xornal máis leído ou  cal era o máis pequeno. E temos pendente ver os tipos de xéneros periodísticos que deixaremos para a vindeira semana.

Esta é a unidade didáctica que preparamos para esta semana:

Ademais na hora de plástica de hoxe comezamos a facer uns debuxos utilizando como soporte unha folla do xornal. Así están a quedar:

Xa volas amosaremos cando estean rematados.

SEMANA DA PRENSA

Feito con The newspaper clipping generator

Como podedes ler no xornal, esta semana estamos a celebrar no cole a Semana da Prensa. Dende o Equipo da Biblioteca e o Equipo de Dinamización e Normalización Lingüística, se nos propuxo inventar unha noticia para facer despois unha exposición con todas elas.

Así que, aunque xa a vimos no primeiro trimestre, repasamos un pouquiño o que é unha noticia: Unha noticia é unha narración obxetiva dun feito actual e de interese xeral que ten que dar resposta a estas preguntas: 

Tamén lembramos que as partes principais dunha noticia son:

Por exemplo:

Imaxes do libro de Lingua Galega de 5º EP. Celme. Edit. SM

Así que puxémonos mans á obra e estas son as novas que inventamos:

Ollade que bonita está a entrada do noso cole coas noticias de todos os nenos do centro e a exposición de xornais antigos:

Algúns recursos  para traballar as noticias:

8 DE MARZO: DÍA DA MULLER TRABALLADORA

OBRADOIRO DE NUTRICIÓN DÍA 5: HIXIENE NA COCIÑA

Cris, rematou o noso obradoiro de nutrición desta semana falándonos das catro normas básicas que se deben seguir na manipulación de alimentos:

•  LIMPAR: Hai que lavar ben as mans antes de tocarlle aos alimentos e despois de tocar carne ou pescado crú. Asemade temos que limpar ben a superficie na que imos traballar e os utensilios que imos utilizar.
• SEPARAR: Debemos separar os alimentos crús dos cociñados e utilizar utensilios diferentes.
• COCIÑAR: Temos que cocer suficientemente os alimentos para eliminar as posibles bacterias que poidan conter.
• ENFRIAR:  É convinte gardar as comidas cociñadas no refrigerador xa que a temperatura ambiente as bacterias se propagan máis rapidamente.

Como as veces anteriores, para que nos quedase ben clariño fixemos un sinxelo experimento:

- Cris repartiu a cada un un trozo de polo (bóla de plastilina amarela) que como estaba crú tiña algunhas bacterias (purpurina de cor azul), así como coitelos de plástico e tamén un forno para ca equipo:

- A continuación repartiunos o pan e os ingredientes necesarios para facer o noso bocata de polo: leituga, tomate, cebola, pepino, queixo, ovo,.... e nos puxemos mans á obra. Tivemos que cortar o polo, poñelo no forno e colocar o resto de ingredientes no noso bocata:

- Ollade que pinta máis deliciosa tiñan:

Cando rematamos os nosos bocadillos, Cris explicounos o que fixemos mal e é que non lavamos as mans nin antes de empezar a cociñar nin despois de tocar o polo crú polo que as bacterias do polo antes de ser cociñado pasaron ao pan e ao resto dos ingredientes.

E xa para finalizar a sesión de hoxe, plasmamos estas conclusións nunha sinxela ficha para non olvidarnos:

MOITÍSIMAS GRAZAS CRIS POR ENSINARNOS TANTAS COUSAS ESTA SEMANA!!!!!

OBRADOIRO DE NUTRICIÓN DÍA 4: LAVADO DE MANS

Na sesión de hoxe, Cris, amosounos o importante que é unha boa hixiene de mans para evitar contaxios e enfermidades varias.

Comezamos poñéndonos en grupos de tres para facer un sinxelo experimento:

- GRUPO 1: A primeira persoa do grupo  NON se lavou as mans, deulle un apretón de mans á segunda persoa do grupo e ésta á terceira..

- GRUPO 2: A primeira persoa do grupo lavou as mans con AUGA FRÍA e XABÓN e a continuación deulle a man á segunda e ésta a terceira.

- GRUPO 3:  A primeira persoa do grupo lavou as mans con AUGA QUENTE e XABÓN e a continuación fixo o mesmo ca as anteriores.

Despois disto, pechamos as persianas, apagamos a luz e cunha lanterna de LUZ ULTRAVIOLETA (xa case parecía o CSI ji ji) observamos as mans de cada un.

Os resultados foron ABRAIANTES:

No grupo 1 as dúas primeiras persoas tiñan as mans MOI SUCIAS e a terceira BASTANTE SUCIA. O reflexamos nesta ficha:

No grupo 2, a primeira persoa tiña as mans SUCIAS, a segunda BASTANTE SUCIAS e a terceira UN POUCO SUCIAS.

