POR SAN VALENTÍN COMPARTIMOS O MAPA DO NOSO CORAZÓN

Imaxe de Carlos Cubeiro

Que son os mapas do corazón? Cómo son? Un mapa do corazón  é unha representación visual do que nos gusta ou importa. Utiliza debuxos e palabras para amosar as cousas que "viven" no noso corazón esperando a ser revelados por unha actividade de escritura. Xeralmente as ideas máis importantes van no medio e as cousas menos importantes arredor.

COMO CREAR UN MAPA DO CORAZÓN

1º PASO: Buscar unha plantilla ou crear unha propia dun corazón e imprimir varias copias. A continuación dividilo en varios espacios. O corazón ten que ter un tamaño grande para ter suficiente espazo para escribir ou debuxar as nosas ideas.

2º PASO: Dámoslle a cada alumn@ unha folla de papel para que pensen e escriban nela cales son as persoas que realmente son importantes para eles, as cousas que máis queren, as actividades que lles gusta realizar e os lugares que lles gustan ou quererían visitar.

3º PASO: A continuación plasman o que escribiron, mediante palabras ou debuxos, na silueta do corazón. Pódese dar ou non orientacións á hora de facelo. No noso caso decidimos unha cor para cada un dos apartados: verde para as cousas que nos gustan, negro para as actividades, vermello para as persoas e azul para os lugares.

Así quedaron algúns dos nosos mapas do corazón:

Una vez que rematamos de facelo, pegámolo nun folio de cor, recortámolo e o dobramos convertíndoo nun sobre que pechamos cun corazón troquelado (se queredes saber como facelo clicade AQUÍ). Pola parte de diante, escribimos o nome do amigo ou amiga co que iamos compartir o noso corazón::

Ollade que cara de contentos buscando e despois lendo cada un o mapa do corazón do amigo ou amiga que lles tocou!

FELIZ SAN VALENTÍN PARA TODOS!

Esta é a nosa cuarta aportación deste curso ao  proxecto PaLaBraS AzuLeS no que como xa sabedes todos, participamos. Clicade na imaxe se queredes ver a entrada no blog deste gran proxecto:

UN MEME DE INTERNET

Cando hai unhas semanas vin no blogue de Jesús, Crea y Aprende con Laura, falar dos memes de internet (término do que non escoitara falar ata entón) o que menos pensei e que me ía tocar a min tamén, ja ja Pero así foi. Hai xa uns días que a miña amiga e compañeira de claustro virtual, Miren, do blogue La Clase de Miren, convidoume a participar e por suposto aceptei o ofrecemento.

Para os que estades igual ca min, e non sabedes o que é un MEME DE INTERNET:

"O término meme de internet úsase para describir unha idea, concepto, situación, expresión e/ou pensamento manifestado en calquera tipo de medio virtual, cómic, video, textos, imaxes e todo tipo de construcción multimedia e colectiva que se populariza a través dun hipervínculo, foros, imageboard, sitios web e calquer outro difusor masivo como o son hoxe en día as redes sociais".

Este meme en especial, busca responder a catro preguntas acerca da nosa experiencia escribindo no noso blogue e invitar a outros tres blogueiros a recoller o testigo e continuar a cadea.

Estas son as preguntas:

1ª) Sobre que estou escribindo actualmente? O certo é que ultimamente non estou escribindo moito no blogue por dous motivos: por unha banda estou metida nun curso de Realidade Aumentada da Escola Virtual de Verán de Espiral, o cal me ocupa bastante tempo e por outra, este ano por diferentes razóns fíxoseme un curso moi duro e necesito desconectar bastante se quero voltar en setembro coas pilas ben cargadiñas. Feito este inciso, dicir que xeralmente escribo sobre as cosas que facemos na clase: os nosos proxectos, experimentos, recursos, saídas, ... 

2ª) En que difire a miña escritura da de outros que  desenvolven o mesmo xénero? Sinceramente creo que en nada. A maioría dos blogues e blogueiros que coñezo e admiro, ao igual ca min, escriben sobre as experiencias nas súas aulas co seu alumnado e sobre aqueles recursos que atopan ou elaboran, que lles parecen útiles para a súa tarefa diaria e comparten desinteresadamente. Imaxino que a única diferencia estará no "toque persoal" que lle damos cada un de nós a esa escritura.

3ª) Por que escribo o que escribo? Principalmente, porque quero que as familias dos meus alumnos e eles mesmos, vexan o fantástico traballo que fan e como se esforzan día a día para facelo e porque ao igual que eu me aproveito dos recursos que outra xente comparte quero tamén compartir os meus por se lle resultan útiles a alguén.

4ª) Como é o meu proceso de escritura? Procuro que as miñas entradas sexan claras e sinxelas de entender para todos (hai que ter en conta que os meus alumnos son de Educación Especial), normalmente con pouco texto e moi visuais e coloridas  (con fotos a tamaño grande). 

Para rematar, gustaríame compartir e convidar a participar neste meme a: 

• Elena do blogue En el aula de apoyo
• Isabel do blog Las TIC en Primaria
• Anabel do blogue O recuncho das Fadas

PREMIOS COOPERATIVISMO 2014

Este  sábado , fomos ao centro Ágora en A Coruña para asistir á gala de entrega de premios aos mellores proxectos cooperativos galegos: premio aos valores cooperativos, premio ao mellor proxecto cooperativo e premio á promoción do cooperativismo e tamén os premios "Cooperativismo no Ensino" onde como xa vos comentamos noutra entrada anterior, quedamos gañadores na categoría do segundo ciclo coa nosa obra de teatro: "UN MUNDO MELLOR" protagonizada por 17 alumnos do centro e coordinada polas profes Patricia, Estrela e máis eu.

Ningún dos dezasete nenos poideron asistir á gala (moitos dos nosos alumnos son de lonxe e lles foi imposible acudir) o que foi unha verdadeira mágoa, porque durante a mesma poidemos disfrutar de dúas grandes actuacións como foron a da actriz Paula Carballera e a da cantante Sés, ainda que sí viñeron a facernos compañia a profe Mina e Roca o profesor adxunto do taller de Carpintería.

Ademais, ao remate da mesma, houbo unha gran degustación de produtos cooperativos nunha das explanadas exteriores do centro e a continuación sesións de xogos populares para os máis pequenos e non tan pequenos :).

En setembro estaralles agardando  a fantástica cámara fotográfica que gañaron cada un deles :

Foi sen dúbida unha gran xornada!!!!!

FESTA DE FIN DE CURSO

Faltábanos por subir as fotos da festa de final de curso. Primero tivo lugar a exhibición dos nenos e nenas que van a actividades extraescolares polas tardes: os que van a INFORMÁTICA amosáronnos unha preciosa presentación en power point feita por eles, os que van a BRINCADOIRO, sorprendéronnos con dúas cancións que cantaron e escenificaron de xeito fantástico e os que van a clases de CANTO con Yanko, deleitáronnos cun popurrí de cancións. Aquí tedes algunha foto:

A continuación dividímonos en grupos e disfrutamos dunha gran selección de xogos populares e de auga. Foi moi divertido. En cada estación de xogos, había outro alternativo para aqueles nenos e nenas que non podían facelo. Así, todos pasamos polos seguintes xogos nos que podiamos estar durante dez minutos:

ESTACIÓN 1.- CARREIRA DE BOTELLAS e LABERINTO: 

ESTACIÓN 2.- AS MAZÁS e ESTAMPAR:

ESTACIÓN 3.- CARREIRA DE VASOS e XOGOS NO AREEIRO: 

ESTACIÓN 4.- OS BOLOS e O XOGO DA RÁ: 

ESTACIÓN 5.- A CORDA e MAQUILLAXE: 

ESTACIÓN 6.- PESCA CON CANAS e PESCA CON TRUEIS : 

ESTACIÓN 7.- CARREIRA DE GLOBOS DE AUGA e ENCESTAR A BÓLA:

E con este selo co que nos obsequia  a nosa amiga Rocío, do blogue El aula PT queremos desexarvos a todos e todas que visitades este humilde espacio:

UN PROXECTO ENTRE TODOS: Ímonos de vacacións

Comezamos as vacacións presentando un novo blogue amigo que se incorpora ao noso proxecto. Benvida a "UN PROXECTO ENTRE TODOS"!!!! Aquí vos deixamos a nova lista actualizada para poder faceros seguidores:

Tamén nos gustaría darvos, a todos e a todas, as grazas pola gran cantidade de blogues que colaboraron durante este curso 2013-14

 Lembrarvos que todavía quedan moitas chapas por entregar. Se estades na lista que aparece a continuación só tedes que deixar un comentario nesta entrada e enviarémosvola personalizada.

Por último, informarvos que a próxima entrada de actualización, realizarémola a principios de setembro, pois decidimos tomarnos un descansiño durante o verán para recargar pilas.

MOITAS GRAZAS A TODOS

NOELIA, MIREN, ANA, FINI e MIREIA

FELICES VACACIÓNS!!!!

ESTAMOS ... MOI CONTENTOS!!!!!

Os nenos e nenas do Centro de Educación Especial Terra de Ferrol están moi contentos e contentas porque hoxe .... COMEZAN AS VACACIÓNS!!!!!!

Non o credes? Pois ollade as súas cariñas neste precioso video que preparou a profe Mary Carmen Balado:

REMATAMOS O PROXECTO SOBRE O CORPO HUMANO

                                                         Imaxe de Phillip Martin

A piques de rematar o curso, tamén rematamos o noso proxecto sobre o corpo humano. Aprendimos como somos por fóra e tamén como é o noso aparato locomotor: músculos, ósos e articulacións. Fixemos divertidos experimentos, xogamos co noso corpo e fixemos un dossier no que recollimos todo o aprendido.
Aquí volo deixamos por se a alguén lle pode resultar útil en vindeiros cursos:

E así nos quedou a nós:

Para non esquecer ningunha das cousiñas que aprendimos, a profe preparou este libro lim, co que practicar e lembrar sempre que queiramos:

Podedes seguir todo o noso proxecto:

- Na etiqueta PROXECTO CORPO do blogue:

http://aulatic-terradeferrol.blogspot.com.es/search/label/PROXECTO%20CORPO

- No blogue do proxecto:

http://onosocorpo.blogspot.com.es/

- Ou no noso taboleiro de pinterest sobre o mesmo:

http://es.pinterest.com/anamartinezrey3/o-corpo-humano/

GAÑAMOS O PRIMEIRO PREMIO NO CERTAME "COOPERATIVISMO NO ENSINO"

Estamos contentísimos e emocionadísimos!!!!! 

A nosa obra de teatro: "UN MUNDO MELLOR" na que colaboramos a profe Patricia, a profe Estrela e máis eu; e protagonizada por un grupo de 17 alumnos/as do colexio: Jordan, Miguel, Brais A. , Brais V, Yolanda, Ángel, Juan Marcos, Leticia, Andrea, Helena, José Ángel, Erika, Sandra, Marcos, Alfonso, Ramiro e Pablo Ezequiel, acadou o primeiro premio no Certame do Cooperativismo no Ensino. O vindeiro sábado cinco de xullo, iremos ao centro ÁGORA na Coruña a recoller o noso premio.

Aquí vos deixamos a obra para que vexades o ben que o fixemos:

QUE BEN O PASAMOS NOS KARTS!

O venres pola mañá, grazas a Rita, a profe de Educación Física, fomos invitados á Malata a montar nos karts que alí había. Pasámolo moi ben ainda que era un pouquiño difícil conducilos. Menos mal que os monitores botámonos unha manciña que senón ... Ollade, ollade,..

QUE DIVERTIDO!

EXCURSIÓNS DE FIN DE CURSO

Onte, baixo un sol abrasador, fixemos a excursión de fin de curso.

- Por unha banda, os nosos compañeiros do CICLO I, foron á praia de Cabañas onde disfrutaron do precioso paseo e do fantástico parque que alí hai. Ollade algunhas das fotos. Para velas a pantalla completa hai que clicar abaixo á dereita:

- E pola outra, nós, o CICLO II , fomos ao Castelo de San Felipe, unha antiga fortaleza militar na boca da ría de Ferrol. Fronte a este castelo, na outra beira da ría, en Mugardos, atópase o Castelo da Palma. Sabíades que entre estos dous castelos, tendíase unha grosa cadea no mar que impedia a entrada dos barcos enemigos á ría de Ferrol? Se queredes ver as fotos en pantalla completa tedes que clicar abaixo á dereita:

AS ARTICULACIÓNS

Agora que xa coñecemos os ÓSOS e os MÚSCULOS, tocounos o turno de falar das ARTICULACIÓNS. Averiguamos que os ósos están unidos os uns aos outros, que a zona onde se unen chámase ARTICULACIÓN e que se non  tivésemos articulacións o noso corpo non se podería MOVER nin DOBRAR. 

Para probalo por nós mesmos, collemos os brazaletes que utilizamos para a nosa actuación de nadal e colocámolos nos XEONLLOS, nos CÓBADOS e no PESCOZO. Descubrimos que así era dificilísimo andar, dobrar os brazos ou xirar a cabeza:

Aprendimos o nome dalgunhas articulacións e para que nos servían como os OMBROS (para subir os brazos), os CÓBADOS (para dobralos), os PULSOS (para dobrar a man), o PESCOZO (para xirar á cabeza), a CINTURA (para dobrar o tronco), os XEONLLOS (para dobrar as pernas) e os NOCELLOS (para dobrar os pés).

Practicamos os nomes das articulacións,

1º Co moneco articulado que temos na clase:

2º E despois con esta moneca que fixemos entre todos utilizando  tubos de cartón de papel de cociña, de papel hixiénico e cartón:

Quixemos ter o noso propio moneco articulado  e para iso utilizamos esta plantilla da estupenda web ACTILUDIS:

clicade na imaxe

E así de bonitos nos quedaron:

Ademais fixemos esta ficha para afianzar todo o aprendido:

E utilizamos algúns destes recursos que vos deixamos por se vos poden resultar útiles:

DISFRUTAMOS CO GRUPO DE TEATRO GHAZAFELHOS

A semana pasada fomos ao teatro Jofre a ver a obra "CONTOS PARA ESCAGARRIÑARSE DE RISA" do grupo GHAZAFELHOS. Alí contáronnos tres contos: "A CABRA MONTESINA","AS LAVANDEIRAS" e "A SANTA COMPAÑA" cos que nos partimos de risa.

En YouTube hai este extracto da obra no que podedes ver o divertido que é:

E hoxe tivemos a gran sorte de que viñesen ao noso cole a representarnos a obra: "O PAÍS DOS MANDÓNS", obra inspirada no libro do mesmo título de Paloma Rodríguez e Cristina Justo, que fala da IGUALDADE e do REPARTO DE TAREFAS. Pasámolo fenomenal:

Clicade na imaxe

Aquí podedes ver un pequeno trociño da obra:

DIPLOMA PaLaBraS AzuLeS

Como xa todos sabedes, este ano participei xunto con máis de cen profesores de toda España, grandes profesionais todos eles e dos que aprendín moito, no proxecto PaLaBraS AzuLeS, un proxecto colaborativo co obxetivo de crear, recoller, ampliar, organizar e compartir recursos propios ou adaptados CON ou SIN TIC. Este proxecto ademais, persegue que o noso alumnado disfrute do pracer da escritura, trata de fomentar a creatividade nas nosas aulas, establecer relacións de colaboración online e fomentar e dar a coñecer distintas ferramentas 2.0.

Pois ben,  hoxe recibín con gran sorpresa este precioso DIPLOMA que acredita a miña participación no proxecto.

Moitísimas grazas a Ana Galindo, Jorge Torrente e Salomé Recio, coordinadores do proxecto por deixarme participar nel e por este xenial diploma:

Si clicades na imaxe poderedes acceder as miñas entradas no proxecto.