SEMANA DO LIBRO

Fonte da imaxe

O último luns do mes de abril,  cando chegamos a clase  Miguel atopou unha carta enriba da súa mesa. Era do mago Macín que como xa todos sabedes, é a mascota da nosa biblioteca:

Nela Macín informábanos de que por mor do día do Libro que foi o domingo 23 de abril, durante toda a semana fariamos actividades divertidas relacionadas coa lectura.

A primeira actividade foi o martes coas LECTURAS AO SOL. Na hora de ler, todas as clases saimos ao patio para ler alí todos xuntos:

O mércores tivo lugar a segunda actividade. Os máis peques do cole recibiron a visita de Iago López que lles veu a contar o seu conto: "O COCIÑEIRO MARTIÑO":

Continuamos o xoves co APADRIÑAMENTO LECTOR, no que os alumnos de 4º, 5º e 6º de Educación Primaria leron un conto aos alumnos de Educación Infantil durante a hora de ler e como facía bo día, que mellor que facelo no patio:

E para o venres, estaba prevista a "III FEIRA DO LIBRO DE MACIÑEIRA". que finalmente se trasladou ao mércores da semana pasada porque os alumnos e alumnas de 3º a 4º tiñamos excursión. Os nenos e nenas que quixeron trouxeron libros da súa casa polos que recibirons uns vales para intercambialos por otros:

MOI FELICES LECTURAS PARA TOD@S!!!!!

DÍA DO LIBRO

Este sábado foi o día do libro. Como o venres non tiñamos clase, celebrámolo entre o xoves e hoxe luns. O xoves, a nivel de centro,fíxose un apadriñamento lector dos nenos e nenas de cuarto, quinto e sexto aos nenos e nenas de educación infantil.
Nós,  acompañados de catro rapaces e rapazas de quinto, lémoslles contos aos nenos da clase da profe Lidia, os de tres e catro anos:

Eles, agasalláronnos cunha fermosa flor que fixeron e nós non quixemos ser menos e agasallámolos con estes bonitos marcapáxinas de animais:

Para lembrar este momento, cada peque sacou unha foto co seu "padriño" lector e os agasallos:

 

Na nosa clase, como nos gustaron moito os marcapáxinas de animais, decidimos facer un igualiño para levarnos ás nosas casas. Ollade que bonitiños nos quedaron:

Tamén escribimos un poema nun cadrado, o pegamos no fondo dunha caixiña que fixemos con origami e despois os intercambiamos cos nosos compañeiros e compañeiras.

E hoxe a última hora fixemos o II Mercadillo de Libros da Maciñeira. Voluntariamente, cada rapaz e rapaza podiamos traer ao cole un ou dous libros polos que recibiamos un vale para cambiar por outro/s no mercadillo.

MOI FELICES LECTURAS

MERCADILLO DE LIBROS

Continuando coa celebración do libro, o venres a última hora fixemos un MERCADILLO DE LIBROS. Para iso, montáronse no corredor central do cole catro mesas, unha por cada ciclo, identificadas con distinto cor: azul, vermello, verde e amarelo.

Ao longo deste mes, os alumnos que quixeron, trouxeron da súa casa un ou dous libros polos que recibiron uns vales para poder canxealos por outros libros este día. 

Ollade que éxito tivo:

 

http://www.photosnack.com/FF9F9697C6F/mercadillo-de-libros.html

Presentación feita con PhotoSnack

ASÍ CELEBRAMOS O DÍA DO LIBRO

Imaxe de Pilar Argés

Con motivo da celebración do día do Libro, ao longo deste mes, cada clase estivo preparando cos seus alumnos/as unhas LENDAS. Con elas adornouse o corredor central do cole:

Así nos quedaron as nosas:

https://www.yumpu.com/pt/embed/view/NxUlTrwHLD6qU3JX

E despois do recreo fixemos un programa especial de radio, presentado por Lucas de 4º e Celtia de 3º no que se leron tres lendas ou novas de cada clase. Queredes escoitalo? Aquí volo deixamos para que o poidades disfrutar:

Ademais na nosa clase fixemose ilustramos  un libro con algúns dos  "DICHOS Y REFRANES" que podemos atopar no libro do QUIXOTE e que vos amosaremos noutra entrada e mañá teremos a última hora un MERCADILLO DE LIBROS no que poderemos trocar os libros que trouxemos por outros dos nosos compañeiros.

MOI FELIZ DÍA DO LIBRO!!!!!!!!

CELEBRAMOS O DÍA DO LIBRO (II): FACEMOS UN LIBRO LUPA

Ilustración de Aleja Lenteja

E ASÍ FOI A NOSA CELEBRACIÓN DO DÍA DO LIBRO:

- Comezamos falando do Día do Libro, que por que se celebraba hoxe, de para que serven os libros, se nos gusta ler ou non ,... e continuamos con Gloria Fuertes e o seu poema: "DON LIBRO ESTÁ HELADO". Limos o poema e traballamos un pouquiño a comprensión facendo preguntiñas sobre el.

- A continuación a profe repartiunos uns marcapáxinas de Gloria Fuertes (que podedes atopar na entrada anterior)  que pola parte de atrás tiñan escrito o poema. Ollade como nos quedaron:

-Xa que era o día do libro, quixemos escribir un así que coa axuda da profe fixemos un LIBRO-LUPA do poema. A idea sacámola do blog de Mª José, Desván de Palabras, se visitades o seu blog ademais de estupendísimos recursos, atoparedes un video explicativo de como se fai o libro. Cada un de nós fixo unha páxina. Primeiro escribimos con rotulador permanente e despois coloreamos cuns rotuladores especiais:

- Despois do recreo fomos á biblioteca onde Patricia e Lucía nos tiñan preparada unha estupenda obra de teatro: "A TARTARUGA QUE QUERÍA DURMIR" baseada no libro do mesmo nombre de Roberto  Aliaga:

Aquí vos deixamos un video do conto que atopamos en Internet:

- E para rematar unha atareadísima mañá, fomos á aula de informática para facer na PDI as actividades do libro Lim que publicamos na entrada anterior. Pero por problemas técnicos non puidemos facer case ningunha das actividades co cal seguramente voltaremos mañá:

Deixámosvos con esta imaxe que atopamos no blog de Carmela, Talleres para aprender a aprender, para que vexades que calquera lugar é  bo para ler:

E con esta curtametraxe que atopamos no blog da Biblioteca Gregorio Marañón:

CELEBRANDO O DÍA DO LIBRO CON ... GLORIA FUERTES

Como non podía ser doutro xeito, celebraremos o día do libro centrándonos na figura de Gloria Fuertes, poetisa que levamos traballando durante todo o curso.
Así que na clase traballaremos o seu poema: "DON LIBRO HELADO" porque nos parece moi axeitado para este día.

- Utilizaremos este libro lim que preparei::

http://dl.dropboxusercontent.com/u/14722558/DONLIBRO/gloria2.html

- Faremos este marcapáxinas que montei con Gloria Fuertes polo lado de diante e a poesía de Don Libro Helado pola parte de atrás:

- E para rematar elaboraremos un libriño sobre o poema que vos amosaremos ao finalizar o día.

FELIZ DÍA DO LIBRO PARA TOD@S!!!!!!

DÍA DO LIBRO E MINIPROXECTO DO QUIXOTE

Hoxe célebrase en todo o mundo o Día Internacional do Libro. Con motivo desta data, como xa sabedes, na clase estivemos traballando unha obra importante da nosa literatura universal como é :  "DON QUIXOTE DA MANCHA".
Ademáis do caderno de fichas,  estes días estivemos coñecendo algunhas das súas aventuras (as que máis nos gustaron foron as dos "Muiños de vento" e a dos "Rebaños de ovellas") e tamén ...

* facendo este sinxelo mural:

* xogando ao memory de personaxes do Quixote elaborado por Vane, do blog "En la escuela caben todos" e que nos coloreamos co programa GIMP, logo plastificamos, recortamos e pegamos nuns pequenos taboleiros que unha vez máis nos fixo Roca, o profesor adxunto do taller de carpintería:

* facendo este marcapáxinas de Elena Medina, do blog "En el aula de apoyo", e que nós pasamos a galego:

* Rematando as nosas marionetas articuladas de Don Quixote. Se vos fixades unha delas ten encuadernadores pero as outras tres non e aínda así son articuladas. Como o fixemos? Cun pequeno truco que nos ensinaron nun cursiño de Stop Motion o ano pasado.

* E para rematar fomos á Aula de Informática a xogar co libro LIM do Quixote, na PDI. Aquí tedes algunhas fotos:

CONTINUAMOS APRENDENDO SOBRE O QUIXOTE

Onte é hoxe estivemos aprendendo moitas cousas sobre Cervantes e os principais personaxes que saen no libro de "O QUIXOTE". Mañá imos comezar a coñecer as súas aventuras.

Leremos estes dous cómics que elaborei a partir da web: DON QUIJOTE DE LA MANCHA (JUNTA DE CASTILLA Y LEÓN):

Tamén lembraremos o aprendido no rincón do ordenador con este libro LIM que preparei sobre O QUIXOTE:

http://dl.dropbox.com/u/14722558/QUIJOTE/quijote.html

Na biblioteca do noso cole, atopei este Don Quixote e Rocinante feito por un profesor adxunto de taller, xa xubilado hai uns anos. A que están chulísimos? Non puiden evitar sacarlles unha foto.

TRABALLANDO O QUIXOTE

Como xa todos sabedes, o vindeiro luns 23 de Abril, celébrase o día do libro. Por que un 23 de abril? Porque nesa data morreron dous grandes escritores da literatura como son Miguel de Cervantes Saavedra e William Shakespeare.

Unha das obras máis coñecidas de Miguel de Cervantes é "O QUIXOTE" por iso ao longo desta semana imos traballar sobre el, tratando de coñecer un pouquiño máis ao seu protagonista e outros personaxes da obra así como algunhas das aventuras que acontecen no libro como a dos muíños de vento, a das ovellas ou a dos sacos de viño.

Faremos estas fichiñas que elaborei buscando imaxes en internet:

E tamén utilizaremos entre outros ,estes recursos que atopei pola rede e que incluín nun GLOGSTER para telos todos a man:

DÍA DO LIBRO

 

Imaxe Vladimir Zúñiga (http://focaclipart.wordpress.com)

O 23 de abril se celebra a nivel mundial o Día do Libro co obxetivo de fomentar o gusto pola lectura, a industria editorial e a protección da propiedade intelectual por medio do dereito de autor. Elixiuse esta data pola coincidencia da morte de tres grandes escritores da literatura universal como son Miguel de Cervantes, Garcilaso de la Vega e William Shakespeare na mesma data no ano 1616.
E... ¿para que serven os libros? Os libros en xeral nos educan, ensinan e permiten explorar novos mundos; descubrir o descoñecido, interpretar o coñecido e despertar en nós sensacións e sentimentos a traves dos seus debuxos, das súas páxinas, dos seus personaxes,...

 Na biblioteca da zona de alumnos de "La junta de Castilla y León" atopamos este taller de lectura onde podemos elexir se queremos ter sesión de contacontos ou crear a nosa propia historia.

Clicade na imaxe para acceder.

E no seguinte video podemos ver as vantaxes que teñen os libros:

¡FELIZ DÍA DO LIBRO A TOD@S!