PABLO PICASSO E A PAZ

Fonte da imaxe

Continuando co proxecto de Picasso, e coa semana da Paz, outra das actividades que fixemos foi recrear o Foulard Serigrafiado para o Festival Mundial de estudantes pola Paz en 1951.

No foulard, podemos ver catro caras con diferentes tons de pel que representan as distintas razas e no medio delas, unha pomba da paz cunha ramiña de oliveira na boca, que nos parece que representa os desexos de paz no mundo.

Para facer as pombas,  utilizamos o lapis e un marcador negro, así que para recrear esta imaxe, quixemos utilizar unha técnica distinta, e pensamos en facelo tipo quebracabezas.

Cada rapaz e rapaza, mirando polo cadro orixinal que proxectamos na PDI, tivo que recortar e colocar as pezas do seu puzzle na orde e sentido correcto e despois recortar ou debuxar os detalles como ollos, cellas, ... Para finalizar, con témpera vermella, azul e amarela, fixeron o marco.

Así estaba todo preparado para comezar:

Algunha fotiña do proceso:

E aquí tedes o noso traballo final. A que é unha preciosidade?

RAP POLA PAZ

Hoxe celebramos no cole o Día Escolar da Paz e a Non Violencia. Entre todas as clases e a profe de inglés, Uxía, decidiuse cantar  a canción What a wonderful world! de Louis Armstrong, e tamén facer un mural dun gran Arco da Vella con corazóns, flores, soles, árbores, nubes, mans e persoas. Así de bonito quedou:

Ademais, como xa ven sendo habitual, fixemos un programa de Radio en directo, no dial 102.0, con poemas, cancións, contos,... pola Paz presentado por Celtia e Andrea de 5º de Educación Primaria. Queredes escoitalo?

Como poidéchedes escoitar, a nosa aportación, ao programa de radio, foi un rap pola Paz que inventamos entre todos. Cada un inventou a súa estrofa:

Para practicar isto de RAPEAR, utilizamos unha APP gratuíta que descargou a profe no seu teléfono que se chama AutoRap de Smule. Así se nos escoitaba:

Clicade na imaxe

E finalmente, ollade que ben o cantamos:



Mentras escoitabamos o programa de radio, estivemos pintando esta pomba con rotuladores e ceras que atopamos na páxina de Activity Village. co.uk :

Esta Chuvia de Palabras relacionadas coa Paz que atopamos en Dibujalia.com  e pasamos ao galego:

E algunhas manualidades como:

Estes colares:

Ou estas pombas feitas con pratos de cartón:

PABLO PICASSO E A POMBA DA PAZ

Fonte da imaxe

Sabiades que Pablo Picasso fixo famosa a pomba como símbolo da Paz cando un dos seus debuxos foi seleccionado para o Cartel do Congreso Mundial de Partisanos pola Paz que se celebrou en París en 1949?  Din que a súa segunda filla, naceu o día que comezaba o Congreso e que por iso a chamou "Paloma".

Ao longo da súa vida, Picasso pintou moitas pombas da Paz. E como estamos preto do día da paz e inmersos no noso proxecto sobre Picasso, nas clases de plástica estivemos imitando a pombas da paz de Picasso.

Aquí vos amosamos as que fixemos nós:

Fai clic no recadro da dereita  para velas a maior tamaño

ASÍ CELEBRAMOS O DÍA DA PAZ

Este ano, adiantamos a celebración no colexio do Día Escolar da Paz e a Non Violencia ao xoves 28 por motivos organizativos. Ao longo da semana, cada nen@ na súa titoria, estivo a facer o seu autorretrato e con todos xuntos montamos esta bonita e colorida pomba:

Estes son os que fixemos nós:

Como xa sabedes, no noso cole temos emisora de radio, RADIO BELELLE no dial  102.0 da FM. Por iso, como xa ven sendo habitual, o xoves gravamos un programa de radio onde participaron todas as clases, con: poesías, contos, cancións, citas célebres pola paz, ...

A continuación, como chovía, no patio cuberto, todos xuntos cantamos a canción: "Todos somos capitáns" de Magin Blanco:

Mentras escoitábamos o programa de radio, estivos a facer unhas bonitas pombas trenzadas que vimos na web de Actiludis:

Se queredes saber como se fan, clicade na imaxe:

Ademais, no Taller de Escritura Creativa, inventamos e ilustramos uns bonitos poemas de Paz. Ollade que grandes poetas somos:

Poemas pola Paz

Con estes poemas, que limos no programa de radio, fixemos un LIBRO-SOBRE que nos quedou así:

A idea orixinal, vímola no blog BIBLIOABRAZO e neste mesmo blog, atopamos este video que explica como facer un LIBRO-SOBRE:

RECURSOS PARA O DÍA DA PAZ

Si clicades na imaxe, accederedes a algúns dos recursos que temos para traballar a PAZ:

Ademáis neste enlace, AULATIC-PAZ poderedes ver todas as nosas entradas sobre o tema.

Esperamos que vós resulten útiles

ASÍ CELEBRAMOS O DÍA DA PAZ

O venres, ao igual que moitos colexios de España, celebramos o Día Escolar da Paz e a Non Violencia. Ao longo da semana cada neno e nena do centro estivo a facer un ladrillo(xa vos ensinamos os nosos nunha entrada anterior) para elaborar colectivamente un muro de Paz. E o venres, de forma simbólica, un representante de cada clase dende os máis peques aos máis grandes, pegou un ladrillo:

"CONTRUÍNDO A PAZ"

Pero iso non é todo. Ademais aproveitando que no colexio temos emisora de radio, fixemos un PROGRAMA DE RADIO especial adicado á Paz que se poido escoitar en toda Neda no dial 102.0  FM, e no que participaron todas as clases do centro con frases sobre a Paz, poemas, cancións, ... :

E continuamos reuníndonos  todos no patio facendo un círculo, cos máis pequerrechos situados no medio facendo a palabra PAZ, para cantar todos xuntos unha adaptación da  canción "ALL YOU NEED IS LOVE":

Ademais na clase...

- Pintamos unhas mandalas que atopamos na web de Orientación Andújar:

- Fixemos estas bonitas pombiñas que vimos no blogue de Patricia: FALANDO ENTÉNDESE A XENTE:

- E tamén uns bonitos debuxos sobre que é para nós a PAZ:

PREMIOS NOBEL DA PAZ

Rematamos a nosa investigación sobre os Premios da Paz. Movede o rato polas imaxes para descubrir todo o que aprendimos:

 

Por si queredes lelo vos mesmos ou escoitalo, tamén volo deixamos en forma de libro:

Premios Nobel da Paz

A QUE FIXEMOS UN BO TRABALLO?

Aproveitamos para desexaros que mañá teñades un MOI FELIZ DÍA DA PAZ!!!!!!!!

Imaxe de Eneko

OS NOSOS MURAIS PARA A PAZ

Como xa vos dixemos noutra entrada anterior, levamos xa uns días traballando na clase a Paz. Pensamos palabras relacionadas con ela como: Amizade, Xenerosidade, Unión, Harmonía, Compartir, Agradecer, Esperanza,  Ilusión ... e fixemos un pequeno mural que titulamos: "PINTEMOS O MUNDO CON PALABRAS DE PAZ".

Ollade, ollade:

Ademais, entre todo o colexio estamos preparando un mural colectivo no que construiremos o noso muro pola PAZ. Cada nen@ tivo que decorar un ladrillo. Nós, aproveitamos para coñecer algunhas persoas que foron galardonadas co Premio Nobel da Paz como Martin Luther King, Nelson Mandela, Rigoberta Menchú, Malala Yousafzai, Lech Walessa, Desmond Tutu, Shirin Ebadi, Dalai Lama e  Teresa de Calcuta. Así que nos nosos ladrillos escribimos unha frase que dixeron e fixemos os seus debuxos:

Pero claro, sabemos o seu nome, coñecemos algunha frase que dixeron e tamén que foron Premio Nobel da Paz. O que non sabemos é por que llelo concederon. Por eso a nosa próxima  tarefa é precisamente investigar iso:

POR QUE LLES CONCEDERON O PREMIO NOBEL DA PAZ?

Manterémosvos informados

RECURSOS PARA TRABALLAR A PAZ

O día 30 de xaneiro celébrase o Día Escolar da Paz e a Non Violencia. Ainda que é un tema que se debe traballar ao longo de todo o curso, estes días faremos especial fincapé nel. Trataremos de de investigar sobre o significado deste día, coñecer personaxes relacionados coa paz, traballar valores de tolerancia, amizade, solidariedade, ... Para iso utilizaremos algúns dos recursos que xa temos doutros anos así como algún novo que atopemos pola rede.

Si clicades na imaxe, poderedes aceder a algúns dos nosos recursos tanto en galego como en castelán:

fonte da imaxe

CELEBRAMOS O DÍA DA PAZ

Así celebramos hoxe o día da PAZ:

Comezamos as 11:30 no Salón de Actos, vendo unha presentación na que aprendimos por que se celebra o día escolar da paz  o 30 de xaneiro e que é A PAZ.

A continuación, cada clase acompañada de su profe, pegó en el mural la flor que hicieron en clase. Así estaba o mural ao principio:

E así quedou despois de pegar todas as flores:

Esta é a flor que fixemos nós:

Despois chegou o turno da música. Comezamos coa actuación da profe Bea e Juanito que co xilófono nos tocaron o HIMNO DA ALEGRÍA, continuamos bailando e cantando PAZ, PAZ, PAZ  de Juanes , QUEREMOS PAZ de Maná e a actuación sorpresa de Brais e Yolanda do PCPI que nos escenificaron a canción de Andy y Lucas, LAS MANOS DEL MUNDO. Aquí tedes algunha foto:

E xa para rematar un gran día, que mellor que facelo, que de xeito moi doce,  tomando CHOCOLATE CON CHURROS:

Antes de despedirnos, déixovos un libriño que fixeron os meus alumnos sobre...

ONDE PODEMOS ATOPAR A PAZ?

QUE É A PAZ? CÓMO A SENTIMOS?

Nesta entrada, ímovos amosar algunhas das cousiñas que fixemos sobre a PAZ ata o de agora. Comezamos a semana falando de QUÉ É PARA TI A PAZ? 

Aproveitando que estamos co proxecto do CORPO HUMANO , e que máis adiante imos traballar os SENTIDOS, seguimos coa PAZ pero esta vez a pregunta foi:

CÓMO SENTES A PAZ?

Ademais, fixemos estes medallóns  que vimos na WEB DO MAESTRO:

E tamén estas pombiñas con servilletas brancas e que despois pegamos para facer un pequeno mural:

SEMANA DA PAZ

Como xa todos sabedes, este xoves celebrarase o DÍA ESCOLAR DA PAZ E DA NON VIOLENCIA, así que ainda que a PAZ é un tema moi importante que traballamos ao longo de todo o curso, non só un día, esta semana entrante a traballaremos máis a fondo.

Botaremos man, unha vez máis,  dos recursos que  temos de anos anteriores e que nunca veñen mal:

Imaxe de NOELIA do blog MI COLE AL DÍA (http://micolealdia.blogspot.com.es/)

Ademáis estamos preparando un mural colectivo xunto con todas as outras clases do cole, facendo algunha que outra pequena manualidade, ensaiando as cancións de Maná e de Juanes que cantaremos e bailaremos o xoves,  e traballando sobre un libro e unha poesía da paz.

Xa vos amosaremos todo o que fagamos. Mentras  tanto  vos deixamos co video que fixemos o ano pasado e que nos gustou moitísimo:

E se queredes ver algunha das nosa entradas anteriores sobre a PAZ, clicade na imaxe:

CELEBRANDO O DÍA DA PAZ

Hoxe celebramos o Día da Paz no cole por todo o alto. As 11:30 reunímonos todos no salón de actos e alí algúns alumnos do PCPI, nos leron unhas preciosas poesías de Celso Emilio Ferreiro e de Gloria Fuertes que falaban da PAZ.

A continuación vimos o noso conto: "LA AVESTRUZ TROGLODITA" que xa vos puxemos nunha entrada anterior. Se queredes volver a velo clicade na imaxe:

Despois do conto, as profes tíñannos preparada unha gran sorpresa: Un video coas nosas fotos facendo as letras do ABECEDARIO e  coas nosas voces, pero non un abecedario calquera, non, non, era o NOSO ABECEDARIO DA PAZ . A idea saqueina dun blogue que visito a miúdo o das profes de   O BLOGUE DE COKIÑA, non dubidedes en visitalo (tédesme que perdoar profes coas présas olvidárame de dicilo)

CANTO NOS GUSTOU!!!!!!!

A continuación separamos as cadeiras e deixamos un oco no centro do Salón de Actos. Alí todos collidos das mans fixemos unha roda escoitando a cantiga  "QUE VIVAN A PAZ E AMOR!" . Ao seu remate, todos lanzamos ao centro do círculo os AVIÓNS DA PAZ que fixemos nas clases e cada un recolleu o avión de outro rapaz ou rapaza do cole:

Esta é a plantilla que utilizamos para facer os nosos avións con MENSAXES DE PAZ. Dende aquí quero darlle as grazas a unha excompañeira CONCHI que foi a que me proporcionou dita plantilla:

E como colofón de tan fantástica festa, non podía faltar ... UNHA GRAN CHOCOLATADA CON CHURROS!!!!!! UHMMMMMMM, QUE RICOS!!!!!!!!!

MOI FELIZ DÍA DA PAZ!!!!!!!!!