RECUNCHO DA BIBLIOTECA

Hoxe queremos amosaros a nosa BIBLIOTECA DE AULA.

As normas para utilizala son as mesmas que en anos anteriores:

E tamén o lectómetro que este ano mudou a cor para azul:

Seguimos a utilizar esta ficha para apuntar os libros:

Pero este ano mudamos a portada do noso diario de lecturas. Temos dúas onde escoller:

Tamén levamos a cabo un servizo de préstamos a domicilio:

E outra novidade máis, é que este ano ademais temos un pequeno diario de lecturas, tipo pasaporte, onde imos cuñando todos os libros que lemos. E o que consiga todos os cuños ....

Ideas sacadas do blog "El lapicero mágico" de Isabel Bermejo

Tamén fixemos uns bonitos marcapáxinas pero eses .... amosarémovolos na próxima entrada.

INVENTAMOS SLOGANS PARA LER EN NADAL

Un ano máis participamos no concurso de lemas de Nadal que nos propón a Biblioteca, co fin de fomentar o gusto pola lectura non só no Nadal senón todo o ano. Entre todos os lemas, escollerase un por ciclo e con él, farase un calendario que se repartirá a toda a comunidade educativa. Estes son os lemas que fixemos os nenos e nenas de sexto:

Estela:

Sara Montagut:

Sergio Silvén:

Yanira:

Borja:

Manuel:

Sara Fernández:

Sergio Sosa:

Íker:

Laura:

Que vos parecen?

E xa que estamos a falar de libros e lecturas, quero compartir convosco este calendario de Adviento dixital que cada día nos regala un conto de Nadal. Clicade na imaxe para acceder.

24 DE OUTUBRO: DÍA DAS BIBLIOTECAS ESCOLARES. INVENTAMOS UN LEMA

Imaxe do ilustrador Fran Bueno

"Biblioteca escolar, base de exploracións", e o lema elexido este curso para o cartel da campaña anual de bibliotecas escolares da Consellería de Cultura, Educación e Ordenación Universitaria. 

Elexiuse este lema, porque chama a traballar coa información, convida a explorar o mundo e a compartir o aprendido. Ofrécenos unha visión das  bibliotecas escolares como bases de exploración tanto persoal como colectiva, como inicio de viaxes reais ou imaxinarias, como espazo de encontro consigo mesmo e cos outros.

No noso centro, para celebrar este día, o equipo da Biblioteca en colaboración co Equipo de Normalización Lingüística, organizou unha exposición de carteis con lemas inventados relacionados coa Biblioteca como Base de Exploracións.

Na nosa clase, cada un inventou un lema (a profe incluída). Escribímolos na pizarra, e sometímolos a votación: 

1.- Ler e explorar na biblioteca escolar. I

2.- A mellor aventura que podas imaxinar, na biblioteca vala atopar. I

3.- Ao ler, moitas boas aventuras vas a ter.

4.- Na biblioteca vas a explorar, os libros que atoparás.

5.- Se cada día les un libro, un incrible mundo poderás explorar.I

6.- Na biblioteca os libros explorarás, e se non o fas triste quedarás. II

7.- Á biblioteca irás e libros atopás, e con eles novos mundos explorarás.I

8.- Leo moitos libros, algúns de medo, outros de risa e todos para explorar cada día.II

9.- Se che gusta a aventura, na biblioteca busca unhas boas lecturas.I

10.- Nun país multicolor brilla a biblioteca Maciñeira baixo o sol. Xente de todo o mundo, ven de París ou de Madrid, para ler, disfrutar e coa lectura explorar.

11.- Tanto na Terra como na Lúa, disfruta dunha boa lectura. II

Como podedes observar, nesta primeira votación houbo un triple empate entre o 6, o 8 e o 11. Así que houbo que desempatar. E nunha segunda votación, con seis puntos, o lema gañador foi o de Sara Fernández:

" NA BIBLIOTECA OS LIBROS EXPLORARÁS

E SE NON O FAS TRISTE QUEDARÁS"

A continuación, coas aportacións de todos, fixemos o noso cartel para a exposición que nos quedou así de ben. Non credes?