No grupo 3, a primeira persona tiña as mans POUCO SUCIAS, a segunda CASE NADA SUCIAS e por último a terceira as tiña LIMPAS DE TODO.

Conclusión, se queremos ter as mans limpas e non contaxiar nin ser contaxiados temos que lavar as mans a miúdo e sobre todo antes e despois das comidas, despois de ir ao baño, de tocar animais, de sonar os mocos, .... con AGUA QUENTE ( que abre os poros) e XABÓN (que arrastra a graxa e os microbios).

Completamos unha ficha coas nosas conclusións:

E para finalizar todos aprendimos a lavarnos ben as mans: botamos xabón, refregamos, limpamos entre os dedos, rascamos para limpar as uñas e xa para rematar frotamos as xemas dos dedos. Ollade que ben o fixemos:

OBRADOIRO DE NUTRICIÓN DÍA 3: AS ETIQUETAS

Se estes días estivemos a falar dos distintos grupos de alimentos, hoxe tocoulle o turno ás ETIQUETAS. Da man de Cris, aprendimos a "ler" unha etiqueta. Descubrimos que os fabricantes teñen que poñer os ingredientes do seu produto non de calquera xeito senón seguindo unha orde de maior a menor cantidade, así dun xeito rápido podemos comparar dous produtos similares para ver cal é máis san.

Agrupados por parellas tivemos que intentar unir cada produto coa súa etiqueta correspondente:

Despois comprobamos se acertamos "lendo"  as etiquetas dos produtos:

Contestamos unhas pequenas cuestións sobre cales eran os ingredientes que predominaban ou a que se debía o saber doce dalgúns:

E rematamos creando a nosa propia etiqueta:

E agora, apetécevos botar unha partidiña ao xogo SÚBETE AO XOGO DAS ETIQUETAS ALIMENTICIAS ? Clicade na imaxe:

OBRADOIRO DE NUTRICIÓN DÍA 2: AS GRAXAS E OS AZUCRES

Hoxe Cris, veu á nosa clase a falarnos das graxas pero das graxas boas non vos creades, falounos do Omega 3 que está no pescado e que nos axuda a que sexamos moito máis listos .

E despois falounos do azucre. Cris preguntounos se tomabamos moito azucre e todos dixemos que non, só un pouco ou polo menos iso críamos. 

Para saber canto sabiamos sobre o tema, xogamos ao xogo do SI  (cartel verde) ou NON (cartel vermello) con preguntas como:

- Cres que se tomamos azucre de máis nos produce sobrepeso?

- Pensas que o exceso de azucre se converte en graxa?

- Este exceso de azucre nos protexe das caries?

- Se tomamos demasiado azucre podemos ter enfermidades do corazón?

- E enfermidades como a DIABETE?

- Cres que en España se toma como media uns 50 kilos de azucre ao ano por persoa?

Parece que algo sabemos sobre o  tema porque algúns acertamos case todas.

A continuación , fixemos grupos de tres, e nos repartiu a cada grupo un envase dun produto como coca cola, m&m, galletas Oreo, helados, .... Tiñamos que buscar na etiqueta cantos gramos de azucre había no produto e despois facendo unha sinxela división, averiguar a cantas culleradas equivalía.

 Por último, botamos nun vaso as culleradas que non saían e .... QUEDAMOS ABRAIADOS AO VER A GRAN CANTIDADE DE AZUCRE QUE HABÍA NESTES PRODUTOS! En algúns ATA 16 CULLERADAS!!!!!!!

Ollade, ollade:

Así que a todos nos quedou moi clariño que non debemos abusar dos doces, das comidas precociñadas nin das bebidas con moito azucre se queremos previr enfermidades como a DIABETE:

OBRADOIRO DE NUTRICIÓN DÍA 1: DIETA EQUILIBRADA

Ao longo desta semana, da man de Cris, unha  especialista en nutrición que nos mandou o Concello de Neda, teremos un obradoiro de nutrición unha hora cada día.

Hoxe comezamos aprendendo como ten que ser unha dieta equilibrada. Falamos de que na nosa dieta non deben faltar as froitas e as verduras que nos aportan moitas vitaminas, as proteínas que son moi beneficiosas para os músculos, os cereais que si ademais son integrais teñen moita fibra e son moi útiles para axudar a ir ao baño e ademáis nos dan moita enerxía e por suposto os lácteos para que os nosos ósos crezan sans e fortes.

Para que nos quedase moi clariño, fixemos un pequeno puzzle cun prato de cartón, puxémoslle nome as pezas, buscamos distintos alimentos en folletos de alimentación, cubrimos unha ficha e falamos de cal era a nosa comida favorita e a nosa bebida.

Ollade canto aprendimos e canto disfrutamos:

Algúns recursos para seguir traballando a dieta equilibrada: