FESTA DE FIN DE CURSO

Faltábanos por subir as fotos da festa de final de curso. Primero tivo lugar a exhibición dos nenos e nenas que van a actividades extraescolares polas tardes: os que van a INFORMÁTICA amosáronnos unha preciosa presentación en power point feita por eles, os que van a BRINCADOIRO, sorprendéronnos con dúas cancións que cantaron e escenificaron de xeito fantástico e os que van a clases de CANTO con Yanko, deleitáronnos cun popurrí de cancións. Aquí tedes algunha foto:

A continuación dividímonos en grupos e disfrutamos dunha gran selección de xogos populares e de auga. Foi moi divertido. En cada estación de xogos, había outro alternativo para aqueles nenos e nenas que non podían facelo. Así, todos pasamos polos seguintes xogos nos que podiamos estar durante dez minutos:

ESTACIÓN 1.- CARREIRA DE BOTELLAS e LABERINTO: 

ESTACIÓN 2.- AS MAZÁS e ESTAMPAR:

ESTACIÓN 3.- CARREIRA DE VASOS e XOGOS NO AREEIRO: 

ESTACIÓN 4.- OS BOLOS e O XOGO DA RÁ: 

ESTACIÓN 5.- A CORDA e MAQUILLAXE: 

ESTACIÓN 6.- PESCA CON CANAS e PESCA CON TRUEIS : 

ESTACIÓN 7.- CARREIRA DE GLOBOS DE AUGA e ENCESTAR A BÓLA:

E con este selo co que nos obsequia  a nosa amiga Rocío, do blogue El aula PT queremos desexarvos a todos e todas que visitades este humilde espacio:

SEGUIMOS A PAPA NOEL?

Google invítanos a seguir a Papá Noel nos días previos á súa chegada ás casas de todo o mundo. Para iso creou un simpático e orixinal xogo no que podemos observar todo o que fai Papa Noel durante estas datas; contar os días, horas, minutos e segundos que faltan ata que chegue a Noiteboa e incluso mandar a nosa carta. Este seguimento a Papá Noel inclúe varios xogos (repartir regalos, vestir elfos, facer carreiras de renos ,... ) que se desbloquean a medida que avanza o calendario de Adiviento.

Os seus axudantes, os Elfos, invítanos a explorar a súa aldea, chatear con el e ver a tecnoloxía que utiliza o seu trineo para viaxar por todo o mundo. Así que adiante e explora o seu pobo. Seguro que atopas cousas divertidas que facer e coñecer a algúns Elfos interesantes.

Ademais, o 25 de decembre, a páxina transformarase nun centro de rastreo de Papá Noel. Mediante Google Maps, amosará a ruta do seu trineo e os regalos que leva repartidos. 

Fonte da Información

Esta aplicación tamén está dispoñible para Android.

DE ONDE SAEN AS UVAS?

Continuando co noso proxecto sobre a VENDIMA onte aprendimos que as UVAS saen dunhas plantas chamadas VIDES ou PARRAS. Iamos visitar unha vide que había no cole pero tivemos a mala sorte de que a semana pasada a cortaron.

O que sí poidemos recuperar foron algunhas FOLLAS que todavía se conservaban bastante ben e que nos serviron para ver como eran:

Pero como no todo vai ser traballar ... XOGAMOS UN POUQUIÑO?  

Buscade todas as uvas que están agochadas e arrástraas hacia o caixón ou simplemente eliminade todas as follas: 

E agora imos colorear estas uvas como máis nos guste:

DECÁLOGO PARA MEDRAR SANS

FONTE

Este domingo celebrarase  o día da SAÚDE. Cada ano, elíxese para ese día un tema de interés prioritario para a sáude pública mundial. O tema deste ano é a HIPERTENSIÓN, unha enfermidade que ainda que afecta a un de cada tres adultos, segue en gran medida oculta porque non sempre produce síntomas.

Aproveitando esta celebración, ao longo desta semana, na clase estivemos a falar  das cousas que tiñamos que facer para medrar sans e fortes como: facer exercicio, durmir as horas adecuadas, comer comida variada, comer moita froita e verdura, non abusar das chucherías nin dos doces, beber moita auga,... e estivemos a facer o noso decálogo para medrar sans:

Aquí vos deixamos estes recursos e xogos para adquirir uns hábitos saudables:

A PASCUA ESTÁ Á VOLTA DA ESQUINA

FONTE DA IMAXE

Case sen darnos conta xa  estamos a rematar o segundo trimestre e virán as vacacións de Pascua. Para traballar durante esta última semana do trimestre, preparei estas fichiñas en galego e en castelán:

* EN GALEGO:

* EN CASTELÁN:

E este GLOGSTER con xogos de Pascua (clicade nos ovos e nos coellos para atopar os enlaces aos 10 xogos):

Para os que non podedes ver ben o glogster, clicade nesta imaxe:

Estes e máis recursos podedes atopalos no seguinte enlace:

PREMEDE NA IMAXE

DECORANDO O COLEXIO E A CLASE

Estes días, estamos a facer a unidade didáctica do Nadal, decorando a clase, o colexio e facendo pequenas manualidades nadaleiras que xa vos amosaremos máis adiante.

Para adornar a nosa clase aproveitamos moitas das cousiñas que xa tiñamos de cursos anteriores como a coroa de Rudolph, os REIS MAGOS, os renos,... Pero ademais, "tuneamos" o noso boneco de neve do ano pasado (se queredes lembrar como era clicade AQUÍ) e o transformamos nun simpático Papa Noel:

Para adornar a entrada do colexio, montamos unha árbore cunhas bolas moi especiais, xa que tiñan por diante a fotografía de todos os nenos e nenas do cole así como dos profes e por detrás un bonito desexo de Nadal. Aquí vos amoso como nos quedou a árbore (que nola pintou enteriña Leticia) e como eran as nosas bolas:

E xa para rematar, vos amosamos a árbore que fixemos para adornar o noso corredor. Vímola en Internet e gustounos moitísimo por iso animámonos a facela.

Gústavos a nosa decoración?

E para que pasedes un fin de semana entretido aqui vos deixo este xogo matemático de Nadal, ainda que está en inglés eche moi sinxelo: para traballar la numeración, a orde, as sumas,... Hai moitos niveis para elexir. Investigade pola pantalla. Seguro que atopades algo que vos guste. E agora a  disfrutar:

AQUÍ TAMÉN SOMOS VERDES

Hai tempo que tiña programada esta entrada pero por unhas cousas e outras sempre me quedaba por subir. Ao longo deste curso propóñome concenciar aos meus alumnos e alumnas do importante que é coidar o noso medio ambiente así como do papel que xogan na conservación do mesmo. Ademais doutros, espero que acaden principalmente estes tres obxectivos:

- O gusto pola reciclaxe dentro do noso contorno escolar
- A capacidade de crear materiais novos e útiles desenvolvendo a súa creatividade e imaxinación
- Adoptar unha actitude de consumo responsable e aproveitamento de recursos

Por iso,  a principios de curso, na clase falamos dos contenedores que hai para reciclar o lixo e que vai en cada un deles e decidimos facer uns para a nosa clase. Empezamos forrando unhas caixas con papel continuo verde, amarelo e azul. Despois  coloreamos uns debuxos para pegalos por diante de cada contenedor e así ter moi clariño que podíamos tirar en cada un. Así é como o fixemos:

Así de bonito quedounos o noso recuncho da reciclaxe

E para que vexades que RECICLAR tamén pode ser moi divertido, aquí vos deixamos este video dos "ANIMAIS SALVAN O PLANETA":

E uns entretidos xogos sobre a reciclaxe cos que ademais de pasalo moi ben podemos aprender moítisimas cousiñas:

LEMBRADE:

Imaxe vista no blog Territorio Apátrida

UN XOGO DE OUTONO

Un sinxelo xogo sobre o outono  no que ademais de colorear unha imaxe podemos engadir algunhas animacións. Pódese usar tanto na PDI como no rincón do ordenador.

Visto no blog MATERIAL PARA ISAAC

E VAI DE ABELLAS

Na primavera o campo está cheo de flores e insectos como xoaniñas, bolboretas, abellas ,... E falando de insectos ... buscando recursos para traballar a primavera , atopei uns recursos chulísimos sobre as abellas cos que ademáis de pasar un ratiño entretido, tamén podemos :

* Practicar a poñer  o noso nome ...

* Contar abellas ...

*  Ou repasar as vogais.

E xa que estamos con abellas, por que non vemos o primeiro capítulo de "LA ABEJA MAYA":

E para aprender moitas cousas sobre as abellas, déixovos tamén este video que acabo de atopar no blog PEQUEFERROVIARIOS que está moi ben:

E VAI DE PINGÜÍNS ...

Con cartulinas de distintas cores fixemos estes fermosos pingüíns. Gústanvos?

A nós si. E xa que estabamos cos pingüíns, por que non xogar con eles?

- Podemos crear unha canción e un baile:

- Xogar no tobogán de xeo:

- Armar o pingüín:

- Ou xogar ao pingüín voador:

DECORACIÓN DE OUTONO

A piques de chegar o Nadal, por fin rematamos a decoración de Outono no noso corredor. Ademais das follas animadas que xa vos ensinamos, fixemos unha coroa de follas con distintas texturas de goma eva e a profe MIRIAM que veu a cubrir unha baixa , antes de irse nos obsequiou con este fermoso mural sobre o OUTONO.

Todo é merito dela e dos seus rapaces. A nosa humilde aportación só foi a curuxa que hai nunha das ramas.

Desde aquí queremos desexarlle que lle vaia moi ben no seu novo destino. UN BICO MIRIAM.

E para divertirnos un ratiño, aquí vos deixamos este divertido xogo co que xogamos na PDI. Ainda que está en inglés enténdese moi ben. Co rato temos que axudar ao esquio a coller as landras e despois a atopalas escondidas debaixo das follas. Que os divirtades.