CALENDARIOS 2015 DA NOSA BIBLIOTECA

Lembrades que antes das vacacións de Nadal vos ensinamos os slogans que inventamos e debuxamos para a biblioteca e vos dixemos que co que fose elexido faríase un calendario co que agasallar a toda a comunidade educativa?

Pois ben, eran todos tan bonitos que o xurado  ao final elexiu tres slogans cos seus respectivos debuxos , un deles o da nosa compañeira Estela, para facer estes fermosos calendarios:

- MARTA de 4º de E.P.

- ESTELA de 5º de E.P.

- NAYLA de 6º de E.P

Os premios consistentes nuns vales para mercar libros, foron entregados o día do festival. Aquí vemos ás tres premiadas con Carla e Miguel, os presentadores do festival de Nadal:

NORABOA RAPAZAS POR TAN MERECIDO PREMIO!!!!!!

COMEZA O MES DE NADAL

Esta semana comezamos xa o mes de Nadal. Na nosa clase empezamos a traballar pouquiño a pouco este tema.

Comezamos poñendo na porta a conta atrás dos días que nos faltan para que chegue o día de Nadal:

E inventando e ilustrando uns eslogans para a Biblioteca do noso centro. O mellor eslogan se utilizará para facer un calendario co que se agasallará a toda a comunidade educativa. Estes son os nosos eslogans:

 Borja

Estela

Íker

Laura

Manuel

Sara F.

Sara M.

Sergio

Yanira

BOAS LECTURAS PARA TOD@S!

DÍA DAS BIBLIOTECAS

Mañá celébrase o Día da Biblioteca. Esta celebración, promovida pola Asociación Española de Amigo do Libro Infantil e Xuvenil, ten lugar dende o ano 1997, co fin de trasladar á opinión pública a importancia da biblioteca como lugar de encontro dos lectores de todas as idades coa cultura, e como un instrumento de mellora da formación e a convivencia humana. 

No noso cole, para celebrar este día, dende o Equipo de Biblioteca, decidiuse facer unha exposición de CARTEIS de ANIMACIÓN Á LECTURA relacionados coa Biblioteca e as Matemáticas. E vos preguntaredes, por que as matemáticas? Porque este ano a Consellería de Cultura, Educación e Ordenación Universitaria, elexiu para o cartel da campaña de comezos de curso nas bibliotecas escolares galegas o lema:

Biblioteca escolar ... matemático!!!

Con este lema,"  pretenden salientar o papel imprescindible da bilioteca escolar e, ao mesmo tempo, lembrar a necesidade de espertar o interese polas matemáticas, achegándose a elas de forma natural e incitando a descubrir a sua presenza na natureza e nos obxectos que nos rodean ".

Este é cartel que fixemos nós. Esperamos que vos guste.

RINCÓN DA BIBLIOTECA DE AULA: materiais e marcapáxinas

fonte da imaxe

Hoxe queremos amosaros a nosa biblioteca de aula. Todavía non ten moitos libros pero pouquiño a pouco irémola enchendo. Iso si, xa dende o segundo día a utilizamos todos os días porque ademais de consulta, no  noso centro temos  o "Tempo de Lectura", vinte minutiños diarios (de 9 a 9,20) nos que podemos disfrutar da lectura do libro que queiramos da nosa biblioteca.
                     

A principio de curso preparei varios materiais para organizar a biblioteca. Ainda que son de elaboración propia, algúns están baseados nuns que vin no blogue Lapicero Mágico de Isabel Bermejo.

Estes son os materiais que preparei:

- O cartel do rincón da Biblioteca:

- O das normas:

- O LECTÓMETRO, para levar un control visual dos libros que levamos lidos. Cada vez que rematamos de ler un libro, coloreamos un dos libros da estantería:

Ollade como estase a encher:

- E o noso diario de lecturas no que completamos una ficha sobre o libro (autor, ilustrador, editorial,...) e lembramos a parte do libro que máis nos gustou copiando unha frase, facendo un debuxo, coas nosas palabras,...

Déixovos todos os nosos materiais nun PDF para que poidades descargalos se vos gustan:

Ademais, para saber en cada momento en que páxina do libro nos quedamos, nas primeiras clases de PLÁSTICA, fixemos estes chulísimos marcapáxinas. Gústanvos?

Aquí os tedes nun libro que usamos de exemplo para que poidésedes ver o ben que quedan e os útiles que nos resultan: