VISITA AO ARSENAL DE FERROL: BAUTISMO DE MAR

O pasado martes, todos os profes e alumnos do centro fomos de visita ao Arsenal de Ferrol onde ademais de visitar unha fragata por dentro (a F105: "Cristobal Colón") fixemos o noso Bautismo de Mar a bordo dun remolcador o Y126.
Nada máis chegar ao Arsenal, dividímonos en dous grupos: Infantil e Primeiro Ciclo por unha banda e Segundo e Terceiro Ciclo pola outra.
 Nós comezamos co Baustismo de Mar, así que unha vez equipados cos chalecos salvavidas reglamentarios, fixemos un precioso percorrido ata a entrada da Ría de Ferrol:

E despois de tan bonita viaxe, tocounos o turno de visitar a fragata por dentro:

Pasámolo moi ben e cando chegamos a clase, a profe quitounos unha foto cos  diplomas que acreditan o noso BAUTISMO DE MAR:

EXCURSIÓN A MARCELLE E AVIFAUNA

O martes pasado fomos cos nosos compañeiros de sexto,  todo o día de excursión. Pola mañá, visitamos AVIFAUNA, o único parque zoolóxico ornitolóxico situado en Outeiro de Rei (Lugo) no que poidemos disfrutar da visión de 600 aves dos cinco continentes : cisnes negros e brancos, bufos, a pita do monte (especie en perigo de extinción), flamencos, avestruces, emús, gansos, pavos reais, o casuario común que non chamou moitísimo a atención, o faisán Viellot que parecía que levaba unha máscara e moitísimos máis.

E ao mediodía e pola tarde, visitamos o parque zoolóxico de MARCELLE tamén en Outeiro de Rei, onde ademais de ver animais como cebras, búfalos, osos, lobos,... practicamos o tiro ao arco.

Primeiro identificámonos cunha pegatina e comimos todos xuntos á sombriña:

A continuación fomos co noso monitor J.J. a ver os animais:

E xa para rematar un día tan completo, practicamos tiro ao arco. Ollade que ben o faciamos e que estilo tiñamos:

QUE BEN O PASAMOS!!!!!

QUE BEN O PASAMOS NOS KARTS!

O venres pola mañá, grazas a Rita, a profe de Educación Física, fomos invitados á Malata a montar nos karts que alí había. Pasámolo moi ben ainda que era un pouquiño difícil conducilos. Menos mal que os monitores botámonos unha manciña que senón ... Ollade, ollade,..

QUE DIVERTIDO!

EXCURSIÓNS DE FIN DE CURSO

Onte, baixo un sol abrasador, fixemos a excursión de fin de curso.

- Por unha banda, os nosos compañeiros do CICLO I, foron á praia de Cabañas onde disfrutaron do precioso paseo e do fantástico parque que alí hai. Ollade algunhas das fotos. Para velas a pantalla completa hai que clicar abaixo á dereita:

- E pola outra, nós, o CICLO II , fomos ao Castelo de San Felipe, unha antiga fortaleza militar na boca da ría de Ferrol. Fronte a este castelo, na outra beira da ría, en Mugardos, atópase o Castelo da Palma. Sabíades que entre estos dous castelos, tendíase unha grosa cadea no mar que impedia a entrada dos barcos enemigos á ría de Ferrol? Se queredes ver as fotos en pantalla completa tedes que clicar abaixo á dereita:

VISITAMOS EL CENTRO COMERCIAL ALCAMPO

Continuando co noso proxecto sobre o corpo e a alimentación saudable, o martes fomos de excursión ao centro comercial Alcampo. Unha vez alí, fixemos un percorrido por todo o recinto acompañados da nosa estupenda guía, Araceli, que nos amosou os almacéns, a carnicería, a peixería, a froitería, a panadería, ... Foi unha visita moi instructiva na que aprendimos o nome de moitas froitas exóticas, cómo se envasa a carne, o enorme forno onde se fai o pan e ademais poidemos degustar o chocolate riquísimo que poñen nas tartas, UHMMMMMMM!

ODAIKO, VAIA CIRCO!

fonte

O venres fomos á Fundación Novacaixagalicia a ver unha representación do grupo percusionista ODAIKO, titulada VAIA CIRCO! Durante os 60 minutos que durou a actuación, disfrutamos dunha divertidísima posta en escea e ao mesmo tempo da súa gran actuación como percusionistas con  xilófonos, odaikos (tambores xigantescos xaponeses), botellas, os pés e moitos máis  materiais e instrumentos que nos fixeron vibrar nos asentos.

Para os que non coñezades o grupo, déixovos estes  videos:

PASÁMOLO FENOMENAL!!!!!!!!

VISITA Á CIDADE DA CULTURA

Faltábanos por subir as fotos da nosa excursión do martes da semana pasada. Ás dez en punto, saímos cara a Santiago para visitar na Cidade da Cultura a Exposición sobre o Orinoco. Algúns de nós xa a vimos en xuño cando fomos a recoller o premio sobre os montes pero naquela ocasión non tivemos tempo de velo todo.

É unha exposición preciosa que recomendo visitar a todo o mundo. Aos nosos rapaces gustoulles moito. Ademais das preciosas fotografías que penduran por doquier, poidemos aprender moitísimas cousas sobre a súa forma de vida a través de maquetas das súas casas, enseres, asentos, canoas e remos, armas, abalorios,  instrumentos musicais, ...

Aquí vos deixamos algunhas fotos:

Powered by TripAdvisor

VISITANDO O PLANETARIO

Tal e como vos contabamos onte, hoxe fomos de visita á Casa das Ciencias en A Coruña. Unha vez alí, o primeiro que fixemos foi subir ao Planetario. Ainda que había moitíííííísimas escaleiras, subimos moi contentos e sen protestar nadiña. Cando apagaron as luces, todos estabamos expectantes por ver o que ía acontecer e o que vimos non nos defraudou nadiña.  Durante 30 minutos, viaxamos na compaña dunha rapaciña moi especial,"LA NIÑA QUE SABÍA CAMINAR DEL REVÉS",  que coñecía os segredos que garda a LÚA, que sabía escoitar as mareas e que solía falar coas árbores. Trátase dunha historia dada a volta que nos invita a contemplar todo o que nos rodea dende un novo punto de vista. Grazas ao canal de Youtube, do planetario de Pamplona, podemos disfrutar e lembrar a proxección a través destes pequenos fragmentos:

` PRESENTACIÓN	PASEANDO POLA CIDADE
A NENA E O BAOBAD	A NENA E O CANTIL
A NENA, A ARAÑA E O MOUCHO	LUCES DA CIDADE

E aquí vos deixamos algunhas fotos deste día:

DOBRE EXCURSIÓN

A piques de rematar o cole, tivemos dobre excursión. Por unha banda onte fomos toda a mañá á Lagoa de Doniños a facer un itinerario medioambiental que solicitamos cando empezamos o noso proxecto dos bosques. Foi unha experiencia fantástica. Gustounos todo ... menos o tempo que non nos acompañou nadiña e por momentos choveunos con bastante vento o cal no era moi agradable. Ainda así a mañá foi moi fructífera. Coñecimos prantas e arbustos novos como a herba de San Roberto, o torvisco, a malcomia,... lembramos o nome dalgunhas que xa coñeciamos como as estaletas, os toxos, as xestas ,. ..vimos árbores como oliveiras, nogueiras, castiñeiros,... e tamén cardos, allos bravos,... Escoitamos as rás, observamos insectos como libélulas e reis reis, contemplamos como voaban as anduriñas e as gaivotas e o mellor de todo e que cando fomos á beira da praia vimos ... DOUS GOLFIÑOS NADANDO!!!!!! Mágoa que estivesen moi lonxe para poder quitarlles unha foto. Estas son as fotos de todo canto vimos:

A LAGOA DE DONIÑOS on PhotoPeach

E hoxe fomos todos ao teatro Jofre a ver a película: "COPITO DE NEVE". Gustounos un montón. Aquí estamos diante do teatro:

Vos deixamos un trailer da película:

QUE BEN O PASAMOS!!!!!!!

EXCURSIÓN A VILAGARCÍA

Todavía tiñamos pendente por subir as fotos da nosa excursión a Vilagarcia o pasado mércores. Aproveitando que máis da metade do colexio entre eles nós, tiñamos unha competición de atletismo, algúns dos rapaces e rapazas que quedaban así como algúns profes máis , foron a acompañarnos.

Pola mañá estivemos nas pistas de atletismo onde disfrutamos competindo en carreiras, salto de lonxitude, tiro de peso, ... Non volo ides crer pero ... OS CATRO GAÑAMOS UNHA MEDALLA, Ramiro incluso dúas, e outros compañeiros do cole tamén gañaron medallas como Joni (nada máis e nada menos que TRES), Cristian, Sofia, Dani Torres, ...

Aquí posamos  coas nosas medallas:

Despois fomos a comer a un parque preto da praia. Alí á sombriña das árbores, comimos, disfrutamos da compañía dos nosos compañeiros e compañeiras, xogamos no parque e demos un paseo pola praia. E por suposto non podía faltar tomar un xeado ben fresquiño, que ía moita calor, nunha terraciña. Pasámolo moi ben pero que moi ben e chegamos ... MOIIIIIIIIII CANSOS!

Aquí vos deixamos as fotos das competicións, da entrega de medallas, da comida,... para que vexades o ben que o pasamos e canto disfrutamos:

HOXE TOCOU EXCURSIÓN

Hoxe fomos de excursión As Pontes de García Rodríguez. Visitamos o Lago Artificial así como a Escombreira terminada de restaurar no ano 2007 e convertida nun enorme bosque no que se plantaron 600.000 árbores e onde podemos atopar 180 especies distintas de vertebrados das cales 9 corresponden a anfibios, 6 a réptiles, 131 a aves e 34 a mamíferos. Se queredes ver as fotos da visita, visitade o blog: OS NOSOS BOSQUES.

Pero iso non é todo. Aproveitando que estabamos alí, visitamos o Múseo Etnográfico ubicado no Colexio Monte Caxado, que é unha auténtica marabilla:

Moitísimas grazas a todo o colexio Monte Caxado, e en especial á profe Loly do blog Mans Redondas que se fixo cargo de cinco rapaces que pola súa idade non podían andar polas dependencias da Mina.

XORNADA DE CONVIVENCIA

Hoxe tivemos unha xornada de convivencia cun colexio de Santiago de Compostela: "A BARCIA". Pasámolo moi ben.

Cando chegamos ao aparcadoiro de Xoan XXIII en Santiago, xa nos estaban esperando.

Primeiro visitamos a catedral , deambulamos polas rúas da zona vella e fixemos unha paradiña nunha terraza para tomar un pequeno "piscolabis". A continuación paseamos pola Alameda. Estábase moi ben !!!!

Logo fomos ao colexio "A Barcia". Na entrada había unha pancarta de benvida que nos gustou moito.

Alí ensináronnos as instalacións : a aula multisensorial, psicomotricidade, a piscina, as aulas, ...  e o parque que era chulísimo. Divertímonos un montón nel.

Chegou a hora do xantar e todos xuntos compartimos unha comida riquísima. E para rematar tan fantástico día, os alumnos de A Barcia obsequiáronos cunhas preciosas pulseras feitas por eles que nos gustaron moitísmo.

Dende este blog queremos darlles as grazas por ser tan bos anfitrións e dicirlles que ESPERAMOS QUE O ANO QUE VEN NOS DEVOLVAN A VISITA.

Aquí vos deixamos as fotos deste día:

VISITA A RECICLATERRA

Hoxe fomos de excursión a aula de Reciclaterra. Despois dun curto traxecto en autobús, chegamos a Mougá onde dúas monitoras moi simpáticas, Patricia e Gloria nos ensinaron a facer un xoguete con material de refugallo.

Despois, fixemos un percorrido pola aula e nos explicaron un montón de cousas sobre a reciclaxe. Deixáronnos meter as mans e tocar en todas as urnas menos claro está na do cristal pero sin dúbida onde máis disfrutamos foi metendo as mans e remexendo nas boliñas de porexpan. Se non o credes, vede as caras de felicidade que temos:

PICASSO

Hoxe fomos á Fundación Caixa Galicia a ver a exposición "SUITE VOLLARD" formada por unha colección de cen gravados realizados por Picasso entre 1930 e 1936. Eran todos moi fermosos pero sen dúbida os que máis nos gustaron foron aqueles nos que saía o MINOTAURO.

Paloma, a nosa guía, explicounos como se facían os gravados e ademais contonunos un conto: A LENDA DO MINOTAURO cun libro xigantesco cheo de imaxes moi bonitas. A lenda falaba dun minotauro, mistura de human e animal, que estaba encerrado nun labirinto e se alimentaba de persoas. Pero un día, un rapaz de nome Teseo decidiu matar ao monstruo. Cando chegou ao palacio  namorouse da princesa Ariadne e ela del por iso decidiu axudalo dándolle dous obxetos máxicos: unha espada e un ovillo de lá para que non se perdese no labirinto. Teseo tras unha dura loita rematou co Minotauro.

Despois subimos un piso máis e alí fixemos un taller de gravados. Mentres uns facían un personaxe con corpo de persoa e cabeza de animal e o coloreaban outros fixemos un cómic do conto. Pasámolo MOI BEN!!!

Para aprender cousas sobre a vida e obra de Picasso visitade a seguinte páxina:

No blog da miña excompi de batallas e tamén amiga Rosa, PequesPazos, atopei este divertido xogo para facer cabezas como Picasso. Eu probei a facer a miña, e vós?

E no blog "FALANDO ENTÉNDESE A XENTE", grazas a Patricia, atopei este enlace tan divertido para facer cubismo ao igual que Picasso.