XA CHEGOU A PRIMAVERA!!!!!!!!!!

Con esta imaxe tan bonita de Pilar do blog  "Los lapiceros" damos paso a unhas das estacións máis  coloridas do ano: " A PRIMAVERA "

No blog da biblioteca do colexio Dulcinea del Toboso  atopei esta moda primaveral que me encantou:

ESTA PRIMAVERA LÉVASE:

• Sombreiros adornados con refráns
• Vestidos con petos de poesías
• Colares de cancións populares
• Pulseiras de adiviñas de animais
• Pinzas de flores no pelo que te axudan a protexer e coidar o bosque
• Ler libros de árbores e animais
• Investigar e facer proxectos.

ANIMÁDEVOS?

E aquí tedes o Libro Lim que preparei o curso pasado sobre a primavera para usar cos rapaces e rapazas e Educación Infantil e Primeiro Ciclo de Primaria. Espero que vos guste e vos sexa útil.

ILUSTRAMOS POESÍAS

Estes son os debuxos que fixemos para participar no concurso de "POESÍA E IMAXE" que todos os anos promove a Coordinadora de Equipas de Normalización Lingüística xunto co Concello de Ferrol. Si queredes ver as poesías que eleximos nós e os nosos debuxos máis detidamente, só tedes que ver o seguinte video:

A HORA DO PLANETA

A Hora do Planeta é unha iniciativa que promove a organización ecoloxista WWF para tratar de concienciar a todos os cidadáns sobre a importancia de coidar a Terra. Terá lugar o vindeiro 26 de marzo de 20:30 a 21:30 ( na hora local de cada país) e baixo o lema: "APAGA A LUZ, ACENDE O PLANETA". O seu obxectivo é conseguir que  máis de 1000 millóns de persoas dos seis continentes apaguen a luz.

¡TI, TES QUE SER UNHA DELAS!

 Este ano WWF tratará de mobilizar en especial á poboación máis xoven do planeta, a millóns de nenos e nenas de todo o mundo por iso, elixiu a POCOYÓ como embaixador oficial deste evento.

O ano pasado "A hora do Planeta" de WWF convertiuse na maior acción global de loita contra o cambio climático e un total de 128 países e máis de 4.500 cidades do mundo deixaron a escuras os seus monumentos máis importantes como a Torre Eiffel, o Palacio de Buckingham. o Empire State Building ... e en España algúns como a Alhambra de Granada ou a Puerta de Alcalá en Madrid.

DÍA DA AUGA

O DÍA MUNDIAL DA AUGA lembra cada 22 de marzo e dende 1993, a instancias de Nacións Unidas, a escasez deste valioso elemento: máis de 1.100 millóns de persoas non teñen acceso á auga potable e 2.600 millóns non dispoñen de sistemas de saneamento adecuados.

O lema deste ano é: "AUGA PARA AS CIDADES: RESPONDENDO AO DESAFÍO URBANO", e ten por obxecto poñer de relevo e alentar aos gobernos, as organizacións,  comunidades e persoas a participar activamente para responder ao desafío da xestión da auga urbana.

No blog "MANS REDONDAS" podedes atopar moitos recursos para traballar o tema da auga cos máis pequenos e aqui vos deixo dous máis: "CHIPI,CHIPI" de educación ambiental do goberno mexicano e "LA GOTA CLARITA" de Augas de Sevilla. Como sempre clicade na imaxe para acceder.

POETAS NO DÍA DA POESÍA

Hoxe celebramos o día da poesía. ¿Como o fixemos? Pois primeiro vimos este poema visual do autor que será homenaxeado este ano o Día das Letras Galegas: LOIS PEREIRO, (a idea orixinal a sacamos de BIBLIOCABE a Biblioteca do IES Río Cabe en Monforte)

Despois, coas palabras de xornais e revistas que recortamos ao longo da semana fixemos as nosas propias poesías e este foi o resultado:

¡FELICIDADES PAPÁS!

Nunhas horas celebraremos o Día do Pai. É un momento idóneo para agradecer aos nosos pais todo o que nos  escoitaron, coidaron, deron, compartiron, ... pero sobre todo por ser como son. A todos:

¡ FELICIDADES PAPÁS! 

Unha vez máis dende o CEIP SAN WALABONSO (Huelva) chéganos esta caza do tesouro sobre o día do pai para o segundo e o terceiro ciclo de primaria.

ES UN CONSUMIDOR RESPONSABLE?

Hoxe celébrase o Día Mundial do Consumidor. Esta data supón unha chamada de atención a todos os cidadáns sobre a idea de que só un consumo responsable é bo, algo polo que traballan tanto as asociacións de  como todos os organismos públicos de consumo. Nós desde aquí queremos concienciar a todos os que nos len,empezando por nós mesmos para que fagamos un consumo responsable.

Para profundizar no tema, aquí tedes recursos para Educación Infantil, primaria e Secundaria.

UNHA VIAXE PARA TOD@S

Participamos dende a Categoría E (alumnos de Educación Especial) no 27 Concurso da Once: "Unha viaxe para tod@s". Tivemos que facer un cartel onde nos imaxinabamos nun lugar de destino e debuxalo coma se fose a mellor foto da nosa viaxe, que debía ser como o nome indica Unha viaxe para tod@s. É dicir, unha viaxe que tivese en conta as necesidades das persoas con discapacidade para acceder a el e disfrutalo en igualdade de condicións. Podíase usar debuxos, colaxes, combinar imaxes con debuxos ou facer unha fotografía.

Nós fixemos un pouco de todo. Unha vez que decidimos que queriamos ir nin máis nin menos que á LÚA, utilizamos colaxe para facer o firmamento; buscamos, recortamos e pegamos unha imaxe da lúa; debuxamos un cohete; coloreamos uns astronautas, pegamos a Terra e as estrelas, e .... ¡ESTE É O RESULTADO! ¿Gústavos?

A PRENSA NA ESCOLA

Oficialmente estamos na Semana da Prensa na Escola en Galicia, na que polo menos obrigatoriamente un día hai que traballar soamente con xornais. Como este ano parte da semana coincide coas vacacións de Entroido e só temos o xoves e o venres para celebrala imos extendela ata a vindeira semana.

Dende Prensa-escola se nos propoñen sete razóns para ler o xornal na clase que son:

1.Lendo o xornal aprenderás a escribir e expresarte mellor.

2. Estarás informado do que acontece ao teu redor e poderás opinar sobre distintos temas.

3. Poderás reflexionar sobre a actualidade, ser máis crítico e que non che dean gato por lebre.

4. Saberás de que falan os maiores, poderás discutir con eles sobre temas importartes e mesmo ¡levarlles a contraria!

5. O xornal será o teu mellor libro de texto:distinto cada día.

6. Convertirase na túa novela de aventuras favorita e irá contigo toda a vida.

7. E saberás que poñen no cinema, na tele, que se leva esta tempada, como vai a Liga... E moitas máis cousas que de seguro che intereserán.

Na biblioteca Educalim atopei este libro Lim para traballar a prensa na escola. Paréceme moi interesante polo que traballaremos con el esta semana ou a vindeira. Aquí volo deixo por si vos interesa.

DÍA DA MULLER TRABALLADORA

Mañá 8 de Maio celebrarase o DÍA INTERNACIONAL DA MULLER TRABALLADORA. Trátase dunha data, que serve de pretexto para denunciar as carencias que todavía existen no camiño hacia a igualdade entre homes e mulleres, unha desigualdade que segue sendo patente en moitas partes do mundo. Non debería ser un día para celebrar xa que ainda que xa se conseguiron algúns dereitos todavía existe unha desvalorización do traballo da muller, a discriminación laboral, a violencia de xénero,...

No blog "Aprendemos a convivir" de Rocío Méndez, mestra de Pedagoxía  Terapéutica podemos atopar  este video que elaborou o Departamento de Orientación e o Equipo de Dinamización da Lingua Galega do seu centro, sobre a historia da muller galega ao longo do tempo, dende as mulleres druídas ata a actualidade. Está moi ben, só ten unha pega e é que antes de empezar vense uns vinte segundos de anuncios.

Así como varios libros Lim para traballar en educación infantil, primeiro ciclo e segundo e terceiro ciclo.

LIBRO LIM PARA EDUCACIÓN INFANTIL

LIBRO LIM PARA 1º CICLO

LIBRO LIM PARA 2º E 3º CICLO 

E ASÍ O CELEBRAMOS

Hoxe celebramos no colexio a FESTA DO ENTROIDO, e pasámolo moi pero que moi ben.  Pola Sala de Día circularon personaxes tan coñecidas como BOB ESPONJA, todo un equipo de BOMBEIROS, un bosque e as súas personaxes: ABELLAS, FADAS, ÁRBORES, COELLOS, RÁS, LEÑADORES, MARIPOSAS, FLORES,... e tamén ainda que pareza incrible os bonecos de PLAYMOBIL. Pero non queda ahí a cousa pois o noso xefe de estudos fixo dun PAPA moi crible e coidadores e coidadoras de MONXAS e CURAS. E por suposto, non podemos olvidarnos da nosa conxerxe María que estaba case irrecoñecible co seu disfraz de FRAILE. E sen non fose polo profe de música Fraguela e o seu axudante José Pena que se ocuparon da megafonía, non poderiamos facer a festa.

Se queredes ver máis fotos aquí tedes:

LIBRO COLABORATIVO SOBRE O ENTROIDO

No blog "CASA DE TOL@S" podedes atopar o LIBRO COLABORATIVO SOBRE O ENTROIDO no que participamos co noso conto "ENTROIDO NA CARBALLEIRA". Clica na imaxe de abaixo para acceder.

O DÍA DE ROSALÍA DE CASTRO

A Asociación de Escritores en Lingua Galega (AELG) organiza hoxe, coincidindo coa data do seu nacemento,  unha lectura simultánea de textos de Rosalía de Castro en oito vilas e cidades galegas para pedir o recoñecemento oficial da obra da poetisa  e a súa transmisión didáctica ás novas xeracións. Solicitarase tamén que o Día de Rosalía pase a formar parte do calendario escolar, para que con ese motivo todos os centros escolares promovan actividades didácticas que actualicen e dean difusión ao seu pensamento.

A min persoalmente gústame moito dita proposta  por iso a apoio con esta poesía:

NEGRA SOMBRA

Cando penso que te fuches,

negra sombra que me asombras,

ó pé dos meus cabezales

tornas facéndome mofa.

Cando maxino que es ida,
no mesmo sol te me amostras,
i eres a estrela que brila,
i eres o vento que zoa.

Si cantan, es ti que cantas,
si choran, es ti que choras,
i es o marmurio do río
i es a noite i es a aurora.

En todo estás e ti es todo,
pra min i en min mesma moras,
nin me abandonarás nunca,
sombra que sempre me asombras.

                (Rosalía de Castro)

SEGUIMOS CO ENTROIDO

Déixovos o video do conto: "ENTROIDO NA CARBALLEIRA" por si o queredes utilizar antes ou despois de traballar co libro LIM. Aquí tedes a versión en GALEGO ...

e aquí a versión en CASTELÁN...

XA CHEGA O ENTROIDO

Está a piques de chegar o Entroido unha das festas máis populares e alegres do calendario.  Nós xa comezamos a adornar o colexio ( na imaxe de arriba podedes ver o que puxemos  no noso corredor) e ao longo desta semana iremos preparando os disfraces para a festa .

Para ir traballando sobre o tema, preparei este libro LIM cun conto sobre o Entroido que atopei na rede. As actividades están en galego e en castelán. Espero que vos sexa útil para traballar cos rapaces e rapazas de educación infantil e primeiro ciclo de primaria.

HOXE ... SORPRESA!!!

Hoxe pola mañá a primeiriña hora tivemos unha agradable sorpresa. O noso compañeiro José Pena que vai ao taller de carpintería veunos traer o noso mural do inverno . Ainda que xa o rematamos hai un par de semanas, tivemos que esperar a que nos trouxeran o panel de madeira para pegalo e que José fixese o marco e o pintara.  Vos deixo as fotos de como o pintaron entre todos para que vexades o ben que o fixeron e tamén como homenaxe ao noso compañeiro LUÍS MIGUEL VARELA  que no pasado mes de xaneiro trasladouse a outro centro máis preto da súa casa. Dende aquí queremos desexarlle que teña moita sorte e que de cando en vez visite este blog que é tanto del como noso.

Si vos colocades enriba da imaxe vos sae unha LUPA coa que podedes ver máis de cerca os pequenos detalles.

FELIZ DÍA DE SAN VALENTÍN

Hoxe celebramos o día dos namorados. A pesar de que nesta época de consumo masivo, o día de San Valentín convertiuse nun espectáculo comercial para moitos, o feito é que este día foi considerado o día dos namorados durante séculos.
Para que poidades aprender máis sobre o día de San Valentín e a lenda que hai detrás da festa, aquí vos deixo esta "Caza do tesoiro" feita polo colexio Walabonso de Niebla (Huelva). Para acceder, clicade na imaxe de abaixo.

Día Internacional da Seguridade en Internet

Mañá celébrase o Día Internacional da Seguridade en Internet en moitos países de Europa e no resto do mundo. Este evento, promovido por INSAFE  ( Rede Europea por un Internet Seguro) da Comisión Europea para a conciención sobre un bo  e seguro uso da Rede, ten lugar todos os anos desde o 2004  no mes de Febreiro, co obxetivo de promover en todo o mundo un uso responsable e seguro das novas tecnoloxías, especialmente entre menores y xóvenes. O tema para este ano 2011 é "a vida virtual" arredor do slogan "É MÁIS CUN XOGO, É A TÚA VIDA".

No portal da Xunta de Galicia, podemos atopar  o Plan Navega con Rumbo polo Ciberespazo, unha iniciativa encamiñada a que @s escolares, naveguen con tino pola Rede, é dicir, con seguridade, evitando o ciberacoso e outros riscos de Internet. A súa  intención é que se mentalicen da necesidade de facer un uso responsable das novas tecnoloxías para poder espremerlles toda a substancia posible e adquirir boas experiencias e novos coñecementos.

¡¡¡¡¡¡¡¡SAIMOS NO XORNAL!!!!!!!!!

Hoxe saímos no xornal "El diario de Ferrol" polo premio que gañamos coa tarxeta de nadal electrónica que fixemos o pasado decembro. Moitas grazas a todos e a todas e especialmente a Jessica, do blog "Bonitooh", pois sen os seus deseños non houbésemos gañado.

Por se alguén non se lembra de como era, aquí vola deixamos outra vez:

FELICITACIÓN DE NADAL

OS NOSOS DESEXOS DE PAZ

Aínda que o día da Paz non é ata o 30 de Xaneiro, como cadra en domingo, nós o adiantamos para hoxe pois os venres e os luns faltan os rapaces e rapazas que son de lonxe.

¿Que como o celebramos?

Pois ben, primeiro fomos á sala de xuntas onde vimos a presentación do día da Paz que grabamos coas nosas voces e o conto de "Marce o Carteiro" grabado polos alumnos e alumnas da profe Ana Sofía. Houbo recitado de poesías e a continuación fixemos unha cadea pola paz coa música de Amaral:"Rosa de la paz". Despois fomos á sala de día onde cada clase colocou o seu vagón no TREN POLA PAZ (o noso o podedes ver arriba de todo).

O NOSO TREN POLA PAZ on PhotoPeach

 E para rematar... UHMMMMMMM tivemos chocolatada con CHURROS INCLUÍDOS!!!!!!!!!!!!!!! QUE RICOS!!!!!

Aquí vos deixo o conto de "Marce, o carteiro". Espero que vos guste.

TODOS POLA PAZ

Baixo o lema "TODOS POLA PAZ" esta semana estivemos decorando o  corredor. Cos nosos compañeros da clase do lado e a súa profe Digna estivemos facendo murais para decorar a parede. Empezamos cunha gran pomba branca. Cada un de nós escribiu unha poesía relacionada pola paz arredor dela. Algúns copiamos poesías que xa estaban feitas e outros como Dani Méndez inventaron a súa propia. Despois nunha silueta escribimos unha palabra relacionada coa paz, as profes tamén por suposto, a coloreamos e lle puxemos a nosa cabeza, e os dez formamos A PIRÁMIDE POLA PAZ.

A NOSA PRESENTACIÓN DA PAZ

Esta é a presentación que fixemos para celebrar o día da PAZ o xoves da vindeira semana.  Só lle falta engadir as nosas voces. Deixámovola aquí por si alguén lle interesa e a quere utilizar cos seus alumnos e alumnas.

A PAZ CONTRÚESE CO ESFORZO DE TODOS/AS

ENTRE TODOS CONSTRUIMOS A PAZ

Ao longo destas semanas traballaremos sobre o Día Escolar da Paz e a Non Violencia. Este día celébrase todos os 30 de Xaneiro, desde 1964,  por iniciativa de Llorenç Vidal, un educador, poeta e pacifista mallorquín, que creu necesario fixar un día no que os colexios promoveran a non violencia e a paz e así dende a educación fomentar a paz, a solidariedade, a tolerancia, a amizade, o diálogo e buscar o entendemento entre as distintas razas, relixións e culturas. Elixiuse esta data en honor a Mahatma Gandhi un político e pensador pacifista, que loitou desde a non violencia, pola liberación da India e que foi asasinado o 30 de Xaneiro de 1948.

Navegando pola rede atopei este fermoso conto "El castillo de arena" en Google Docs que creo moi axeitado para traballar a Paz. Non podo citar a fonte porque non a poñía en ningures. Para que cargase máis axiña o subín a Issuu tal cual estaba e este é o resultado:

Ademáis preparei este libro Lim con actividades para Infantil e Primaria sobre o que significa a Paz e algúns Premios Nobel da Paz, espero que vos sexa útil.



¡E POR FIN CHEGOU O ESPERADO PREMIO!

Despois das vacacións de Nadal, por fin nos chegou o premio da Secretaría Xeral de Política Lingüística. Abrimos con ilusión o noso paquete e ... vimos libros, un cómic, dous DVDs e dous CDs .
¿Queredes ver de cerca o noso premio? Pois vede, vede.

¡BO NADAL E UN ANINOVO CHEO DE LEDICIA!

Dende este blog queremos desexarvos a todos e a todas os que pasades por aquí que teñades  un ¡BO NADAL E UN ANINOVO CHEO DE LEDICIA! Con esta felicitación gañamos o 2º premio no concurso de  presentacións de Nadal convocado pola Secretaría Xeral de Política Lingüística.

FELICITACIÓN DE NADAL

DECORANDO A CLASE E O CORREDOR

Aquí vos deixamos unhas fotos para que vexades que bonito nos quedou o corredor da nosa clase e tamén a porta coa corona de Rudolph que lle puxemos.

FESTIVAL DE NADAL

Hoxe celebramos o festival de nadal no cole. Como estaba previsto representamos a obra de teatro: "Salvar o Nadal" escrita integramente polo noso compañeiro de ciclo Daniel Méndez. Aquí podedes ver ao noso Papa Noel Rubén e o seu axudante o elfo Jaime. Aparte da nosa obra houbo moitas máis actuacións: a clase de Patri e Lucía fixeron unha obriña de monicreques sobre os Reis Magos, ademáis houbo panxoliñas de Nadal a cargo do coro, o baile do Waka Waka de actividades extraescolares, baile galego, e tamén outro baile con interpretación dos nenos e nenas das profes Melu e Patri e José Pena cantounos en playback unha fermosa canción de Dioni Martin que adicou á súa profe Digna que estes días non poido vir ao cole.
Algúns nenos posiblemente xa non veñan a semana que vén por iso hoxe levamos para clase o prato de Nadal que fixemos. Como xa temos fotos de Jaime, Rubén e Luís Miguel facendo o seu prato do gato, hoxe vos deixo as fotos de Lara que se incorporou máis tarde á nosa clase e non puido facer o outro.

PREMIOS DE NADAL

Hoxe tivemos un día moi completo. Despois do recreo soubemos quenes foron os gañadores do concurso de tarxetas de Nadal e Jaime Dragó da nosa clase foi un dos gañadores. Aquí tedes dúas fotos de Jaime, na primera amosándonos a súa tarxeta gañadora por si non lembrades como era e na segunda orgulloso cos seus regalos despois de recibir o premio.¡FELICIDADES JAIME!

 

E ás dúas e media o xantar comunitario entre mestres e alumnos para celebrar o Nadal. Pasámolo moi ben e incluso veu a visitarnos nada máis e nada menos que PAPA NOEL. ¿Que non o credes? Vede,vede,....

REGALO DE NADAL

Hoxe tivemos o  primeiro regalo de Nadal. O noso compañeiro José Pena da clase do lado, regalounos este  calendario que fixo no taller de carpintería, para que saibamos sempre a data na que estamos. MOITÍSIMAS GRAZAS JOSÉ POR TAN FERMOSO REGALO.

DESCUBRINDO A NOSA NATUREZA

Hoxe fomos a escoitar unha charla sobre a Natureza. Aprendimos moitas cousas: que as xoaniñas eran boas porque comían pulgóns, que as abellas facían o mel... Escoitamos sons de vacas, pitas do monte e algúns máis. Tamén aprendimos cousas sobre os bosques, os ríos e os mares: que había árbores como o castiñeiro e o carballo, troitas nos ríos e serpes de auga que non eran velenosas.

Por último, Nati nos explicou que si queremos conservar a Natureza temos que reciclar, non ensuciar e recoller o lixto e ter coidado cos incendios.

Jaime Dragó

ESPÍRITU NADALEIRO

É chegar o mes de decembro e nas rúas e no colexio xa se sente o espíritu nadaleiro. Empezamos a adornar  a nosa clase , a poñer murais polos corredores e fixemos as tarxetas de Nadal para o concurso do cole. Tamén estamos a preparar unha obriña de teatro "Salvar o Nadal" que escribiu o noso compañeiro de ciclo Dani Méndez  e que imos tentar representar o día 17 no Festival de Nadal.

Estes somos nós e as nosas tarxetas Nadal, esperamos que vos gusten.

Grazas a Jessica do blog "BONITOOH" que fai verdadeiras marabillas e me cedeu as imaxes puiden facer este libro lim sobre as tradicións de nadal con actividades para Educación Infantil e Primaria ( cando está en pantalla completa non deixa escribir ).

Hoxe celebramos o Día da Constitución. Premede na imaxe de abaixo e teredes variados re

¡1000 VISITAS! ¡GRACIÑAS A TOD@S!

¡XA PASAMOS DAS MIL VISITAS! MOITÍSIMAS GRAZAS A TODOS E A TODAS.

¿IGUAIS? SI, PERO DIFERENTES

Na actualidade hai máis de 500 millóns de persoas no mundo que padecen algunha discapacidade de tipo física, mental o sensorial, e dicir, aproximadamente o 10% da poboación mundial.

A celebración anual do Día Internacional das Persoas con Discapacidade, o 3 de decembro, ten como meta fomentar a comprensión dos asuntos relativos á discapacidade e mobilizar o apoio á dignidade, os dereitos e o benestar das persoas discapacitadas. Preténdese acadar que as persoas discapacitadas disfruten dos dereitos humanos e participen na sociedade de forma plena e en condicións de igualdade, obxectivo establecido polo Programa de Acción Mundial para as persoas con discapacidade que adoptou a Asamblea Xeral das Nacións Unidas en 1982.

Grazas a Elizana, do blog "SONRISA DE MIL COLORES" atopeu este libro "Nin máis, nin menos. A discapacidade explicada aos nenos e as nenas" que considero moi interesante e vos acosello que leades.

E nestes días circula pola rede este fermosísimo relato de Isabelle Carrier, no que a autora recrea o día a día dun neno "diferente": as súas dificultades, as súas cualidades, os obstáculos que ten que afrontar ...

Adicado a esas personas extraordinarias que saben apreciar a todos os «Lorenzos» que arrastran un cazo polo mundo.

ASÍ TRABALLAMOS CONTRA A VIOLENCIA DE XÉNERO

Hoxe, 25 de novembro, traballamos cos nosos compañeiros da clase do lado, contra a violencia de xénero. Primeiro fomos á Sala de Xuntas onde, despois dalgún que outro pequeno percance técnico, poidemos ver a presentación que ven a continuación e que fixemos buscando recursos en internet: información, videos, cancións, imaxes, ...

Despois fomos a clase e intentamos dar resposta as catro preguntas que nos facían e estas foron as nosas respostas:

1.- Case sempre é o home o que maltrata á muller, ¿por que cres que é así? Porque teñen máis forza física e se cren mellores ca elas.

2.- ¿Por que cres cunha persoa que é maltratada pola súa parella, cala, aguanta e segue convivindo con esa persoa?

Porque o quere e ademais non ten cartos para sustentar aos seus fillos se marcha dalí.

3.- ¿Cres que as persoas cercanas a unha parella que convive con violencia, poden facer algo para impedir esta situación?

Si, intentando separalos, falando con eles para que fagan as paces e suavizando a situación, procurando que arreglen os seus problemas sen ter que utilizar a violencia.

4.- ¿Cres que a sociedade pode facer algo para que disminuia o maltrato hacia a muller? Si, facendo manifestacións, prohibindo a violencia, ...

E para lembrar este día fixemos uns bonitos marcapáxinas coa imaxe de Mafalda nos que escribimos frases en contra a violencia de xénero.

DÍA INTERNACIONAL DA ELIMINACIÓN DA VIOLENCIA DE XÉNERO

O vindeiro 25 de novembro celebrarase o DÍA INTERNACIONAL DA ELIMINACIÓN DA VIOLENCIA DE XÉNERO, un problema ante o que non podemos pechar os ollos e sobre o que debemos traballar con ahínco para acadar a súa eliminación. Debemos comezar na escola promovendo  relacións de igualdade entre rapaces e rapazas como prevención primaria das violencias sexuadas. .

O Secretario Xeral das Nacións Unidas, dixo:

"A violencia de xénero é quizáis a máis vergoñosa violación dos dereitos humanos. Mentras continúe, non podemos afirmar que esteamos a lograr progresos reais hacia a igualdade, o desenvolvemento e a paz"

20 DE NOVEMBRO, DÍA DOS DEREITOS DA INFANCIA

O 20 de novembro de 1959, a Asamblea Xeral da ONU aprobou a Declaración Universal dos dereitos dos nenos e nenas. Esta Declaración, establece en dez principios cuidadosamente redactados, os dereitos dos nenos e nenas para que disfruten de protección especial e dispoñan de opotunidades e servicios que lles permitan desenvolverse felizmente en forma sa e normal, en condicións de liberdade e dignidade; para que teñan un nome e unha nacionalidade desde o seu nacemento; para que gocen dos beneficios da seguridade social e reciban tratamento, educación e coidados especiais se teñen algún padecemento; para crecer nun ambiente de afecto e seguridade; para que reciban educación e figuren entre os primeiros que reciban protección e socorro en casos de desastre; para que se lles protexa contra calquer forma de discriminación, á par de que sexan educados nun espíritu de comprensión, tolerancia, amizade entre os pobos, pola paz e a fraternidade universal.

Esta Declaración, ademais de proclamar os dereitos das nenas e dos nenos, insta aos pais, aos adultos, ás organizacións e ás autoridades, a que recoñezan istos dereitos e loiten pola súa observancia.
Na páxina Aprende e Xoga de Unicef podemos atopar máis información sobre os Dereitos dos nenos e das nenas e a  Convención, xogos e tamén videos.

Na pestana de Educación en Valores atoparedes recursos variados  sobre os Dereitos dos nen@s.

E ASÍ O CELEBRAMOS

Aquí vos deixamos as fotos da celebración do Magosto do pasado xoves. Quixemos facer un diseño distinto e tarda un pouquiño en cargar por iso tedes que ter paciencia.

MAÑÁ CELEBRAMOS O MAGOSTO

Mañá xoves celebraremos a festa do Magosto no colexio. Teremos a actuación do coro dirixido polo profesor Fraguela, veremos os dous contos que grabamos entre as dúas clases: "A castaña que rebentou de risa" e "A castaña que quería saber de onde procedía", este último escrito e ilustrado polo alumno docentro Daniel Méndez e por suposto e o máis importante de todo ¡COMEREMOS CASTAÑAS ASADAS E COCIDAS! ¡UHMMMMMM!

Para traballar sobre o tema preparei estes dous libros Lim, un sobre a celebración do Magosto e outro sobre o conto de "A Castaña que Rebentou de Risa". Para velos a tamaño completo tedes que clicar na pantalla que está arriba á dereita. Os dous libros están escritos en galego e teñen actividades para Educación Infantil e os tres ciclos de primaria.

ESTAMOS EN OUTONO

Nas nosas aulas e nos pasillos respírase un aire de outono. Estivemos facendo un gran mural coa axuda da clase do lado e os rapaces do taller de carpintería fixéronnos un precioso marco de madeira e nolo pintaron de vermello. Tamén adornamos o pasillo cunha castaña, unha cabaza así como unhas viñetas de como se decora unha cabaza e do conto "A CASTAÑA QUE REBENTOU DE RISA" ilustrado pola profe Rosana Rodiles do Cole de Pazos. A ese mesmo conto puxémoslle a nosa voz, montamos un video e o subimos a YouTube. ¿Queredes velo?

E aquí vos deixamos as fotos de como foi o proceso de elaboración do mural e a decoración do pasillo. Se queredes velas a pantalla completa tedes que clicar abaixo á dereita.