A SOLIDARIEDADE EN DON QUIXOTE

No noso libro de lingua castelá, ven  unha lectura sobre Don Quixote e Sancho Panza que se titula  "Un leal escudero" que é un fragmento do Capítulo X da Primeira Parte do Quixote..

Comezamos léndoa entre todos en voz alta e unha vez que rematamos aproveitamos para falar da SOLIDARIEDADE,  do importante que é axudar aos demais sen esperar nada a cambio e  pedir axuda cando a necesitemos. Falamos das cousas que podiamos facer nós para ser solidarios como consolar aos nosos amig@s e compañeir@s cando están tristes ou se fan dano, donar os nosos xoguetes de cando eramos máis pequenos e a roupa que xa non nos serve as persoas necesitadas, deixando o asento do autobús ás persoas maiores, axudando nas tarefas de casa,... Tamén de se algunha vez alguén precisou a nosa axuda e de como fixemos para axudar.

A continuación comentamos a lectura. Describimos brevemente a Don Quixote (alto, delgado, loiro) e a Sancho Panza (baixo, gordo e moreno), falamos dos amigos que eran os dous e de que por iso se axudaban en todas as situacións ás que se enfrontaban a pesar de que ás veces os resultados non eran os esperados e tamén de que ainda que tivesen puntos de vista diferentes, isto non constituía un obstáculo para a lealtade mutua e a amizade. Buscamos  información sobre outros episodíos do Quixote onde un dos personaxes axudaba ao outro e descubrimos que isto sucedía en case todos.

Aproveitamos a lectura para facer distintas actividades entre elas aprender a RESUMIR. Así que fixemos un pequeno resumo do que acabábamos de ler e o ilustramos cun debuxo alusivo:

REFRANEIRO NO QUIXOTE

Como xa vos contamos nunha entrada anterior, este ano participamos no proxecto colaborativo EL QUIJOTE Y LAS TICS así que na clase montamos un recuncho para poñer nel todos os materiais que temos sobre o mesmo. Comezamos cunha estantería do Quixote que a profe conseguiu dunha amiga súa que ten unha librería. Alí  puxemos un libro que temos da biblioteca: "Mi primer Larousse del Quijote" así como dous cómics, un libro redondo de adiviñas con forma de Sancho Panza e tamén un xogo de memoria cos personaxes do libro. Todavía fáltanos por colocar dous libros que trouxo Sergio da 1ª e 2ª parte do Quixote e tamén un póster que nos trouxo Manuel.

O día do libro, na clase, ademais do programa de radio, estivemos "lendo" entre todos o larousse do Quixote. Falamos dos personaxes que aparecían no libro e descubrimos que a Sancho Panza lle gustaban moitísimo os ditos e os refráns.

Así que seleccionamos uns cuantos refráns , anotamos que personaxe o dicía e averiguamos en que capítulo saía. A continuación, repartímonos os personaxes e cada un anotou os refráns nunha folla xunto co autor e o capítulo. E ademais, cada un de nós debuxou ao seu personaxe.

Xa só nos faltaba poñerlle unha portada, e cando así o fixemos, con todas as nosas follas elaboramos o noso ... LIBRO DE DICHOS Y REFRANES EN EL QUIJOTE. 

Aquí volo deixamos para que vexades que ben nos quedou.Que vos parece?

Presentación feita con flipsnack

COÑECENDO A MIGUEL DE CERVANTES

fonte da imaxe

Que mellor xeito de comezar o noso proxecto sobre O QUIXOTE que coñecendo un pouquiño máis sobre o seu autor Miguel de Cervantes Saavedra?

Ollade como el mesmo nos conta a súa biografía:

Biografía de Cervantes

PROXECTOS E MINIPROXECTOS

Na pestana superior de proxectos temos incluidos todos os proxectos e miniproxectos que imos facendo ao longo dos cursos. Como cada proxecto dura máis ou menos un trimestre (as veces máis dadas as características do noso alumnado) , para cada un deles temos un BLOGUE onde recollemos todo o que se vai facendo. Así  fixemos co proxecto dos NOSOS BOSQUES

 ou o de EDUCACIÓN VIAL

Pero cos miniproxectos é diferente. Éstes soen durar tan só unha semana ou dous polo que facer un blogue para cada creo que non procede. Así que para ter todo o traballo recollido decidín utilizar distintos recursos.

Para o miniproxecto do QUIXOTE, decidín incluír todo o material elaborado e utilizado nesta WIX:

clica na imaxe

e para o miniproxecto sobre CRISTOBAL COLÓN, neste GLOGSTER:

Así o temos todo moito máis organizadiño, non credes?

ADIVIÑA, ADIVIÑANZA, QUE TEN SANCHO NA PANZA?

Onte, grazas a Sandra do blog "MI SALA AMARILLA" descubrín os LIBROS REDONDOS. Cando o lín, chamoume moito a atención así que cliquei no enlace e cal non sería a miña sorpresa cando vin que había un de nada máis nin nada menos que de SANCHO PANZA!!!!!! Era un libriño de adiviñas que se titulaba "ADIVINA,ADIVINANZA,¿QUÉ TIENE SANCHO EN LA PANZA?" Nin que dicir ten que me encantou e quixen investigar como se facía. O mellor de todo é que viñan as PLANTILLAS para facelo, en cor e en branco e negro. As adiviñanzas que alí viñan non se axustaban ben aos personaxes e aventuras que nós vimos do Quixote, así que no lugar das que viñan puxen cinco adiviñas de CARMEN GIL que podedes atopar na páxina de POEMITAS.COM  e modifiquei as ilustracións. Así quedoume o conto:

E estas son as adiviñas que utilicei:

Vos preguntaredes como funciona. Pois ben, vanse lendo as adiviñas e para saber si as acertan, imos movendo a cabeza de RUCIO que así nos deixa ver a imaxe da solución. Hoxe xogamos na clase e o pasamos francamente ben.

Como nos gustou tanto xogar ás adiviñas con Sancho coa axuda das miñas dúas peques preparei esta presentación onde podedes ver tanto as adiviñas como a solución. Espero que vos guste:

DÍA DO LIBRO E MINIPROXECTO DO QUIXOTE

Hoxe célebrase en todo o mundo o Día Internacional do Libro. Con motivo desta data, como xa sabedes, na clase estivemos traballando unha obra importante da nosa literatura universal como é :  "DON QUIXOTE DA MANCHA".
Ademáis do caderno de fichas,  estes días estivemos coñecendo algunhas das súas aventuras (as que máis nos gustaron foron as dos "Muiños de vento" e a dos "Rebaños de ovellas") e tamén ...

* facendo este sinxelo mural:

* xogando ao memory de personaxes do Quixote elaborado por Vane, do blog "En la escuela caben todos" e que nos coloreamos co programa GIMP, logo plastificamos, recortamos e pegamos nuns pequenos taboleiros que unha vez máis nos fixo Roca, o profesor adxunto do taller de carpintería:

* facendo este marcapáxinas de Elena Medina, do blog "En el aula de apoyo", e que nós pasamos a galego:

* Rematando as nosas marionetas articuladas de Don Quixote. Se vos fixades unha delas ten encuadernadores pero as outras tres non e aínda así son articuladas. Como o fixemos? Cun pequeno truco que nos ensinaron nun cursiño de Stop Motion o ano pasado.

* E para rematar fomos á Aula de Informática a xogar co libro LIM do Quixote, na PDI. Aquí tedes algunhas fotos:

CONTINUAMOS APRENDENDO SOBRE O QUIXOTE

Onte é hoxe estivemos aprendendo moitas cousas sobre Cervantes e os principais personaxes que saen no libro de "O QUIXOTE". Mañá imos comezar a coñecer as súas aventuras.

Leremos estes dous cómics que elaborei a partir da web: DON QUIJOTE DE LA MANCHA (JUNTA DE CASTILLA Y LEÓN):

Tamén lembraremos o aprendido no rincón do ordenador con este libro LIM que preparei sobre O QUIXOTE:

http://dl.dropbox.com/u/14722558/QUIJOTE/quijote.html

Na biblioteca do noso cole, atopei este Don Quixote e Rocinante feito por un profesor adxunto de taller, xa xubilado hai uns anos. A que están chulísimos? Non puiden evitar sacarlles unha foto.

TRABALLANDO O QUIXOTE

Como xa todos sabedes, o vindeiro luns 23 de Abril, celébrase o día do libro. Por que un 23 de abril? Porque nesa data morreron dous grandes escritores da literatura como son Miguel de Cervantes Saavedra e William Shakespeare.

Unha das obras máis coñecidas de Miguel de Cervantes é "O QUIXOTE" por iso ao longo desta semana imos traballar sobre el, tratando de coñecer un pouquiño máis ao seu protagonista e outros personaxes da obra así como algunhas das aventuras que acontecen no libro como a dos muíños de vento, a das ovellas ou a dos sacos de viño.

Faremos estas fichiñas que elaborei buscando imaxes en internet:

E tamén utilizaremos entre outros ,estes recursos que atopei pola rede e que incluín nun GLOGSTER para telos todos a man: