LETRAS GALEGAS 2017: CARLOS CASARES

A semana que vén, celébrase en toda Galicia o Día das Letras Galegas. No cole, estamos a estudar a vida e obra do autor homenaxeado este ano, Carlos Casares, facendo esta unidade didáctica do Seminario Galán:

http://seminariogalan.org/2017/Act_3_4.pdf

E tamén ilustrando e gravando coas nosas voces a súa biografía. Ollade que bonito video nos quedou:

GÚSTAVOS?

DÍA DAS LETRAS GALEGAS

Estes días na clase, estivemos aprendendo moitas cousas da vida e obra de Manuel María, o autor homenaxeado este ano no día das letras galegas. Con todo o que aprendimos, fixemos este video da súa biografía, tomando imaxes da páxina web CASA MUSEO MANUEL MARÍA.

Ollade como nos quedou:

Na páxina web, PRIMAVERA DAS LETRAS, podedes atopar moitos recursos sobre este gran autor galego:

Algarabía animación, fixo estes dous videos baseados en obras súas:

E con esta fermosa imaxe de Leandro Lamas, queremos desexarvos a todos, MOI FELIZ DÍA DAS LETRAS GALEGAS!!!!!!

ACTUACIÓN LETRAS GALEGAS E OUTROS TRABALLOS

Como xa vos comentamos nunha entrada anterior (que podedes ver AQUÍ), no festival das Letras Galegas, o grupo de quinto fixemos unha pequena obriña titulada "NA CONSULTA DO DOUTOR" de Fina Casalderrey.  Desde aquí queremos darlle as grazas á teacher Uxía por gravarnos coa cámara da profe para que así poidamos disfrutar da nosa actuación tantas veces como queiramos e tamén para que poidamos amosárvola. Así que con todos vós... "Na consulta do doutor":

Como poidéchedes ver, saiunos moi requetebén, non si?

Neses días tamén estivemos aprendendo a vida e obra do autor homenaxeado, Xosé Fernando Filgueira Valverde, gravando a súa biografía coa que montamos un video que xa vos amosamos, e tamén ilustrándoa. Ollade, ollade:

FILGUEIRA VALVERDE

Se clicades enriba do símbolo de nota musical poderedes escoitar a súa vida e no recadro de enriba á dereita , como xa ben sabedes, podedes poñelo a pantalla completa.

ASÍ CELEBRAMOS O DÍA DAS LETRAS GALEGAS

Mural feito polos nenos e nenas de primeiro e a súa profe Mari

O pasado xoves pola tarde celebramos o festival das Letras Galegas con  Sergio e Laura de quinto presentando o acto.
Ao longo de hora e media de festival, escoitamos a biografía do autor homenaxeado este ano, Xosé Fernando Filgueira Valverde ,  a lectura dalgúns dos seus poemas incluídos na obra "Seis canciones de mar in modo antico" e tamén de poemas doutros grandes escritores da nosa literatura como son Curros Enríquez, Rosalía de Castro, Álvarez Blázquez, Celso Emilio Ferreiro,...

Disfrutamos con distintas cancións e bailes: "Mazarico", "Parapampero" e "Meu o mundo é" e incluso unha muñeira dos máis pequerrechos do cole. Tamén descubrimos a Verdadeira Historia de Carapuchiña Vermella de mans dos nenos e nenas de catro e cinco anos e os máis maiores, fixéronnos rir con dúas divertidas obriñas teatrais: "A consulta do doutor" (dos nenos e nenas de quinto, próximamente subiremos o video da nosa actuación) e "Consultas psicolóxicas" (dos nenos e nenas de sexto).

Pasámolo moi ben na compaña dos familiares e amigos que viñeron a disfrutar connosco do festival. Deixámosvos unhas fotiñas:

O 17 DE MAIO, PRESUME E COMPARTE

Hoxe celebramos un gran día para Galicia como é o día das nosas letras, o Día das Letras Galegas. Cada ano este día se lle adica a un escritor. Este ano o homenaxeado é Xosé Fernando Filgueira Valverde. A súa escolla suscitou gran controversia debido aos cargos públicos e a súa relación coas institucións da ditadura franquista, época na que a nosa lingua o galego sufriu un gran retroceso xa que estivo ausente de todos os usos oficiais e públicos, desaparecendo case calquera manifestación cultural na nosa lingua.

Para coñecer algo da vida deste autor, fixemos unha pequena biografía:

A produtora Algarabía realizou estas tres breves pezas audiovisuais para a Secretaría Xeral de Cultura a partir de textos de Filgueira Valverde:

Ao marxe da controversia (eu persoalmente preferiría que se lle adicase a outro autor como por exemplo Carballo Calero, escritor de aquí de Ferrol), o importante deste día é a defensa do noso idioma así que seguindo unha iniciativa da CGENDL, colaboramos na difusión dunha mensaxe positiva de orgullo lingüístico que vaia máis alá dunha efeméride puntual, espallando o video: "PRESUME DE GALEGO" polas redes sociais para que o 17 de maio non seña a meta senón a liña de saída.

III FESTIVAL ARTE POLA IGUALDADE LETRAS GALEGAS 2014

O pasado xoves pola tarde, fomos ao teatro Colón de A Coruña, invitados pola coordinadora de Equipas de Normalización e Dinamización Lingüïstica a ver a representación teatral: "O MEU REINO NON É DESTE MUNDO (Farsa de Bulubú) " de Manuel María, interpretada por alumnos del Centro de Educación Especial María Mariño coa colaboración do Conservatorio Profesional de Música que nos deleitou con cinco pezas musicais de compositores galegos.

Con esta obra, ademais de lembrar ao poeta Xosé María Díaz Castro, autor homenaxeado este ano o Día das Letras Galegas, preténdese tamén , según explica o secretario xeral de Política Lingüísitica "dar a coñecer o traballo que se desenvolve nos centros de educación especial e demostrar que a discapacidade física e/ou psíquica non é un impedimento para desenvolver o potencial creativo e a sensibilidade artística".

En representación do noso cole, fomos a directora  Mª Carmen , a profesora Mina e eu como coordinadora do Equipo de Normalización e Dinamización Lingüística, acompañadas de nove alumnos internos: Marcos, Alfonso, Ramiro, Dani, Leticia, Alejandro, Manu, Joni, Martín. Pasámolo moi ben porque a obra era moi divertida, os actores e actrices facíanno moi ben e a música do Conservatorio gustounos moito.

Da obra en sí non temos ningunha foto porque non estaba permitido facelas para preservar os dereitos de imaxe dos protagonistas. Pero si vos podemos amosar o contentos que estabamos esperando a que dese comezo a obra:

FESTIVAL DAS LETRAS GALEGAS

Este sábado foi o Día das Letras Galegas. Ao longo deste mes estivemos a traballar a figura de Xosé María Díaz Castro, poeta homenaxeado este ano. Aprendimos a súa biografia, ilustrámola e xogamos co xogo de XOGAMOS? que xa vos amosamos nunha entrada anterior.

E hoxe celebramos no cole, o Festival das Nosas Letras.

Ás once, reunímonos todos no Salón de Actos para:

1º.- Ver un video sobre a vida de Díaz Castro que montamos cos debuxos que fixeron todos os nenos do cole:

2º.- Escoitar un recitado de poesías por parte dos alumnos do PCPI de Xardinaría e Restauración

3º.- Escoitar un poema que inventaron os nenos da clase da profe Mina 

4º.- Cantar acompañados na guitarra da nosa secre Beatriz, dúas cancións galegas: "A Rianxeira" e "Ollos verdes":

5º Bailar todos xuntos distintas cancións propias da nosa terra:

E despois do recreo, todos xuntos vimos unha película que ainda que xa vimos máis dunha vez, lles encanta: "O BOSQUE ANIMADO" da profe Isabel que está de baixa e a que dende aquí queremos desexarlle unha pronta recuperación: BOTÁMOSTE DE MENOS, PROFE!!!!! Aquí tedes o trailer da película:

E xa para rematar,  na clase fixemos un marcapáxinas sobre o autor homenaxeado:

CONTO: O NENO E A ESTRELA

Grazas a Silvia, do blogue EXPLORAMOS O MUNDO COS CINCO SENTIDOS, coñecín este fermoso conto do colectivo FABALOBA que constitúe un fermoso achegamento á figura do poeta XOSÉ MARÍA DÍAZ CASTRO . Mañá contarémolo na clase.O protagonista desta historia é Díaz Castro de neno. No conto, o poeta atopa unha estrela que cae do ceo nun pozo de auga da súa aldea de Guitiriz e vai devolvela ao seu lugar no universo.

O libro está á venda en papel pero tamén hai unha versión dixital que se pode descargar de balde ou ler na web . Clicade na imaxe:

http://www.youblisher.com/p/873214-O-neno-e-a-estrela/

Como vexo que o enlace está a fallar déixovolo noutro formato:

ILUSTRANDO A VIDA DE XOSÉ MARÍA DÍAZ CASTRO

fonte

Ao longo desta semana estivemos a aprender e ilustrar a vida e obra de Xosé María Díaz Castro. Ollade que ben nos quedaron os nosos debuxos:

XOSÉ MARÍA DÍAZ CASTRO

O MES DAS LETRAS GALEGAS

fonte

Ao longo desta semana e da próxima, traballaremos a figura de Xosé María Díaz Castro, autor homenaxeado este ano polas letras galegas.

Para iso utilizaremos como sempre, os estupendísimos recursos que nos ofrecen dende o Seminario Galán para todos os ciclos tanto para imprimir como para traballar online:

http://seminariogalan.org/inicio/portada

E este xogo de XOGAMOS? que preparei para repasar a súa biografía. Hai que clicar no recadro amarelo para comezar:

DÍA DAS LETRAS GALEGAS

Fonte: Obra Social NovaCaixaGalicia

Hoxe celébrase un día moi importante para nós os galegos; "O DÍA DAS LETRAS GALEGAS".Cada ano adícase a un autor ou autora que traballa coa nosa lingua. Este ano o homenaxeado é ROBERTO VIDAL BOLAÑO. Aquí vós deixamos unha pequena biografía:

• Roberto Vidal Bolaño, fillo de Roberto e Carmen, naceu en Santiago de Compostela o 31 de xullo de 1950. Pasou os primeiros anos no barrio compostelá de Vista Alegre, estudando en distintos colexios e institutos da cidade.
• Con 12 anos comezou a traballar nunha empresa de recambio de automóbiles levando respostos por toda a cidade montado nunha bicicleta. Máis tarde traballou nunha axencia de viaxes, nuns almacéns, nunha tenda de electrodomésticos e nun banco.
• Aos 27 anos decidiu adicarse ao teatro. Fixo de todo: iluminador, decorador, electricista, director, actor, ... Chegou a fundar a súa propia compañía: Antroido.
• Escribiu máis de trinta obras teatrais, algunhas adicadas aos máis pequenos como "Touporroutou da Lúa e do Sol", "Xáxara, Peituda, Paniogas, Tarelo, o rapaz e  o Cachamón". Tamén traballou no cine e en distintas series televisivas.
• Pola súa traxectoria recibiu numerosos premios como: O premio Abrente, o Rafael Dieste, o Álvaro Cunqueiro, o do Eixo Atlántico, o María Casares,...
• Morreu en Santiago no ano 2002.

En todos os coles galegos, trabállase esta data. No noso, na entrada,puxemos un gran mural cos carteis que cada ano manda a Xunta de Galicia sobre o autor homenaxeado:

E como onte faciamos ponte e non tiñamos clase ao igual que hoxe, o mércores CELEBRAMOS O FESTIVAL DO DÍA DAS LETRAS GALEGAS cos alumnos do segundo ciclo do colexio de Lasalle que viñeron ao noso cole para facer un intercambio:

- Vimos unha presentación sobre a súa vida feita cos debuxos de todos os nenos do cole:

- Recitamos dous fragmentos das súas obras:

1. De Touporroutou da Lúa e do Sol, con Jaime Dragó e Sergio Camacho:

2. De Xáxara, Peituda, Paniogas, Tarelo, o rapaz e o Cachamón, entre Anibal, Diego, Sergio, Jaime, Jordan E Carlos:

3.- Amosámoslles aos nenos de Lasalle a nosa obra de teatro: A TARTARUGA QUE QUERÍA DURMIR (como faltaba Ruth, o papel de tartaruga fíxoo Marcos):

4.- Collidos das mans, bailamos todos xuntos a canción: QUEN QUERE ENTRAR,...

5.- A continuación tivemos a sorte de volver a contar, unha vez máis coa actuación do grupo de teatro GHAZAFELHOS, que nos sorprendeu cunha divertídisa obra titulada: "NON É PAÍS PARA CABALEIROS". Aquí vos deixamos algúns momentos da obra:

6.- E por último, despois dun pequeno recreo, os nenos e nenas xogaron un partido de fútbol do que non temos fotos.

E así foi a nosa celebración das LETRAS GALEGAS.

MOI FELIZ DÍA PARA TODOS OS GALEGOS E GALEGAS!!!!!!!!!

fonte

WEBCLUE SOBRE ROBERTO VIDAL BOLAÑO

Grazas a nosa amiga, Cati, que é toda unha experta, do blog LOS PEQUES DE MI COLE, descubrimos as WEBCLUE. Unha Webclue é unha actividade na que os nenos e nenas deben convertirse en detectives para descubrir a identidade dun personaxe segredo seguindo unha serie de pistas.

Constan de seis apartados:

QUEN SON? no que se recolle unha pequena introducción sobre o personaxe segredo que temos que descubrir.

PISTAS: as pistas que temos que seguir para quen é este personaxe segredo.

INFORMACIÓN: no que se atopan os enlaces que nos proporcionan a información para resolver as pistas.

CADERNO SEGREDO: fai referencia aos datos que se deben anotar para descubrir ao personaxe. Neste caso como é a nivel de infantil, primeiro ciclo, pódense incluir fichas para descargar.

INFORME FINAL: débese facer un informe sobre o personaxe segredo incluíndo todo o averiguado, o ver algún video relacionado con él se se trata dos máis pequenos.

PROPIETARIOS: as persoas que elaboraron a webclue.

Así que co material que vos ensinamos na entrada de onte, preparamos esta WEBCLUE sobre Roberto Vidal Bolaño:

TRABALLANDO A FIGURA DE ROBERTO VIDAL BOLAÑO

Fonte: Concello de Santiago

Desde a semana pasada, na clase estamos a traballar a figura de  ROBERTO VIDAL BOLAÑO , a quen se lle adica este ano o DÍA DAS LETRAS GALEGAS:

- Coñecimos a súa biografía, e que mellor que o propio Roberto para falarnos da súa vida? Así que con GoAnimate preparamos esta animación:

- Acontinuación a gravamos e a ilustramos:

E ademáis estamos a facer as fantásticas fichas que como cada ano pon á nosa disposición o Seminario Galán e que podedes atopar clicando na imaxe:

FESTIVAL DAS LETRAS GALEGAS

O mércores celebramos no cole, o festival das Letras Galegas. A media mañá reunímonos todos no salón de actos. Unha vez alí vimos o video que gravamos coas nosas voces sobre a vida de Valentín Paz Andrade; os alumnos do PCPI: Iago, Jaime, Rubén, Jordan e Sergio, nos leron unhas preciosas poesías da escolma poética do autor e tamén vimos a chulísima presentación que a profe Ana Sofía fixo cos nosos debuxos sobre a vida e obra de Valentín.

Ademáis disfrutamos do conto : "OS SETE CABRITOS":

E de distintos videos do grupo PIRILAMPO como este da Señora Lúa:

Ou estoutro do Semáforo, moi acorde co noso proxecto de Educación Vial:

Pero non vos pensedes que quedou ahí a cousa. Despois de todo isto, fomos á Sala de Día e alí tíñannos preparada .... UNHA GRAN DEGUSTACIÓN DUN PRODUTO TÍPICO GALEGO COMO É A EMPANADA amenizada cun grupo de gaiteiros de aquí de Ferrol que viñeron desinteresadamente a tocarnos varias das súas cancións.
Nin que dicir ten que o pasamos FENOMENAL!!!


E para que vexades que non mentimos, aquí vos deixamos unhas cantas fotos do festival:

LETRAS GALEGAS 2012 on PhotoPeach

DÍA DAS LETRAS GALEGAS

Hoxe é un día grande para nós os galegos porque celebramos o día das nosas letras, ou sexa, O DÍA DAS LETRAS GALEGAS. Cada  ano, un escritor galego  é homenaxeado neste día, e este ano tocoulle o turno a Valentín Paz Andrade.

                    Imaxe do blog TICs CRA de BERGONDO

Valentín Paz Andrade, naceu na parroquia de Lérez, provincia de Pontevedra, o 23 de abril de 1898. Estudou o bacharelato en Pontevedra e foi á Universidade a Santiago de Compostela onde estudou para avogado. Desde moi novo escribiu en xornais e revistas, chegando a dirixir durante cinco anos o xornal GALICIA. A Valentín gustáballe moito o mar e a pesca, por iso fundou, xunto con outras persoas a empresa Pescanova, adicada á pesca en mares moi afastados de Galicia e colaborou na FAO unha organización que se encarga de controlar a pesca en todo o mundo. Ademais de moitos ensaios, escribiu tres libros de poemas: "PRANTO MATRICIAL" que llo adicou ao seu amigo Castelao, "SEMENTEIRA DO VENTO" e "CEN CHAVES DE SOMBRA". Foi membro da Real Academia Galega e da Real Academia das Ciencias e galardoado co Pedrón de Ouro, Medalla Castelao, Premio Trasalba e moitos premios máis.

Neste día tamén quero compartir con vos, esta fermosa presentación que fixeron no blog Talleres de Aprender a Aprender de Carmela para lembrar a aquelas mulleres que nunca terán o seu día das Letras Galegas, ás que "poideron ser" e "non foron":

E tamén este fabuloso LipDup "A lingua sabe a pan" feito por todo o alumnado e profesorado do CPI Virxe da Saleta:

FELIZ DÍA DAS LETRAS GALEGAS!!!!!

SEGUIMOS A TRABALLAR A FIGURA DE VALENTÍN PAZ ANDRADE

Estes días nas clases seguimos a traballar a figura de Valentín Paz Andrade. Coa axuda dos nosos compañeiros da clase da profe Digna: Leticia, Erika e Martín, gravamos este PEQUENO VIDEO para poñerllo aos nosos compañeir@s o día do Festival das Letras Galegas:

E tamén coa axuda deles, ILUSTRAMOS A SÚA BIOGRAFÍA:

O MES DAS LETRAS GALEGAS

Ao longo destas dúas semanas que quedan para que chegue o Día das Letras Galegas, imos traballar na clase a figura de Valentín Paz Andrade , autor a quen se lle adica este ano. Coñeceremos dun xeito sinxelo a súa vida e a súa obra. Para iso, utilizaremos as fichas que cada ano prepara O SEMINARIO GALÁN. Se entrades na súa páxina, ademáis de material imprimible para os distintos ciclos educativos, podedes atopar actividades en liña e un álbum de fotografías.

E tamén traballaremos na PDI e no recuncho do ordenador con este libro LIM que preparei :

http://dl.dropbox.com/u/14722558/letrasgalegas2012/letrasgalegas2012.html

CELEBRAMOS NO COLE O DÍA DAS LETRAS GALEGAS

Hoxe celebramos o Día das Letras Galegas no cole. As dez e media fomos todos á Sala de Xuntas . Para empezar a profe Ana Sofía amosounos unha presentación en Power Point que fixo coa vida e obra de Lois Pereiro e todos os debuxos que fixemos para ilustralas. Quedou realmente moi bonita. Despois vimos e escoitamos a pequena biografía que fixemos cos nosos compañeiros da clase do lado e coa súa profe Digna e que ademais gravamos coas nosas voces.  A continuación Jaime Dragó, Rubén García, Iván Ferreira, Javier Crespo, Iago e o noso xefe de estudos Jesús, nos leron  poesías de Lois Pereiro. E para rematar vimos o conto: "O bosque encantado" que fixo a nosa profe coa axuda doutras profes do cole de Pazos: Cris, Isa e Mª Carmen para un grupo de traballo e que nos gustou moito, pero que moito. Proximamente o poñeremos no blog.
Aquí vos deixamos algunhas das fotos do festival. Non vos desesperedes porque tarda un pouquiño en cargar. A música que se escoita é Manu Clavijo musicando precisamente un poema de Lois, en Leonberg, "Canción última".

FELIZ DÍA DAS LETRAS GALEGAS!!!!!!!!

O 17 de maio, todos os galegos celebramos o Día das Letras Galegas, un día onde destacamos a importancia da literatura no noso idioma, o galego. Cada ano dende 1963,  adícaselle este día a un escritor galego e este ano como xa todos sabemos o autor homenaxeado é LOIS PEREIRO, poeta monfortino que morreu con tan só 38 anos a causa do aceite de colza desnaturalizado.

¿QUE SABEMOS DE LOIS PEREIRO?

Naceu en Monforte de Lemos (Lugo) o 16 de febreiro de 1956. Con 17 anos marchou a Madrid a estudar Ciencias Políticas e Socioloxía pero abandonou polos idiomas e a informática. Alí fundou xunto con Manuel Rivas, Antón Patiño e máis o seu irmán Xosé Manuel Pereiro a revista Loia da que só sairían catro exemplares. De volta a Galiza compaxinou o seu traballo de tradutor co labor poético. En vida publicou dous libros de poemas: "Poemas"(1981-1991) e "Poesía última de amor e de enfermidade". Morreu na Coruña por unha intoxicación alimentaria en 1996. Trala súa morte publicouse o libro de poesía "Poema para unha Loia" e os oitos capítulos dunha novela que non chegou a rematar. "Náufrago do paraíso".

Esteamos lonxe ou cerca, non debemos deixar de amar a nosa cultura e a nosa lingua sen imposicións, con respeto, interese e curiosidade xa que como lin nalgún sitio: "o que se impón entra por medo e pronto se perde mentras que o que se amosa e se fomenta medra por si só". Esta canción vai adicada a todos aqueles galegos que hoxe están fora da súa terra.

FELIZ DÍA DAS LETRAS GALEGAS!!!!

ILUSTRAMOS A BIOGRAFÍA DE LOIS PEREIRO

Ao longo desta semana seguimos traballando en torno a figura de Lois Pereiro, poeta monfortino ao que se lle adica este ano o día das Letras Galegas. Fixemos un power point da súa biografía e lle puxemos as nosas voces, unha unidade didáctica para aprender máis cousas sobre el (cada un  ao seu nivel claro) que atopamos na páxina do SEMINARIO GALÁN, decoramos o noso corredor e ilustramos algúns dos momentos máis importantes na vida de Lois. Si queredes ver como nos quedaron as ilustracións aquí volas deixo.

NOTA

Estou comprobando que o PictureTrail coa biografía ilustrada de Lois Pereiro, metade das veces non se ve co Internet Explorer en cambio vese perfectamente con Google Chrome e co Mozilla Firefox, para aqueles que non podan velo volo deixo tamén en Issuu.