30 dic 2011

NO 2012 DESÉXOVOS ...


Para os bos momentos GRATITUTE,
para os malos ESPERANZA,
para cada día unha ILUSIÓN,
e sempre, sempre FELICIDADE.



FELIZ ANINOVO!!!!!!

23 dic 2011

ESTAMOS EN INVERNO


Chegou o inverno e con el o frío, as tardes curtas ao quentiño na casa, as noites longuísimas, a neve, as xeadas,... E para  aprender as características do inverno que mellor que este libro que comparte con nós Trinidad, do blog "Enseñando y Aprendiendo":



E para seguir practicando e aprendendo cousiñas sobre o inverno, este libro lim que preparei hai xa uns anos sobre o inverno:

21 dic 2011

VACACIÓNS DE NADAL!!!!


Hoxe comezades as vosas MERECIDAS vacacións de Nadal, digo merecidas porque todos traballáchedes moitísimo neste trimestre. Como ides ter moitos días  para estar coas vosas familias e moito tempo libre, vos deixo esta selección de Xogos de Nadal, para que poidades pasar o rato nas tardes chuviosas (que as haberá, por suposto).


FELICES VACACIÓNS!!!!!

19 dic 2011

FELICITACIÓN NAVIDEÑA CON PREMIO!!!!!!!!!


Ao igual que o ano pasado, este ano nos presentamos ao Concurso de Presentacións electrónicas de Nadal que por segundo ano consecutivo convocou a Secretaría de Xeral de Política Lingüística e non o ides crer... VOLTAMOS A GAÑAR O SEGUNDO PREMIO. Dicir que estamos contentos sería pouco, estamos... CONTENTÍSIMOS.
Con ela,  a todos os visitantes habituales ou  casuais do blog e en especial a todos os nosos SEGUIDORES 

QUEREMOS DESEXARVOS  ( QUEREMOS DESEAROS)
QUE TEÑADES UN MÁXICO NADAL ( QUE TENGAIS UNAS NAVIDADES MÁGICAS)
E UN ANINOVO ( Y UN AÑO NUEVO)
CHEO DE SOÑOS REALIZADOS.(LLENO DE SUEÑOS REALIZADOS)
FELICES FESTAS!!!!!(FELICES FIESTAS!!!!!!!!!)



E aquí vola deixo tamén en castelán para todos os nosos amigos e amigas que non son de Galicia:


E se queredes ver a do ANO PASADO, clicade na imaxe:


Motísimas grazas a Jessica do blog BONITOOH, pois sen os seus deseños non gañaríamos.

18 dic 2011

PREMIOS CONCURSO TARXETAS DE NADAL

Lembrades as tarxetas de nadal que fixemos para o concurso de Tarxetas de Nadal do cole? Pois ben unha das nosas postais, concretamente a de Ramiro foi elexida para felicitar con ela a toda a comunidade educativa: profes, familias, coidadores, adxuntos,... Esta é a tarxeta gañadora:


Pero non queda ahí a cousa pois as tarxetas de Diego, Marcos e Alfonso tamén resultaron premiadas xunto coas de outros compañeiros do cole:
MOITAS FELICIDADES PARA TODOS OS GAÑADORES/AS!!!!!

17 dic 2011

FESTIVAL DE NADAL

Como xa vos contamos, o pasado xoves celebramos o Festival de Nadal. Nós participamos de dúas formas distintas: poñendo a nosa voz no conto SALVAR O NADAL e facendo unha pequena dramatización en galego "O GALO PINTO" con panxoliña inclúida en castelán. Esta é a nosa pequena dramatización:


Ademáis do noso conto e a nosa dramatización de O GALO PINTO, houbo moitas máis actuacións como: cancións do CANTAJUEGOS ( a Taza e o Arca de Noé), de Disney (O Rei Léon), das Divinas, tocaron o piano o profe Fraguela e a profe Ana (a substituta de Bea), ésta última tamén nos bailou baile clásico. A pesares do nerviosos que estabamos, pasámolo moi ben.
Aquí tedes algunhas das fotos do festival:





E aquí  a nosa actuación estelar. O video está un pouquiño empezado e está sin editar, ademáis o audio non é moi bo pero a nós fíxonos moita ilusión facelo e vernos despois.



Teño que darlle as "GRAZAS" á profe Isabel, por facerme saír a min tamén no video o cal non era precisamente a miña intención.

16 dic 2011

UN DÍA MOI COMPLETO

Hoxe tivemos un día completísimo no colexio. A media mañá fomos ao cine. Os maiores foron a ver a película PRADOLONGO, a historia de tres amigos da infancia que ven como a súa amizade vai deteriorándose a medida que os intereses e clase e os seus sentimentos amorosos entran nas súas vidas,


e os máis pequenos fomos a ver "A TROPA DE TRAPO NO PAÍS ONDE SEMPRE BRILLA O SOL",unha divertidísima película de animación en 3D dunha orixinal panda de mascotas feitas con teas de diferentes estampados. Aquí vos deixamos un pequeno video da película:


Ao mediodía xuntámonos no comedor: profes, alumnado, coidadores e demáis persoal do centro para disfrutar dun xantar comunitario:



E pola tarde, celebramos o festival de Nadal xa que algúns rapaces que están internos vanse mañá para casa e xa non volven ata despois das vacacións. Mañá vos amosaremos as fotos e quen sabe ao mellor tamén o video da nosa actuación.

13 dic 2011

SALVAR O NADAL


O ano pasado, o alumno Dani Méndez, escribiu este fermoso conto sobre o Nadal e a amizade, para que o representáramos no Festival de Nadal. Pois ben, gustounos tanto que este ano decidimos montar un video con el para poñerllo aos nosos compañeiros no festival de Nadal deste ano. E así foi coma nos quedou:



Como sabemos que nos visitan moitos amigos de fóra de Galicia, tamén montamos o conto en CASTELÁN, para que así poida chegar a máis xente e o poda utilizar quen queira:



Si alguén quere ver o conto orixinal, visitade o blog da miña compi Digna, A BITÁCORA DO TERRA DE FERROL

10 dic 2011

DECORACIÓN E MANUALIDADES NAVIDEÑAS

Nesta entrada queremos amosarvos algunha das manualidades navideñas que fixemos e como decoramos a nosa clase e o corredor.
Para a porta , aproveitamos a coroa de Rudolph que fixemos o ano pasado, era unha mágoa tirala, que era moi bonita:


Para as ventás recortamos unhas bólas cunha árbore de Nadal dentro, foi moi difícil porque ao principio cortabamos tamén a árbore pero ao final conseguimos facelo ben NÓS SOÍÑOS e tamén fixemos botas, campás e bolas recortando papel de seda de distintas cores:


Como o mural do Belén tivemos que levalo para a entrada principal, o noso corredor quedaba moi baleiro, por iso aproveitamos unha árbore de Nadal que había dunha obra de teatro do ano pasado, o cubrimos coas nosas mans e lle puxemos bolas de cores cun laciño e como nos gusta moito facer cadenetas pois improvisamos un Papa Noel cunhas barbas delas:


Pero sin dúbida, o que máis, máis nos gustou facer (aparte do Belén, claro)  foi os nosos PAPA NOELES cunhas botellas de refresco, estamos desexando levalos para casiña:


E polo de agora, xa non nos dou tempo a facer nada máis, estamos rematando de gravar un conto para poñer no festival de Nadal, que xa vos amosaremos cando estea rematado ademais de ensaiar a panxoliña do Galo Pinto. Esperamos que vós guste todo o que fixemos.

8 dic 2011

MONTAMOS O BELÉN


Estes días na clases andivemos a montar un Belén moi especial. Que por que era especial? Porque os protagonistas do noso Belén eramos nin máis nin menos que.... NÓS MESMOS. Que non volo credes? Pois aquí vos deixamos as fotos.

E vós, tamén queredes montar o voso Belén?

6 dic 2011

ACHÉGASE O NADAL!!!

Levamos uns poucos días do mes de decembro, e xa por todas partes respírase o aire de Nadal. Nós, ya levamos uns días traballando sobre o tema. 
Estamos a decorar a clase e o corredor e facendo manualidades (xa vos ensinaremos as fotos máis adiante, cando rematemos) pero tamén fichiñas de traballo como estas:

Participamos no concurso de tarxetas de Nadal que organiza o noso colexio todos os anos. Aquí nos tedes coas nosas postais:
 E tamén estamos a traballar no rincón do ordenador e na PDI, co Libro Lim que fixen o ano pasado: "CELEBRAMOS O NADAL":
Este ano tamén o preparei en CASTELÁN por si alguén que non é de aquí, de Galicia o quere utilizar cos seus alumnos e alumnas:
http://dl.dropbox.com/u/14722558/NAVIDAD/navidad.html
Tamén utilizaremos o LIM sobre vocabulario navideño que preparou a nosa amiga Belén Junquera do blog Casa de Tolos:
http://chiscos.net/almacen/lim/nadal/nadal.html

3 dic 2011

TRABALLANDO A CONSTITUCIÓN

O próximo martes día 6, non temos cole porque se celebra O día da Constitución. Para traballar un pouquiño cos nenos este tema preparei este conto que atopei en internet: "O CUMPREANOS DA CONSTITUCIÓN" con imaxes de Vladimir Zúñiga do blog Focaclipart e de Jessica do blog Bonitooh. Volo deixo en dúas versións, en formato video, con voz:




E agora en formato libro:






Aquí vos deixo o conto en castelán:

Como, Trinidad do blog Mariposas de Colores, tivo a misma idea ca min, e fixo o mesmo conto pero en castelán e con imaxes en branco e negro para que poidan colorear os nenos e nenas, utilizaremos o seu libro para que o coloreen na clase:
E para completar, este poemiña que preparou Dolores do blog Aula Virtual de Audición e Linguaxe con imaxes que atopou en Internet:

2 dic 2011

UN NOVO BLOG DE PREMIOS!!!!

Por fin me decidín a facer un blog onde gardar todos os premios que con tanto cariño nos adicais. Clicade na imaxe para acceder:


A partir de agora o poderedes atopar no blogroll da dereita, e como non para alí va as 100.000 VISITAS nada máis e nada menos da nosa amiga Blanca do blog Actividades para Educación Infantil.


A MIÑA MÁIS SINCERA NORABOA BLANCA

1 dic 2011

DÍA DA DISCAPACIDADE


Sabías que según a OMS (Organización Mundial da Saúde) arredor do 15% da poboación do planeta padece algún tipo de discapacidade permanente (motriz, sensorial, mental,...) e que as  persoas con discapacidade atopan numerosos obstáculos na sociedade, seguen sendo en gran parte marxinados, son excluidas  en gran medida dos procesos civís e políticos e maioritariamente, non teñen voz en asuntos que lles afectan directamente? O vindeiro 3 de decembro celébrase o DÍA DA DISCAPACIDADE. Esta data foi establecida pola Asamblea Xeral no ano 1992, para fomentar a integración na sociedade das persoas discapacitadas, buscando concienciar á xente sobre os problemas daqueles que padecen algún tipo de impedimento físico ou psíquico así como promover melloras relacionadas  cos dereitos, benestar e dignidade dos afectados.  O tema deste ano é: "XUNTOS EN PRO DUN MUNDO MELLOR PARA TODOS, QUE COMPRENDA A PARTICIPACIÓN DAS PERSOAS CON DISCAPACIDADE NO DESENVOLVEMENTO"

Na clase, traballaremos estes tres contos:

- O primeiro que fala da Hiperactividade para traballar con Infantil e Primeiro Ciclo de Primaria, atopeino no blog de PT de Rocío Méndez,




- O segundo fala da Diversidade e atopeino no blog de Vanessa, En la escuela caben todos,




- E o terceiro que se títula "LUÍS O MAQUINISTA" e fala dos nenos coa Síndrome de Asperger, atopeino nos blogs das dúas.

MOITÍSIMAS GRAZAS A ROCÍO E A VANESSA POR COMPARTIR

30 nov 2011

NOVO MURAL DE OUTONO

Noelia, do blog "MI COLE AL DÍA", que podedes atopar no blogroll da dereita, fai uns debuxos preciosos. Hai uns días mostrounos uns moi bonitiños sobre o outono. Había un que nos gustou moito á miña compañeira Digna e máis a min, por iso, debuxeino nun papel continuo (por suposto que non queda igual que o orixinal) e os rapaces e rapazas da profe Digna o pintaron.
Aquí vos deixamos o resultado para que vexades que quedou ben xeitosiño.



MOITAS GRAZAS, NOELIA POR FACER TAN BONITOS DESEÑOS E COMPARTILOS CON NOS

28 nov 2011

FOTOGRAFIANDO E CATALOGANDO AS ÁRBORES DO NOSO COLEXIO

Dentro do proxecto "OS NOSOS BOSQUES", tiñamos prevista unha visita polo patio do noso colexio para ver as árbores que alí había e catalogalas. Tivemos que esperar a que fixera bo tempo para facelo. Así que mentras esperábamos preparamos un pouco a saída. Buscamos en Google imaxes das árbores que iamos ver e o profe Tomé de xardineiría fixo con elas unhas láminas. Despois lle axudamos a plastificalas para poder poñelas en cada árbore.

PREPARANDO A SAIDA on PhotoPeach

O venres pasado por fin fixo bo día e poidemos saír ao patio a catalogar as árbores. De dúas en dúas clases, fomos cos encargados do taller de xardineiría, Tomé e Luís. Unha vez alí, tiñamos que identificar as árbores coa axuda das láminas. Había que fixarse moito nas ramas, follas, froitos,a forma do tronco,... pero algunhas árbores NON TIÑAN FOLLAS e iso facía moi difícil a identificación. Unha vez que xa sabiamos de que árbore se trataba, con axuda colocábamos a lámina ben atadiña, e lle sacábamos unha foto. Sí, sí, como escoitades, TAMÉN FIXEMOS DE FOTÓGRAFOS. Como sacamos moitísimas fotos, fixemos a seguinte montaxe:

27 nov 2011

MOI FELIZ DÍA DO MESTRE/A!!!!!!!!!


Hoxe dúas mestras blogeras amigas, me lembraron que era o día do maestro. Antes non tiñamos clase e se celebraba por todo o alto en honor a San José de Calasanz que adicou toda a súa vida á educación dos xóvenes, pero agora cambiaron esta data polo Día do Ensino (Día da Educación) que cada ano cambia de data según lle convexa máis non sei realmente a quen. Pero para reinvindicar este día, aquí vos deixo este fermoso conto: "A mestra chiflada", escrito e ilustrado por El Hada de los Cuentos, del blog Cuaderno de Colores (non deixedes de visitalo)

E para commemorar esta data, aquí vos deixo este selliño que recibiu El Hada de los Cuentos e que eu ao igual que ela adico a todos aqueles mestres e mestras, pasados e futuros, que nos visitan.
Para tod@s:  MOI FELIZ DÍA DO MESTRE/A!!!!!!!!!

CUMPLEBLOGS!!!!!!

Con esta entrada quero felicitar a varios blogs amigos que ao longo destes días celebraron o seu cumple ou o número de seguidores.
Desván de palabras, de Mª José con estupendos recursos de elaboración propia:


Berenice, a miña amiga bloguera do outro lado do mar, co seu blog Burbujitas cheo de entradas interesantísimas e de bos recursos, que tamén cumpriu un ano


Carmen de Aula de Infantil que celebrou as súas 100.000 visitas, nada máis e nada menos, que envexa!!!! (sana por suposto). Tedes que ver as experiencias tan chulis que fai cos seus nenos e nenas.


E por último, a miña amiga Blanca, que vai coma unha bala, atopa sempre un montón de recursos interesantísimos e está ao tanto de todo, celebra o segundo cumpreanos do seu blog Actividades para Educación Infantil


¡MOITÍSIMAS FELICIDADES A TODAS! 
(se se me olvidou alguén síntoo moito)

25 nov 2011

EDUCANDO EN IGUALDADE PARA COMBATIR A VIOLENCIA CONTRA AS MULLERES


Hoxe se celebra en todo o mundo o Día Internacional contra a Violencia de Xénero. Nesta data, temos  que ser conscientes que só combantido as desigualdades entre homes e mulleres, se poñerán os cimentos para erradicar definitivamente a violencia, e que a ferramenta fundamental para conseguilo é  A EDUCACIÓN EN VALORES DE IGUALDADE.
Na clase estivemos a falar deste tema. Expliqueilles dun xeito sinxelo para que o entenderan, o significado desta data e pregunteilles que sabían do tema, que pensaban, .... Despois fixemos un lazo conmemorativo que acabamos pegando na cristaleira de entrada ao cole. A idea orixinal sacámola do blog IGUALDA, e nós lle cambiamos as imaxes por outras que nos gustaban máis. Así nos quedou:


Despois, aproveitando que tiñamos informática, invitamos aos rapaces e rapazas da clase da profe Digna e vimos un conto narrado que falaba dunha Tribu que era moi especial, queredes saber por que? Pois clicade na imaxe e escoitade moi atentamente.


Por problemas técnicos non poidemos velo na PDI como era a nosa intención inicial así que rematamos véndoo nun ordenador. Menos mal que éramos pouquiños senón ....

Mirade que atentos estabamos todos:


DIGAMOS TODOS NON Á VIOLENCIA!!!!

24 nov 2011

NANA PARA UN SOLDADO

Hoxe fomos á Casa da Cultura de Narón a ver a obra NANA PARA UN SOLDADO. É unha comedia infantil da compañía GHAZAFELHOS protagonizada por PePablo Patinho,  Montse Piñón e Jorge Casas que relata o encontro de dous soldados inimigos no frente, que terán que deixar a un lado as súas diferencias para facerse cargo dun pequeno imprevisto: o nacemento dun neno. Tenta facer unha reflexión sobre o absurdo das guerras e que o necesario para entenderse é escoitarse e respetarse.
Nada máis chegar déronnos a cada neno unha entrada, no podiamos perdela senón non nos deixaban entrar. Cando nos sentamos nas butacas, de súpeto, apagouse a luz e pouquiño a pouco vimos a un par de marionetas de coelliños que se coñecían, se namoraban e tiñan un montón de fillos. E empezou a obra. Rímonos un montón. Era moi divertida. O único que non nos gustou moito foi o final. Era un pouquiño tristeiro. Non volo contamos para non desvelar o que acontece. Desde aquí queremos animarvos a todos os que vivides cerca que vaiades vela.

23 nov 2011

UNHA ALIMENTACIÓN SAUDABLE

Hoxe no cole tivemos a visita de Asun e Vanesa que pertencen ao Instituto Galego de Consumo a darnos unha charla sobre alimentos saudables. Moitos dos nenos e nenas do cole ían en Porriño a unha competición de baloncesto polo que fomos poucos os que poidemos asistir a dita charla. Pasámolo moi ben. Fomos a Sala de Xuntas e alí tiñamos dúas mesas preparadas. Despois de sentarnos a cada un de nós repartíronnos un alimento. Había de todo: pan, patacas, peixe, polo, chocolate, xelado, galletas, leite, iogures,.... As monitoras preguntábannos o noso nome, o nome do alimento que tiñamos nas mans, se eran saudables, se non gustaba,... Cando nos preguntaron se nos gustaba o tomate uns cuantos levantamos a man pero ... cando nos preguntaron si nos gustaba o chocolate ou os xelados ... TODIÑ@S LEVANTAMOS A NOSA MAN! Despois ensináronnos unha pirámide de cores, e dixéronnos que eran a Pirámide dos alimentos, que había que comer moito do que había abaixo e pouco do que había arriba. Era unha pirámide moi especial porque se podía desmontar. Cando a tiñan desmontada xogamos a un xogo que consistía en botar en cada cor os alimentos correspondentes. Así na cor laranxa botamos os macarróns, o pan, as patacas,... era o máis grande de todos. Na cor verde ían as froitas e verduras por iso botamos o tomate, a pera, a mazá,..., despois viña o azul e alí ía o leite, os iogures, o queixo,... Xa só faltaba o vermello no que metimos o peixe, a carne, o polo,... e por último o amarelo onde colocamos os xelados, as salchichas, o chocolate, ... Era a puntiña da pirámide e Asun díxonos que podiamos comer pouquiño deses alimentos, que non podiamos abusar. QUE MÁGOA, XUSTAMENTE OS QUE MÁIS NOS GUSTABAN A TODOS! Aquí vos deixamos algunhas das fotos que quitamos. Lembra que se poden ver a pantalla completa e quitar o volume para que non se esc oite cando acabe a presentación de fotos.

E con tanto alimento, para traballar o seu vocabulario tanto na pizarra dixital como no rincón do ordenador vos deixamos esta secuencia didáctica:
E para ver se sabedes colocar ben cada alimento no seu lugar, clicade na imaxe:

22 nov 2011

DECORACIÓN DE OUTONO


A piques de chegar o Nadal, por fin rematamos a decoración de Outono no noso corredor. Ademais das follas animadas que xa vos ensinamos, fixemos unha coroa de follas con distintas texturas de goma eva e a profe MIRIAM que veu a cubrir unha baixa , antes de irse nos obsequiou con este fermoso mural sobre o OUTONO.


Todo é merito dela e dos seus rapaces. A nosa humilde aportación só foi a curuxa que hai nunha das ramas.


Desde aquí queremos desexarlle que lle vaia moi ben no seu novo destino. UN BICO MIRIAM.
E para divertirnos un ratiño, aquí vos deixamos este divertido xogo co que xogamos na PDI. Ainda que está en inglés enténdese moi ben. Co rato temos que axudar ao esquio a coller as landras e despois a atopalas escondidas debaixo das follas. Que os divirtades.

19 nov 2011

TRABALLANDO OS DEREITOS DOS NENOS E NENAS

Este é o mural que fixemos coa colaboración dos nosos compañeiros da clase da profe Digna e da clase da profe Carmen para commemorar o día dos dereitos dos nenos e das nenas que se celebra o próximo domingo.

Aquí vos deixo as fichas que fixemos. Pódense imprimir, descargar ou incrustar en calquera páxina web ou blog.





E para traballar máis a fondo o tema, fixemos un Glogster, con moitos dos recursos que atopamos en Internet. Espero que vos sexa útil igual que nos foi a nós. Si queredes velo a tamaño grande, tedes que clicar no cadradiño rosa onde pon Glogster poster yourself e despois en VIEW FULL SIZE.


No blog da nosa amiga Elizana, Sonrisas de mil colores, podemos atopar dous novos enlaces que están moi ben:

* Xoga con Muski e descubre os dereitos dos nenos e das nenas
* E se tes entre 6 e 11 anos, visita o Proxecto Sol, a web infantil de Intervida onde atoparás xogos, relatos, traballos manuais, noticias e moitos máis recursos para seguir aprendendo.

17 nov 2011

COMEMOS CASTAÑAS


Por fin chegou o esperado día do MAGOSTO. As once e vintecinco en puntiño baixamos á Sala de Xuntas coa nosa BOLSA DE CASTAÑA, para poñerlles aos nosos compañeiros e compañeiras o noso VIDEO sobre MARÍA A CASTAÑEIRA. Estabamos un pouquiño nerviosos porque tiñamos medo que non lles gustara. Despois xogamos ás ADIVIÑAS que nos tiñan preparadas os nenos e as nenas da profe Digna e da profe Isabel Castro. PASÁMOLO MOI BEN!!!!
E xa para rematar, fomos ao comedor onde nos tiñan preparadas RIQUÍSIMAS CASTAÑAS asadas e cocidas acompañadas de batido de chocolate. UHMMMM, para chuparse os dedos!!! Comimos un montón de castañas.

16 nov 2011

VIDEO: "MARÍA A CASTAÑEIRA"


Aquí vos deixamos o video que montamos sobre o  conto que traballamos na clase: "MARÍA A CASTAÑEIRA" e que lle imos poñer aos nosos compañeiros/as o próximo xoves. Custounos moito gravalo porque era a primeira vez que o facíamos así que non vos fixedes moito nos fallos. Esperamos que vos guste.



e se queredes ver como imos co proxecto : "OS NOSOS BOSQUES" clicade AQUÍ.

11 nov 2011

HOXE TOCOU EXCURSIÓN

Hoxe fomos de excursión As Pontes de García Rodríguez. Visitamos o Lago Artificial así como a Escombreira terminada de restaurar no ano 2007 e convertida nun enorme bosque no que se plantaron 600.000 árbores e onde podemos atopar 180 especies distintas de vertebrados das cales 9 corresponden a anfibios, 6 a réptiles, 131 a aves e 34 a mamíferos. Se queredes ver as fotos da visita, visitade o blog: OS NOSOS BOSQUES.


Pero iso non é todo. Aproveitando que estabamos alí, visitamos o Múseo Etnográfico ubicado no Colexio Monte Caxado, que é unha auténtica marabilla:
Moitísimas grazas a todo o colexio Monte Caxado, e en especial á profe Loly do blog Mans Redondas que se fixo cargo de cinco rapaces que pola súa idade non podían andar polas dependencias da Mina.

8 nov 2011

ALGUNHAS MANUALIDADES DE OUTONO

Hoxe por fin rematamos as nosas marionetas de castañas. Queredes ver como as fixemos? Mirade, mirade.

Click to play this Smilebox slideshow
Create your own slideshow - Powered by Smilebox

Tamén estivemos a facer follas de outono con mans e pés para alegrar o noso corredor. Así nos quedaron:


E se queredes pasar un rato divertido facendo caras con follas, aquí vos deixo este entretido xogo:


5 nov 2011

SOMOS UN BLOG VERSÁTIL


Estes días recibimos un premio por partida triple. O premio otourgáronllo a Blanca do blog Actividades para Educación Infantil desde miles de kilómetros ¡nin más nin menos! e ela pensou en compartilo con nós, pero tamén pensaron en nós para compartilo Elizana do blog Sonrisas de mil colores e Miren do blog La clase de Miren. Moitísimas grazas as tres. Coma sempre para aceptalo hai que cumprir unha serie de condicións:

1º Dicir quen nolo dá: Xa está claro, Blanca, Elizana e Miren.

2º Dicir sete cousas sobre min: Gústame moito a miña profesión, o mundo dos blogs e todo o relacionado con Internet, viaxar, ler (últimamente menos xa que non me dá tempo para máis), as pelis de medo, facer libros LIM e por suposto estar coa miña familia.

3º Hai que enviarllo a 15 blogs amigos: Así que farei coma sempre, para que o premio poida chegar a máis blogs, deixarei a aqueles que xa sei que llo otourgaron (ainda que quero que saiban que para min tamén son merecedores do premio: Paqui de Infantil de Colores, Marta de Érase una vez... una casita encantada, Carmen de Aula de Infantil, Bea de Cousas de peques, Rosa de PequesPazos, Vivi de Mis proyectos, Vane de La clase Vanespecial, Gemi de El blog encantado, Sandra Luz de Mi sala amarilla, Berenice de Burbujitas, Juani de Juani maestra de infantil, Trinidad de Mariposas de Colores, Antoñita de Infantil Antoñita, Mis profes de Infantil Calvo Sotelo, Patri de Falando enténdese a xente, Dolores de Audición y Lenguaje... espero no dejarme ninguno), e estes son os quince cos que o comparto:


3 nov 2011

PREPARANDO O MAGOSTO


En moitos coles xa se celebrou ou estase a piques de celebrar o MAGOSTO ou castañada como lle chaman noutros lugares. No noso cole todavía teremos que esperar un pouquiño, concretamente ata o día 17 de novembro, pero mentres nos estamos a preparar. Imos facer un cestiño con forma de castaña para gardar as nosas castañas asadas, xa fixemos unha marioneta de castaña que pon Magosto 2011, estamos a traballar as fichas do conto da castañeira e ademais a profe levou a súa gravadora ao cole e estamos a gravar o conto para poñerllo aos nosos compañeiros e compañeiras ese día.
E por último, preparamos este libro lim sobre outra versión do conto da Castañeira que atopamos en catalán en Edu365, nós coma sempre o pasamos ao galego e tamén ao castelán por si alguén o quere aproveitar. Non lle puxemos voz para que cada mestre ou mestra o poda contar ao seu xeito.