O martes da semana pasada, a ANPA convidounos a asistir ao Pazo da Cultura de Narón para ver a obra de teatro: "2021: Unha odisea na terra", unha obra escrita e dirixida por José Luis Prieto e interpretada pola Escola de Teatro de Narón.
Durante preto dunha hora poidemos disfrutar dunha fantástica obra que ten na contaminación o tema central, abordando tamén de xeito transversal a educación vial ensinándonos que temos que poñer casco ou como temos que tomar as rotondas entre outras cousiñas. Aquí vos deixamos unha sinopse da obra:
SINOPSE: No ano 2021, unha súbita contaminación masiva provocada por "OS OUTROS" fai que haxa que evacuar a toda a pobación terrestre a marte. Na Terra só quedan catro "ESCOLLIDOS" coa misión de investigar as causas de tal desastre ambiental e poder así salvar o Planeta.. Durante esta importante misión, estos "Escollidos" terán que enfrontarse a moitas situacións arriscadas.
Como xa vos comentamos nunha entrada anterior (que podedes ver AQUÍ), no festival das Letras Galegas, o grupo de quinto fixemos unha pequena obriña titulada "NA CONSULTA DO DOUTOR" de Fina Casalderrey. Desde aquí queremos darlle as grazas á teacher Uxía por gravarnos coa cámara da profe para que así poidamos disfrutar da nosa actuación tantas veces como queiramos e tamén para que poidamos amosárvola. Así que con todos vós... "Na consulta do doutor":
Como poidéchedes ver, saiunos moi requetebén, non si?
Neses días tamén estivemos aprendendo a vida e obra do autor homenaxeado, Xosé Fernando Filgueira Valverde, gravando a súa biografía coa que montamos un video que xa vos amosamos, e tamén ilustrándoa. Ollade, ollade:
Se clicades enriba do símbolo de nota musical poderedes escoitar a súa vida e no recadro de enriba á dereita , como xa ben sabedes, podedes poñelo a pantalla completa.
O pasado martes fomos ao teatro Jofre en Ferrol para ver a obra: "A NENA E O GRILO NUN BARQUIÑO" da compañía MAGIN BLANCO coa participación de Montse Piñón e Pepablo Patinho do grupo de Teatro Ghazafelhos.
O espectáculo consistiu no relato da historia dunha viaxe protagonizada por unha nena e un grilo mediante a interpretación de cancións que van desde o reggae, ao pop, ao rock ou á bossa nova.,
Pasámolo moi ben porque os actores interactuaban cos músicos e co público e tamén porque as cancións tiñan moito ritmo e eran moi pegadizas.
Aquí vos deixamos un anaquiño do que poidemos ver:
Este espectáculo está basado no libro-CD do mesmo nome: "A nena e o grilo nun barquiño" do músico galego Magín Blanco editado por FOL MÚSICA, un libro de 60 páxinas acompañado dun Cd con 13 cancións, como eles din: "decorado con fermosas ilustracións a cargo de Leandro Lamas e aderezado con estimulantes actividades creativas e interactivas para os nenos, para que poidan pintar, escribir e debuxar o seu propio libro".
A nosa obra de teatro: "UN MUNDO MELLOR" na que colaboramos a profe Patricia, a profe Estrela e máis eu; e protagonizada por un grupo de 17 alumnos/as do colexio: Jordan, Miguel, Brais A. , Brais V, Yolanda, Ángel, Juan Marcos, Leticia, Andrea, Helena, José Ángel, Erika, Sandra, Marcos, Alfonso, Ramiro e Pablo Ezequiel, acadou o primeiro premio no Certame do Cooperativismo no Ensino. O vindeiro sábado cinco de xullo, iremos ao centro ÁGORA na Coruña a recoller o noso premio.
Aquí vos deixamos a obra para que vexades o ben que o fixemos:
A semana pasada fomos ao teatro Jofre a ver a obra "CONTOS PARA ESCAGARRIÑARSE DE RISA" do grupo GHAZAFELHOS. Alí contáronnos tres contos: "A CABRA MONTESINA","AS LAVANDEIRAS" e "A SANTA COMPAÑA" cos que nos partimos de risa.
En YouTube hai este extracto da obra no que podedes ver o divertido que é:
E hoxe tivemos a gran sorte de que viñesen ao noso cole a representarnos a obra: "O PAÍS DOS MANDÓNS", obra inspirada no libro do mesmo título de Paloma Rodríguez e Cristina Justo, que fala da IGUALDADE e do REPARTO DE TAREFAS. Pasámolo fenomenal:
O venres fomos á Fundación Novacaixagalicia a ver a obra "LUME" baseada nun libro do mesmo nome do escritor Alberto Varela Ferreiro, a cargo da compañía BABALUVA.
A obra baséase nunha historia de cooperación e concienciación medioambiental xa que se trata dun incendio que se produce nun bosque e todos os animaliños teñen que unirse para atallar ese lume.
SINOPSE:
"Nun bosque onde vivían moitos animais algo pasou que fixo ladrar ao can…
Unha lapa chegou con ganas de facer lume e fume. O can chamou á vaca, a vaca ao cervo, o cervo á xabarila, a xabarila á landra, a landra preocupada foi buscar ao moucho que avisou a araña. A araña viu ao ourizo, o sapo alertou á garza que estaba comendo miñocas. A eiruga falou coa bolboreta, voluntariosas chegaron a vacaloura e ao esquío. E así foi como axudándose uns aos outros prepararon un plan para apagar o lume."
Ainda que nos gustou todo, o máis orixinal da obra foi o xeito de elaborar os animaliños e o resto do decorado xa que estaban realizados utilizando obxetos cotiás como envases, medias, guantes, panos de cociña, taburetes, ... todo moi sinxelo e colorido.
Estes días andamos do máis ocupados. Onte, aproveitando que facía bo día, entre todos, plantamos catro árbores no bosque e xardíns que rodean o colexio. No xardín de diante plantamos un GINKGO e no bosque de detrás do patio, plantamos un ALERCE EUROPEO , unha NOGUEIRA e un CASTIÑEIRO. Foi unha boísima experiencia para todos. Cada cual axudou según as súas posibilidades: botar a terra, soster as árbores, regar,...
Ollade canto e que ben traballamos:
Aproveitando que iamos a plantar e que non hai moito que foi o día da Árbore e o día da Terra, lembramos moitas das cousas que aprendimos o ano pasado sobre as árbores e as plantas e que están recollidas no blog sobre os bosques que xa vos amosamos o ano pasado:
E hoxe voltamos á FUNDACIÓN NOVACAIXA GALICIA, esta vez a ver unha obra de teatro de títeres: "A CAIXA DE MÚSICA" da Compañía Viravolta Títeres. Trátase dun espectáculo de marionetas de mesa, que conta a historia de dous rapaciños, Icía e Salterio, que xogando estropean a caixa de música de Calderón, un velliño que toca na plaza. A nena fai todo o posible para arranxala, e grazas a uns pintorescos personaxes, Zaracruso e Alterego, ao final o consegue. É un espectáculo moi atractivo e vistoso para os nenos e nenas debido á iluminación e as cores reflectantes na LUZ NEGRA. Ademáis conta coa participación de TRES MÚSICOS EN DIRECTO que tocan o violín, o piano e o clarinete:
En internet, atopei este video promocional da obra, que deixamos aquí para lembrar o bonita que era e o ben que o pasamos:
Hoxe tivemos o gran pracer de volver a ver actuar á Compañía de Teatro de Blanca Marsillah. Ás once e media partimos todos hacía o Centro Cultural de Caranza onde íamos ver a función: "POESÍA EN MOVEMENTO" obra creada por Adolfo Marsillach e adaptada pola súa filla para un público con discapacidade, que ten como obxectivo interactuar co público utilizando a música, o ritmo, os poemas e o exercicio físico.
Está protagonizada pola propia Blanca Marsillach, Xavi Olza e ainda que vos pareza incrible, Adolfo Marsillach que dende unha pantalla participaba no acto.
Durante hora e media disfrutamos dun recitado de textos e poesías de Góngora, Quevedo, Alfonso X , Miguel Hernández, Gloria Fuertes ,... como "Poderoso Caballero es don Dinero", "Érase un hombre a una nariz pegado",... e dun taller de teatro onde se trataba de que participasen o maior número de espectadores. Así vimos como subiron ao escenario algúns alumnos nosos como Alfonso, Ramiro, Manu e Lara así como dos outros centros que se atopaban alí.
Este proxecto está destinado a persoas con algún tipo de discapacidade e se enmarcan nun programa interactivo de iniciación á escea teatral promovido pola Deputación de A Coruña. Cando se lle pregunta a Blanca pola orixe do mesmo, afirma que xurdiu a raíz dunha experiencia persoal vivida hai algúns anos, na que se sentiu respaldada por moita xente, polo que quere devolver todo ese apoio a través de iniciativas teatrais deste tipo, dirixíndose aos coelctivos máis desfavorecidos.
Se o xoves fomos ao Planetario, o venres tivemos nova saída. Fomos á Fundación Caixa Galicia a ver a obra: "O CAMIÑO DO LOBO" organizada pola Obra Social de Novacaixagalica en colaboración coa Concellería de Cultura.
A obra conta a historia de tres cómicos ambulantes que instalan as súas actuación nunha cidade do Camiño de Santiago, anteriormente chamado Camiño do Lobo. A representación recupera o ambiente dos teatros ambulantes que percorrían o Camiño entretendo e ofrecendo descanso ao camiñante. Todos tivemos a oportunidade de escoitar distintos romances como o da LOBA PARDA, o do CANTEIRO, o do HOME DO SACO,... e de pasar un ratiño moi entretido disfrutando das ocurrencias dos personaxes e da música que facían utilizando distintos instrumentos antigos.
Case non sacamos fotos porque non saían nada ben. Aquí vos deixamos unha pequena mostra:
A semana pasada tivemos a sorte de contar no cole coa actuación da COMPAÑÍA TEATRAL DE BLANCA MARSILLACH que coa colaboración da FUNDACIÓN REPSOL está dando unha xira por toda España coa súa obra "SILENCIO ... VIVIMOS", un taller de teatro adaptado para persoas con discapacidade física, intelectual e sensorial.
"Silencio ... Vivimos" trátase dunha adaptación para teatro de tres sketches que o dramaturgo Adolfo Marsillach escribiu para a televisión a finais dos sesenta, cunha temática común: a vida. No cole só nos dou tempo a ver dous deles: unha voda e unha tarde de cine.
Durante a obra todos os rapaces e rapazas estiveron moi atentos, disfrutando de todo o que acontecía no escenario. A posta en escea foi xenial cun vistoso vestuario, música pegadiza e sons onomatopéicos realmente fantásticos.
Ao finalizar a obra, comezou o taller no que algúns dos nosos rapaces e rapazas se convertiron en actores subindo ao escenario animados polos actores da obra e polos seus compañeiros. O pasaron realmente ben.
Aquí vos deixamos algunhas fotos da obra e do taller:
Como algúns dos nosos alumnos xa se despediron de nós este venres e non os voltaremos a ver ata o próximo curso, tivemos que adiantar o festival de fin de curso para o xoves 14.
Comezamos coa actuación dos alumnos e alumnas que van a actividades extraescolares, que nos sorprenderon con dúas cancións moi bonitas coas súas correspondentes coreografías:
A continuación fomos ao salón de actos e alí atopámonos con esto:
Era o grupo de teatro GHAZAFELHOS que una vez máis viñan ao cole para sorprendernos cunha das súas fantásticas actuacións. Se o ano pasado por estas fechas contáronnos contos de lobos este ano tocaron... CONTOS PARA ESCAGARRIÑARSE DE MEDO! Contáronnos tres contos: "A cabra Montesina", "As lavandeiras" e a "Santa Compaña" e .. PARTÍMONOS DE RISA.
En Youtube atopei un video extracto da obra, déixovola aquí para que vos fagades unha idea do divertido que foi:
E así o vimos no noso cole:
Despois dun descansiño para ir ao patio, voltamos ao salón de actos. Esta vez para a actuación de Yanko e o seu coro formado por rapazas de distintos colexios e institutos. Esta vez, tan só poideron vir catro, xa que estamos en plena época de exames. Tamén subiron ao escenario, os rapaces e rapaces do noso cole que tamén teñen a Yanko de profesor da actividade extraescolar de música. Entre todos, cantáronnos unhas cantas cancións moi coñecidas que tarareamos todos.
Como chovía, despois de rematar a actuación non poidemos ir a fóra a xogar o partido de fútbol que tiñamos previsto xunto cos profes e os coidadores polo que nos quedamos no salón de actos, escoitando música y bailando. Pasámolo moi ben.
E para rematar unha mañá fantástica, que mellor que unha comida de fraternización co noso alumnado, ou non?
Hoxe fomos ao Centro Cultural Torrente Ballester a ver dúas obras que representaban os alumnos/as do CPI de Atios (Valdoviño) tituladas: "Produccións Roberta" e "O planeta Faigón" redactado por José Luis Prieto e ilustrado por Carlos Mosquera .
Esta última está encadrada dentro do proxecto SALVAVIDAS no que participan distintas entidades como a Xunta de Galicia, o Servizo Galego de Saúde, a Deputación da Coruña e Alcer (Asociación para a loita contra as enfermidades do ril). Como di o presidente de Alcer: "Este proxecto, aposta por utilizar o ámbito educativo como medio para concienciar, informar e promover a doación de órganos entre os escolares e as súas familias".
Ésta é a obra de teatro do Planeta Faigón:
E éste, o texto xunto con algunhas ACTIVIDADES que faremos entre todos o próximo día:
Pasámolo moi ben. Aos rapaces, gustoulles máis a obra de "Produccións Roberta" porque había música e bailes: eran personaxes de contos como Brancaneves, Carapuchiña, o Lobo, ... que se presentaban a un casting para unha película. Pero ás profes gustounos máis a segunda, "O Planeta Faigón" pola mensaxe que levaba.
Hoxe fomos á Casa da Cultura de Narón a ver a obra NANA PARA UN SOLDADO. É unha comedia infantil da compañía GHAZAFELHOSprotagonizada por PePablo Patinho, Montse Piñón e Jorge Casas que relata o encontro de dous soldados inimigos no frente, que terán que deixar a un lado as súas diferencias para facerse cargo dun pequeno imprevisto: o nacemento dun neno. Tenta facer unha reflexión sobre o absurdo das guerras e que o necesario para entenderse é escoitarse e respetarse.
Nada máis chegar déronnos a cada neno unha entrada, no podiamos perdela senón non nos deixaban entrar. Cando nos sentamos nas butacas, de súpeto, apagouse a luz e pouquiño a pouco vimos a un par de marionetas de coelliños que se coñecían, se namoraban e tiñan un montón de fillos. E empezou a obra. Rímonos un montón. Era moi divertida. O único que non nos gustou moito foi o final. Era un pouquiño tristeiro. Non volo contamos para non desvelar o que acontece. Desde aquí queremos animarvos a todos os que vivides cerca que vaiades vela.
Hoxe tivemos teatro no colexio. O grupo GHAZAFELHOS , escenificounos o espectáculo "CONTOS DE LOBOS": unha serie de contos populares (Carapuchiña Vermella, Os sete cabuxos e Os tres porquiños) onde interviñan lobos. A combinación destes contos con xogos de acrobacia, maxia e sobre todo moito humor fixo que tanto profesores como alumnos pasaramos un rato moi entretido.
2021: UNHA ODISEA NA TERRA
.jpg)
