O xoves da semana pasada, fomos cos nosos compañeiros e compañeiras de terceiro de primaria, de excursión ás Fragas do Eume.
Foi unha saída moi instructiva e divertida. Chegamos alí sobre as dez e media da mañá e xa estaban esperándonos os dous guías, Rubianes e Kevin.
Pola mañá, fixemos unha ruta de senderismo ata un mirador dende o cal vimos unhas vistas impresionantes do río e da Fraga.
Despois unha paradiña para comer e recuperar forzas:
E pola tarde .... o que todos estabamos esperando: OS KAYAK. Despois dunha pequena explicación de como se remaba e como tiñamos que facer para xirar, por fin todos montamos nos kayak profes incluidas.
Como as profes tamén tiveron que remar, non poideron deixar moita constancia gráfica desta fantástica aventura tan só estas poucas fotos:
A principios do mes pasado, todo o colexio, fomos a As Pontes para ver unha exhibición solidaria da Garda Civil na que participaron máis de 2000 escolares da zona. Dicimos que foi unha exhibición solidaria porque todo aquel que quixese podía colaborar entregando un kilo de comida e/ou material escolar que despois Cáritas entregará aos máis necesitados.
Durante a exhibición, decenas de axentes de distintas especialidades, nos amosaron o traballo que desempeñan. Ademais coñecimos o helicóptero do Servizo Aéreo da Garda Civil, os seus coches, as motos de Tráfico,as de Seprona, a lancha dos Geas, os cans detectores de drogas ou explosivos do Servizo Cinolóxico, e aprendimos tamén como se fai un rescate na montaña.
Pasamos unha mañá moi entretida. Podedes ver algunhas fotos da xornada clicando na imaxe de abaixo:
O martes da semana pasada, a ANPA convidounos a asistir ao Pazo da Cultura de Narón para ver a obra de teatro: "2021: Unha odisea na terra", unha obra escrita e dirixida por José Luis Prieto e interpretada pola Escola de Teatro de Narón.
Durante preto dunha hora poidemos disfrutar dunha fantástica obra que ten na contaminación o tema central, abordando tamén de xeito transversal a educación vial ensinándonos que temos que poñer casco ou como temos que tomar as rotondas entre outras cousiñas. Aquí vos deixamos unha sinopse da obra:
SINOPSE: No ano 2021, unha súbita contaminación masiva provocada por "OS OUTROS" fai que haxa que evacuar a toda a pobación terrestre a marte. Na Terra só quedan catro "ESCOLLIDOS" coa misión de investigar as causas de tal desastre ambiental e poder así salvar o Planeta.. Durante esta importante misión, estos "Escollidos" terán que enfrontarse a moitas situacións arriscadas.
Onte fomos á Casa da Cultura de Neda para ver unha sesión de contacontos de Ana Hermida da asociación LISÍSTRATA titulada "CONTANDO EN FEMININO: CONTOS PARA A IGUALDADE". Esta actividade está enmarcada dentro do programa LER CONTA MOITO da Consellería de Cultura co que se pretende fomentar o gusto pola lectura en pequenos e non tan pequenos.
Durante preto dunha hora, Ana contounos tres contos, dous deles de Adela Turín, "A HISTORIA DOS BONOBOS CON LENTES" e "ARTUR E CLEMENTINA" e un terceiro, "A PRINCESA QUE NON QUERÍA CASAR" do que non sabemos o autor. Con eles, tal e como nos din na súa páxina, "trátase de concienciar ao público máis novo para que rol feminino sexa, non o tradicional nos contos, senón algo igualitario. Contos onde se pode cambiar o final e tamén onde o protagonista non se vexa como algo inferior e sempre coas mesmas identidades xa que xogando e contando, apréndese a formar en igualdade".
Seguriño que moitos de vós xa coñecedes os contos de Adela Turín pero aquí volos deixamos por si queredes lembralos:
E tamén o libro lim do conto dos Bonobos que preparei hai dous anos e que a maioría coñecedes xa:
Unha vez que voltamos ao cole, cada un de nós pensamos en cal foi o conto que máis nos gustou e por que e tamén o que aprendimos coa saída e escribímolo nunha folla de papel. Aquí vos deixamos o que escribimos:
- ÍKER: Gustoume o conto de "Artur e Clementina". Este conto trata de dúas tartarugas que se casan. Unha delas, Clementina quería aprender cousas e ver o mundo pero a outra tartaruga, Artur, a insultaba e non lle deixaba saír da casa. Ao final, Clementina foise para coñecer novos amigos e novos lugares. Para min, este conto nos ensina que non debemos insultar á xente nin deixar que nos insulten a nós.
- BORJA: A min gustoume máis "Un conto ao revés". Trata dunha princesa que non quere casar. Unha mañá apareceulle na porta unha montaña de príncipes e como non quería casar lles puxo unhas probas que ninguén superou. E a princesa non casou. Con este conto aprendín que os principes ao igual cas princesas tamén, choran, teñen medo, son presumidos, etc e que unhas princesas se casan e outras non pero son felices igual.
- YANIRA: A min gustoume máis "Un conto ao revés" porque fala dunha princesa á que os seus pais querían casar. Por iso un día invitaron a moreas de príncipes a ver á princesa. Ela dilles que lles vai facer unha proba e todos vanse menos cinco que dilleron que ían facela. Todos os príncipes foron perdendo as súas probas, pero o último ao final resultou que pensaba igual ca princesa e se fixeron moi amigos. Nesta saída aprendín que non debemos insultar nin pegar e tamén que ser presumido e guapo non quere dicir que se sexa boa persoa.
- MANU: Gustoume "Un conto ao revés" porque falaba dunha princesa que non quería casar pero os seus pais lle mandaban facelo. Buscaronlle moitos príncipes. Uns eran miedosos, outros moi valentes, algúns presumidos outros bailaríns. A princesa púxolles unha proba a cada un e todos foron renunciando. Soamente o máis pequeno, o Esmirriado, dixo na metade da proba o que pensaba e fíxose amigo da princesa. Ao final os seus pais entenderon que a súa filla non tiña porque casar se non quería. Eu aprendín que non debemos maltratar á xente porque tampouco nos gustaría que nolo fixesen a nós.
-ESTELA: Eu quédome con "Artur e Clementina". Gustoume porque era a historia dunha tartaruga que se aburría moito na casa porque sempre estaba soa e o seu home non a deixaba saír nin aprender cousas novas. Un día saíu e empezou a facer moitos amigos. Ao ver que se divertía tanto decidiu fuxir para poder disfrutar da vida e olvidar os insultos do seu home. Con este conto e os demais, aprendín que todos somos iguais e temos os mesmos dereitos e que non debemos maltratar a ningúen nin con insultos nin con golpes.
- SARA MONTAGUT: A min a que máis me gustou foi "A historia dos Bonobos con Lentes" porque nos ensina que as tarefas son tanto para homes como para mulleres. O conto trata duns bonobos que se fartaron de non facer nada e un día marchan a Irlanda a aprender inglés. Cando voltan lles ensinan inglés aos demais bonobos e lles regalan uns lentes pero ás bonobas ainda que tamén querían aprender, non lles ensinaban nin lles regalaban os lentes. As Bonobas enfadadas marchande alí cos bonobos pequeniños e son moi felices. Os bonobos están tristes e famentos porque non saben facer nada, nen sequera buscar comida.
- SERGIO SOSA: O conto que máis me gustou foi "Artur e Clementina" porque nos ensina que as mulleres poden facer o mesmo que os homes. E da saída aprendín que non se maltrata as persoas e que todas as persoan teñen dereito a facer o mesmo cas outras sin importar o seu xénero.
- LAURA: Gustoume "A historia dos Bonobos con Lentes" porque trataba dun grupo de bonobos que se van a aprender inglés. Cando voltaron llo ensinaron a todos os bonobos. As bonobas tamén querían falar inglés pero os bonobos non quixeron ensinarlles e inventaron moitas excusas. Ao final provocaron que as bonobas e os bonobiños marcharan. Os bonobos decidiron ir con elas e axudalas.
- SARA FERNÁNDEZ: Hoxe fomos de excursión e nos contaron tres contos. O que máis me gustou foi "A historia dos Bonobos con Lentes" porque demostraba que todos somos iguais e que non só deben traballar a mulleres ou os homes e tamén que todos temos dereito a aprender o mesmo.
O pasado martes fomos ao teatro Jofre en Ferrol para ver a obra: "A NENA E O GRILO NUN BARQUIÑO" da compañía MAGIN BLANCO coa participación de Montse Piñón e Pepablo Patinho do grupo de Teatro Ghazafelhos.
O espectáculo consistiu no relato da historia dunha viaxe protagonizada por unha nena e un grilo mediante a interpretación de cancións que van desde o reggae, ao pop, ao rock ou á bossa nova.,
Pasámolo moi ben porque os actores interactuaban cos músicos e co público e tamén porque as cancións tiñan moito ritmo e eran moi pegadizas.
Aquí vos deixamos un anaquiño do que poidemos ver:
Este espectáculo está basado no libro-CD do mesmo nome: "A nena e o grilo nun barquiño" do músico galego Magín Blanco editado por FOL MÚSICA, un libro de 60 páxinas acompañado dun Cd con 13 cancións, como eles din: "decorado con fermosas ilustracións a cargo de Leandro Lamas e aderezado con estimulantes actividades creativas e interactivas para os nenos, para que poidan pintar, escribir e debuxar o seu propio libro".
O xoves pasado fomos cos nosos compañeiros de sexto, de excursión a Cerceda, concretamente a SOGAMA (Sociedade Galega do Medio Ambiente) que é un complexo medioambiental no que se produce a separación dos materiais reciclables depositados na bolsa amarela (envases plásticos, latas e bricks) e na bolsa negra (orgánicos). Alí, valórense os residuos que se poden aproveitar e se eliminan os que non son reutilizables ou reciclables.
Primeiro, unha das nosas guías, explicounos como era o complexo a través dunha gran maqueta:
A continuación fomos a unha sala onde vimos unha presentación na que nos quedou moi clariña a REGRA DAS TRES 5: reducir, reutilizar, reciclar.
Cando rematou a charla e a presentación, equipámonos adecuadamente con casco, marcarilla e chaleco refrectante e realizamos á visita ás instalacións:
Foi unha visita moi instructiva na que aprendimos o que se fai coas bolsas de lixo das nosas casas.
Estes días temos a sorte de contar no cole cunha fermosa exposición sobre o Río Belelle que puxo á nosa disposición a asociación Néboa Medio Ambiente. Como eles din na súa páxina, trátase dunha asociación ecoloxista que nace no ano 1996, no seo da entidade cultural Escola de Tempo e Aire Libre Néboa, coa idea de encauzar as inquietudes medio ambientais dalgúns socios posibilitando a súa actuación nesta dirección. Agrupa a xente como biólogos, inxeñeiros, técnicos medio ambientais, mestres, monitores e directores de tempo libre, ...
Ollade que exposición máis bonita:
Pero ademais, o venres pasado estiveron no colexio para facer uns talleres con nenos e nenas de infantil, primeiro ciclo y terceiro de primaria e hoxe viñeron para levarnos a dar unha pequena volta polo río Belelle. Alí poidemos ver en vivo e en directo a flora e fauna do lugar. Falamos das árbores que había á beira do río como Salgueiros, Bidueiros, Abelairas, Eucaliptos,... e dalgúns arbustos como o loureiro ou o fieito real que está en perigo de extinción. Tamén aprendimos o nome dalgúns paxaros como o martíño peixeiro, o merlo, a lavandeira,... E ademais fixemos algúns estudos sobre o río como o seu PH (5), a temperatura da auga (10.8º), a transparencia, a velocidade da auga (0.51) a porcentaxe de nitratos (entre 1 e 10), ... Todo isto apuntámolo nun caderno de campo que nos deron. Foi unha gran experiencia para todos.
Onte, baixo un sol abrasador, fixemos a excursión de fin de curso.
- Por unha banda, os nosos compañeiros do CICLO I, foron á praia de Cabañas onde disfrutaron do precioso paseo e do fantástico parque que alí hai. Ollade algunhas das fotos. Para velas a pantalla completa hai que clicar abaixo á dereita:
- E pola outra, nós, o CICLO II , fomos ao Castelo de San Felipe, unha antiga fortaleza militar na boca da ría de Ferrol. Fronte a este castelo, na outra beira da ría, en Mugardos, atópase o Castelo da Palma. Sabíades que entre estos dous castelos, tendíase unha grosa cadea no mar que impedia a entrada dos barcos enemigos á ría de Ferrol? Se queredes ver as fotos en pantalla completa tedes que clicar abaixo á dereita:
O venres fomos á Fundación Novacaixagalicia a ver a obra "LUME" baseada nun libro do mesmo nome do escritor Alberto Varela Ferreiro, a cargo da compañía BABALUVA.
A obra baséase nunha historia de cooperación e concienciación medioambiental xa que se trata dun incendio que se produce nun bosque e todos os animaliños teñen que unirse para atallar ese lume.
SINOPSE:
"Nun bosque onde vivían moitos animais algo pasou que fixo ladrar ao can…
Unha lapa chegou con ganas de facer lume e fume. O can chamou á vaca, a vaca ao cervo, o cervo á xabarila, a xabarila á landra, a landra preocupada foi buscar ao moucho que avisou a araña. A araña viu ao ourizo, o sapo alertou á garza que estaba comendo miñocas. A eiruga falou coa bolboreta, voluntariosas chegaron a vacaloura e ao esquío. E así foi como axudándose uns aos outros prepararon un plan para apagar o lume."
Ainda que nos gustou todo, o máis orixinal da obra foi o xeito de elaborar os animaliños e o resto do decorado xa que estaban realizados utilizando obxetos cotiás como envases, medias, guantes, panos de cociña, taburetes, ... todo moi sinxelo e colorido.
Continuando co noso proxecto sobre o corpo e a alimentación saudable, o martes fomos de excursión ao centro comercial Alcampo. Unha vez alí, fixemos un percorrido por todo o recinto acompañados da nosa estupenda guía, Araceli, que nos amosou os almacéns, a carnicería, a peixería, a froitería, a panadería, ... Foi unha visita moi instructiva na que aprendimos o nome de moitas froitas exóticas, cómo se envasa a carne, o enorme forno onde se fai o pan e ademais poidemos degustar o chocolate riquísimo que poñen nas tartas, UHMMMMMMM!
Fai xa uns días, fixemos un percorrido polos Muíños de Esmelle levando como guía a Paulino Gasalla que traballa para a SGHN (Sociedade Galega de Historia Natural) e a quen coñeciamos do ano pasado a raíz do noso proxecto sobre o Espazo xa que foi quen nos trouxo a estupenda Exposición de Astronomía que tivemos no cole.
Durante preto dos 3 kilometros que durou o percorrido, descubrimos muiños antigos (algúns restaurados e outros non), fontes e lavadoiros que noutros tempos formaban parte da vida cotiá dos habitantes de Esmelle ao mesmo tempo que disfrutabamos da fermosa paisaxe.
Estes días andamos do máis ocupados. Onte, aproveitando que facía bo día, entre todos, plantamos catro árbores no bosque e xardíns que rodean o colexio. No xardín de diante plantamos un GINKGO e no bosque de detrás do patio, plantamos un ALERCE EUROPEO , unha NOGUEIRA e un CASTIÑEIRO. Foi unha boísima experiencia para todos. Cada cual axudou según as súas posibilidades: botar a terra, soster as árbores, regar,...
Ollade canto e que ben traballamos:
Aproveitando que iamos a plantar e que non hai moito que foi o día da Árbore e o día da Terra, lembramos moitas das cousas que aprendimos o ano pasado sobre as árbores e as plantas e que están recollidas no blog sobre os bosques que xa vos amosamos o ano pasado:
E hoxe voltamos á FUNDACIÓN NOVACAIXA GALICIA, esta vez a ver unha obra de teatro de títeres: "A CAIXA DE MÚSICA" da Compañía Viravolta Títeres. Trátase dun espectáculo de marionetas de mesa, que conta a historia de dous rapaciños, Icía e Salterio, que xogando estropean a caixa de música de Calderón, un velliño que toca na plaza. A nena fai todo o posible para arranxala, e grazas a uns pintorescos personaxes, Zaracruso e Alterego, ao final o consegue. É un espectáculo moi atractivo e vistoso para os nenos e nenas debido á iluminación e as cores reflectantes na LUZ NEGRA. Ademáis conta coa participación de TRES MÚSICOS EN DIRECTO que tocan o violín, o piano e o clarinete:
En internet, atopei este video promocional da obra, que deixamos aquí para lembrar o bonita que era e o ben que o pasamos:
Despois do recreo, aproveitando que o tempo acompañaba, saímos xunto con outras clases ao bosque que temos ao lado do cole para poder apreciar os cambios que se producen en outono. Vimos que había algunhas árbores que tiñan todas as follas (árbores de folla perenne) e outras que tiñan poucas ou case ningunha (árbores de folla caduca). Aproveitamos a saída para recoller follas de todas as cores (verdes, amarelas, marróns,...) así como distintos froitos como castañas, landras, piñas e setas.
Despois na clase estivemos a clasificar todo o que recollimos. Como xa case era a hora de ir a comer non nos dou tempo a rematar pero aquí vos deixamos unha pequena mostra :
QUE FAREMOS AGORA CON TODO O QUE RECOLLIMOS? XA VOS MANTEREMOS INFORMADOS.
Hoxe fomos ao Centro Cultural Torrente Ballester a ver dúas obras que representaban os alumnos/as do CPI de Atios (Valdoviño) tituladas: "Produccións Roberta" e "O planeta Faigón" redactado por José Luis Prieto e ilustrado por Carlos Mosquera .
Esta última está encadrada dentro do proxecto SALVAVIDAS no que participan distintas entidades como a Xunta de Galicia, o Servizo Galego de Saúde, a Deputación da Coruña e Alcer (Asociación para a loita contra as enfermidades do ril). Como di o presidente de Alcer: "Este proxecto, aposta por utilizar o ámbito educativo como medio para concienciar, informar e promover a doación de órganos entre os escolares e as súas familias".
Ésta é a obra de teatro do Planeta Faigón:
E éste, o texto xunto con algunhas ACTIVIDADES que faremos entre todos o próximo día:
Pasámolo moi ben. Aos rapaces, gustoulles máis a obra de "Produccións Roberta" porque había música e bailes: eran personaxes de contos como Brancaneves, Carapuchiña, o Lobo, ... que se presentaban a un casting para unha película. Pero ás profes gustounos máis a segunda, "O Planeta Faigón" pola mensaxe que levaba.
Onte tivemos unha mañá do máis "DIVERTIDA". Por que? Porque nos fomos de excursión. Así que as dez e media en punto saímos do cole rumbo para Fene. Alí a metade do grupo quedou vendo o MUSEO DO HUMOR e a outra metade foi a Barallobre ao CIRCUITO DE EDUCACIÓN VIAL que hai alí. Ao cabo de hora e media, cambiamos e os do museo fomos ao circuito e viceversa.
Nós empezando vendo o museo. Gustounos un montón. Ten unhas figuras moi bonitas; os cadros son chulísimos; divertímonos un montón cos espellos que nos facían grandes,pequenos,gordos, delgados,...; xogamos ás diferencias con tres cadros; a acertar caricaturas de personaxes (todos acertamos a Messi e a Ronaldo); vimos unha presentación dos Dereitos dos Nenos e o Humor que nos gustou moito e ademáis fixemos un pequeno obradoiro onde coloreamos uns futbolistas. Para que vos fagades unha idea do bonito que é aquí vos deixamos estas fotos:
MUSEO DO HUMOR on PhotoPeach
E se no museo o pasamos ben, no circuíto de educación vial, disfrutamos todavía máis, tanto profes como alumn@s. Non quitamos fotos pero o que si fixemos foi... GRAVAR EN VIDEO. Aquí nos tedes en acción:
A pregunta de todas e todos cando nos iamos foi: E CANDO VOLTAMOS?
Dentro do proxecto "OS NOSOS BOSQUES", tiñamos prevista unha visita polo patio do noso colexio para ver as árbores que alí había e catalogalas. Tivemos que esperar a que fixera bo tempo para facelo. Así que mentras esperábamos preparamos un pouco a saída. Buscamos en Google imaxes das árbores que iamos ver e o profe Tomé de xardineiría fixo con elas unhas láminas. Despois lle axudamos a plastificalas para poder poñelas en cada árbore.
PREPARANDO A SAIDA on PhotoPeach
O venres pasado por fin fixo bo día e poidemos saír ao patio a catalogar as árbores. De dúas en dúas clases, fomos cos encargados do taller de xardineiría, Tomé e Luís. Unha vez alí, tiñamos que identificar as árbores coa axuda das láminas. Había que fixarse moito nas ramas, follas, froitos,a forma do tronco,... pero algunhas árbores NON TIÑAN FOLLAS e iso facía moi difícil a identificación. Unha vez que xa sabiamos de que árbore se trataba, con axuda colocábamos a lámina ben atadiña, e lle sacábamos unha foto. Sí, sí, como escoitades, TAMÉN FIXEMOS DE FOTÓGRAFOS. Como sacamos moitísimas fotos, fixemos a seguinte montaxe:
EXCURSIÓN ÁS FRAGAS DO EUME
.jpg)
