EXPOSICIÓN POESÍA E IMAXE

Onte chegou ao noso cole a Exposición de Debuxos Premiados no 11 Certame de Poesía e Imaxe que tivo lugar o ano pasado. Lembrades que dous rapaciños do noso colexio, Javi Crespo e Alfonso Romero recibiron un premio polos seus debuxos? Pois ben, hoxe  fomos todos menos Jesús que faltaba, a ver a exposición. Había moitos debuxos e todos eran moi bonitos.E como Alfonso este ano está con nos en clase, sacamos unha foto diante do seu debuxo e do cartel que anuncia a exposición.Queredes velas?

MÁIS SAMAÍN

Nuns pouquiños días chegará a tan esperada NOITE DO SAMAÍN. Aqui vos deixo este issuu do conto MARCELINA E A NOITE DO SAMAÍN que fixen con imaxes do album Picassa da profe Tatiana do blog E.E.I. "O GRUPO".

Esta mesma profe elaborou este libro Lim co conto e actividades sobre el. Espero que vos guste e vos resulte útil.

ACHÉGASE O SAMAÍN

Xa quedan pouquiños días para que chegue o SAMAÍN  ( o HALLOWEEN para os ingleses), por iso ao longo desta semana traballaremos algunhas fichiñas sobre o tema. Aquí volas deixo por si alguén quere utilizalas. Son fichas que atopei en distintos sitios: no blog "DALE UN COLIÑO", na WEB DE NORBERTO, na páxina DLTK´s e outras son de elaboración propia feitas con debuxos tomados de internet.

E como non todo é traballar, aquí vos deixo estes entretidos xogos para que pasades un ratiño divertido:

 Empezaremos por tallar a nosa propia cabaza:

E remataremos pintando uns bonitos debuxos:

No blog da nosa amiga Dolores, Aula Virtual de Audición y lenguaje, atopamos esta adaptación feita por ela para educación infantil, do conto INDO PARA O SAMAÍN de Carlos e Sabela Labraña. Si visitades o seu blog poderedes ver tamén as imaxes do conto e o texto en castelán por si alguén lle interesa. Graciñas Dolores por compartir tan fermosos materiais.

CONTO: "MARÍA A CASTAÑEIRA"

Como xa queda menos para celebrar a festa do MAGOSTO, ao longo destes días traballaremos o conto de "María, a castañeira". As imaxes , as actividades e o texto atopeinos no blog de Jessica, "¿QUÉ HACEMOS HOY EN EL COLE" , estaban en catalán así que as pasei ao galego, en canto ás letras do título atopeinas no blog de Raquel, "MI PEQUEÑO MUNDO". Motísimas grazas ás dúas por compartir.

E así foi como quedou o conto:

E para pasar un rato entretido, vos deixo estes puzzles de cogumelos. Podemos elexir o número de pezas, a forma destas, a orientación, ...

BLOG ADORABLE

A nosa amiga Gemi, de "EL BLOG ENCANTADO" acaba de agasallarnos con este fantástico premio. Aceptalo leva consigo unha serie de condicións:

1º Nomear á persoa que da o premio: GEMI

2º Indicar o seu link: http://gemi-premiosencantados.blogspot.com/

3º Engadir sete blogs amigos: Hai moitos que me gustaría engandir, a algúns  xa llo otourgaron outras amigas blogueras ,a outros sei que non lles gustan moito estas cousas, pero aínda así sete parécenme moi poucos, por iso vou elexir sete blogs para poñer aquí e elixirei outros sete blogs no me outro blog "MEDRANDO XUNTOS"

http://salaamarilla2009.blogspot.com/

http://sonrisasdemilcolores.blogspot.com/

http://losenanitosdemicole.blogspot.com/

http://burbujitaas.blogspot.com/

http://desvandpalabras.blogspot.com/

http://patripenalogopeda.blogspot.com/

http://enelauladeapoyo.blogspot.com/

Os blogs "A XANELA DE INFANTIL", "PEQUESPAZOS" e "REMENDOS" tamén me parecen "adorables" pero sei que non lles gustan moito estas cousas por iso non as meto no compromiso de mandarllo. Un bico gordo para elas.

4º E xa para rematar unha foto. Ai, Ai,... co pouco fotoxénica que son eu. Aí vai:

ACTUALIZACIÓN

Recibimos o mesmo premio e non por iso nos fai menos ilusión da nosa amiga Paqui do blog "INFANTIL DE COLORES"  , da nosa amiga Carmen do blog "AULA DE INFANTIL"   ,da nosa amiga Vane do blog "EN LA ESCUELA CABEN TODOS" e do noso amigo Carlos do blog "O PÉ DO XIGANTE". Dende aquí, un bico moi grande para os catro.

XOGOS DE OUTONO NA PDI

Buceando pola rede atopei esta selección de xogos relacionados co outono para utilizar tanto no rincón do ordenador como na PDI.

¿Cantas follas eres capaz de varrer en 40 segundos? Move o rato que o tempo se acaba.

Imos axudar a Tico a recoller landras e de paso repasamos os números en inglés. Temos tres niveis de dificultade para elexir.

E agora un sinxelo puzzle

5 de outubro "Día Mundial do Profesorado"

Hoxe celébrase en todo o mundo o "Día Mundial do Profesorado". Esta conmemoración foi instituída pola UNESCO no 1994, escollendo como data o 5 de outubro por corresponder ao día en que no ano 1966 se fixo pública a Declaración conxunta UNESCO/OIT sobre a Situación do Persoal Docente, sendo esta conmemoración unha mostra de recoñecemento internacional á contribución vital do profesorado á educación e ao desenvolvemento das sociedades dos distintos países.

Neste ano 2011, o lema é: "Docentes pola igualdade de xénero" e nós  en vista do que está sucedendo no país cos recortes en educación e a desprestixiación que está a padecer o ensino público engadimos  "E na defensa do ensino público" quedando o lema así:

"DOCENTES POLA IGUALDADE DE XÉNERO E NA DEFENSA DO ENSINO PÚBLICO"

E para apoiar á escola pública, aquí vos deixo este video que comparte con nós Marta, do blog ÉRASE UNA VEZ ... UNA CASITA ENCANTADA.

OS NOSOS TRABALLOS DE OUTONO

Ao longo desta semana estivemos a falar do outono e das súas características. Fixemos un pequeno libriño sobre o outono para levar a casa que atopamos en Internet, estaba en inglés pero nós o pasamos a galego:

Si queredes descargar a plantilla do libriño clicade AQUÍ.

Ademáis comezamos a traballar as fichas do outono que atopamos no album Picassa de Brimar333. Nós adaptámolas e traducímolas ao galego e así foi coma nos quedou:

E CHEGOU O OUTONO...

E chegou o outono e con el os días voltan a ser máis curtos e frescos, o vento comeza a soprar, maduran algúns froitos secos como as castañas e as noces e chega o tempo da vendimia. Algúns animais como as anduriñas emigran buscando a calor e outros como os esquíos reúnen comida para o inverno.As follas das árbores mudan a súa cor para dourado, vermello e castaño e comezan a caer, ...
Se queredes aprender máis cousiñas sobre o outono, vos deixo este libro que coñecín grazas a Trinidad do blog "MARIPOSAS DE COLORES"

E para xogar e aprender ao mesmo tempo aquí vós deixo este libro LIM "Estamos en outono" que é o primeiriño que fixen cando ainda estaba a aprender como se facían:

E para rematar un conto que inventou e tamén ilustrou, o ano pasado un rapaz do noso cole DANI MÉNDEZ, e que montamos a miña compi Digna e máis eu coas voces dos nosos alumnos e dalgún profe. Espero que vós guste.

ESTES SOMOS NÓS!!!

Tal e como vós dixen noutra entrada, este ano estou no mesmo cole pero con distinto grupo de alumnos. O meu novo grupo está formado por catro rapaces de idades que oscilan entre os oito e os catorce anos. E estes son:

 

Ao longo desta primeira semana estivemos coñecéndonos e facendo unha avaliación inicial para saber en que nivel curricular se atopan pero tamén tivemos tempo de xogar, facer puzzles, ir a PDI ,... Aqui vós deixo algunhas das fotos destes días.

 

PROCESADOR DE TEXTOS ARAWORD

Estes días todos os que usamos os pictogramas de ARASAAC estamos de noraboa. Acaba de salir ARAWORD o novo procesador  de textos con pictogramas de ARASAAC que é como eles mesmos din unha fantástica ferramenta para a comunicación alternativa e aumentativa.

Para descargalo visitade o blog INFORMÁTICA PARA EDUCACIÓN ESPECIAL e alí teredes non só o enlace para descargalo senón tamén os manuais de como se utiliza explicado dun xeito moi sinxelo.

Eu estiven a probar e puiden ver que é moi fácil e intuitivo. Ademáis dos pictogramas, tamén se poden engadir imaxes externas. Aquí vos deixo un exemplo:

VOLTA ÁS AULAS E CUMPREANOS DO BLOG

 

Chegou o momento de que tanto profes como alumnos voltemos as aulas. Mañá comeza oficialmente un  novo curso e a maioría de nós o empezaremos con novos alumnos e alumnas. E este é o meu caso. Sigo no mesmo cole pero cun grupo novo de alumnos que vos presentarei nuns días cando xa esteamos máis acomodados.

Ademáis fai un ano, tal día como hoxe nacía o noso blog. Ao longo  deste ano publicamos 89 entradas e vimos como pouco a pouco ían medrando as visitas e os seguidores. Quero aproveitar a ocasión para agradecer todas as vosas visitas e comentarios pois sin vós este blog non sería posible. Un bico.

¡PREMIO!

Hai que ver AS VOLTAS QUE DA ISTO DA BLOGOSFERA!!!!. Aló polo mes de agosto, Blanca do blog "ACTIVIDADES DE EDUCACIÓN INFANTIL" comparteu connosco un premio que recibira o seu blog , para aceptalo había que decir sete cousas sobre un mesmo e envialo a blogs amigos e iso é o que fixen.

Agora, un mes despois, chéganos de volta o mesmo premio, esta vez de mans de María José Fano do blog "DESVÁN DE PALABRAS", blog que coñezo dende hai pouco tempo e que visito a miúdo porque está xenial, cargadiño de recursos propios e alleos. NON DUBIDEDES EN VISITALO. 

E aquí está o premio:

Non vou a poñer outra vez as sete características que me definen porque sería repetirme, si queredes saber cales eran CLICADE NA IMAXE e vos levará a entrada antiga. En canto aos blogs amigos cos que quero compartir o premio ademais dos que llo adiquei no seu día, quero compartilo con algúns novos blogs que sigo como:

Entre Pizarras

En la escuela caben todos

Mariposas de colores

La clase de Miren

Mi pequeño mundo

Comunicar es más que hablar

MOTÍSIMAS GRAZAS MARÍA JOSÉ POR ACORDARTE DE NOS

CAMPAÑA POR UN TRATAMENTO DIGNO DO AUTISMO II

Hai uns días publicamos unha entrada que se titulaba POR UN TRATAMENTO DIGNO DO AUTISMO na que falabamos da campaña que se está a facer a través do blog de Cristina "LA PRINCESA DE LAS ALAS ROSAS",   para concienciar e informar ao maior número de xente posible sobre o autismo. Pois ben, onte chegoume un correo de Cristina onde me pedía que publicase a entrada que ben a continuación (que é a que vai a poñer ela no seu blog, en castelán claro ) e que solicitase a VOSA COLABORACIÓN para que fixerades o mesmo. Atoparedes a mesma entrada pero en castelán no blog de Mª José "COMUNICAR ES MÁS QUE HABLAR"

Ilustración de Santiago Ogazón

Na actualidade, emprégase o término "autismo" asociado a connotacións negativas porque se parte de mitos e informacións falsas como que:

• as persoas con autismo non poden interactuar o comunicarse
• as persoas con autismo viven no seu mundo
• as persoas con autismo son incapaces de sentir, etc

Todo isto da pé a que cada vez maís xornalistas, políticos ou líderes de opinión súmense ao uso abusivo do termo "autista" para descalificar. É dicir, lemos nos medios de comunicación ou escoitamos en boca de políticos "goberno autista" ou "fulanito é autista" cando queren expresar que ese goberno ou esa persoa non cumple co seu traballo, non escoita, non se entera da realidade, non amosa empatía cos problemas, é incapaz de ofrecer solucións ou carece de sentimentos. Por que fai falla recurrir - e ferir con iso a dignidade- a un colectivo de persoas para atacar e descalificar a outra persoa ou colectivo?

Entendemos que non hai mala intención, senón descoñecemento ou mal uso do diccionario. Convivir co autismo implica tamén un importante labor de concienciación na sociedade: convenceremos sempre desde o respecto.O descoñecido, ademais de asustar, alenta a difusión de informacións falsas. Temos que dar a coñecer a visión positiva do autismo á par de fomentar un tratamento digno para todos os afectados. Un gran traballo por diante.

Autismo non é sinónimo de persoas indiferentes que viven ailladas no seu mundo. As persoas con autismo senten, interactúan, comunícanse - con o sin linguaxe - , comparten, son loitadores natos que se esforzan a diario e lles é difícil entender a ironía, os xogos de palabras ou as mentiras (pero ata iso aprenden en moitos casos coa estimulación adecuada). Se se coñecese a realidade do autismo, a ninguén se lle ocurriría máis que asocialo con "superación", "esforzo", "nobleza", "cariño" ou "sensibilidade".

A prevalencia do autismo hoxe en día é o suficientemente significativa como para promover accións de información e sensibilización, con afirmacións que se apoien en evidencias científicas e axustadas á realidade. Según o Instituto da Saúde Carlos III, un de cada 150 nenos presenta algún trastorno dentro do espectro. Hai máis de 200.000 afectados en España e 67 millóns en todo o mundo. Hoxe en día, os avances prodúcense sempre e, moitas veces, a pasos de xigante. Cunha estimulación adecuada, canto máis intensa mellor, evolucionan hacia metas impensables fai uns anos. Por iso, debemos loitar todos xuntos para favorecer a inclusión.

QUE É O AUTISMO?

Ilustración de Fátima Collado               Debuxo de Iker con 6 anos

O autismo é unha síndrome cun espectro moi amplo, non unha enfermedade. Afecta de forma diferente, así que non hai dúas persoas con autismo iguais e por iso non se pode nunca xeneralizar. As áreas nas que se manifesta son:

• Dificultades - non incapacidade - na linguaxe e a comunicación. Atoparemos persoas que non falan pero que se comunican con xestos ou pictogramas, e persoas capaces de dominar varios idiomas.
• Dificultades - non incapacidade - nas relacións sociais. Atoparemos persoas que eluden o contacto visual ou se aturden en ambientes ruidosos, e persoas que ofrecen conferencias.
• Intereses restrinxidos e repetitivos, que cunha boa estimulación poden ampliarse sempre.

Ao igual que todos os seres humanos, a posible realización das persoas con espectro autista é ilimitada. As persoas con Trastornos do Espectro Autista (TEA) comparten moitas características, necesidades e desexos coas persoas da súa idade sin autismo. Hai moitas cousas que diferencian ás persoas con TEA, pero tamén hai moitas cousas en común. Coma todos nós, teñen os seus puntos fortes e os seus puntos débiles. Todos somos diferentes, pero todos temos os mesmos dereitos.

 OS MITOS QUE SE DEBEN EVITAR

• Carencia de sentimentos. As persoas con autismo senten: choran, rin, alégranse, entristécense, enfádanse, sinten celos,... En ocasións poden ter dificultades para canalizar as emocións pero saben demostrar que as sinten.
• Aillamento no seu propio mundo. Os esforzos por comunicarse son grandiosos. Nin viven noutra galaxia nin mirando a unha parede. Forman parte do mundo, unha sociedade onde hai cabida para a diversidade.
• A falta de cariño dos pais provoca o autismo. Hai xa moito tempo que se erradicou a teoría das "nais-neveira", que tanto dano provocou. Nácese con autismo. É dicir, hai unha orixe xenética.
• As persoas con autismo teñen discapacidade intelectual, ou polo contrario, son capaces de habilidades prodixiosas. En realidade, o retraso mental é unha comorbilidade, non unha condición propia do autismo. Hai persoas con autsmo que ademais teñen discapacidade intelectual e hainas tamén que non a teñen; hainas que teñen capacidades asombrosas, e hainas que non as teñen. Pero necesitamos todo tipo de mentes, sin discriminar a ninguén.
• A inevitable segregación. Debe desterrarse a falsa creencia de que as persoas con autismo só poden vivir o desenvolverse en centros segregados, sin relación co resto das persoas, non coa intención de marxinalas, senón de protexelas. Isto en ningún caso debe ser así. Ao contrario, a inclusión social é unha das claves para lograr unha mellora da calidade de vida das persoas con TEA e un factor esencial para incrementar as súas capacidades de adaptación, o seu desenvolvemento persoal e a súa calidade de vida. Cos apoios adecuados, as persoas con TEA poden aproveitar as oportunidades de participación en entornos ordinarios, o que favorece que poidan disfrutar dunha vida social integrada e normalizada, e contribúe ao seu desenvolvemento persoal.
• A infancia permanente. Con demasiada frecuencia, os medios falan de "nenos autistas", pero casi nunca de "adultos autistas". É necesario que a sociedade coñeza e entenda tanto aos nenos como aos adultos afectados polo autismo.
• Son autistas. Mellor empregar a fórmula "persoa con autismo" en lugar de utilizar simplemente a palabra "autista". Asó póñese de relevo a condición de persoa, coas súas características e diferencias, independientes do autismo. Ademais, definir a unha persoa por unha discapacidade é unha forma de discriminación.
• Definición dos diccionarios. O uso do autismo asociado a connotacións negativas, escúdase en ocasións na definición que aparece nos diccionarios, sobre todo o DRAE. Hai xa máis dun ano que se iniciou unha campaña con respostas positivas no sentido de que van a cambiar a definición, ainda que levará o seu tempo► Campaña Diccionario

Presentación sobre mitos de Almu G. Negrete

Etiquetas y mitos

Ilustración de Fátima Collado

LEMBRA: As palabras son poderosas. Utilizar os termos“autismo” ou “autista” para descalificar ou insultar a outras persoas é unha forma de contribuir á discriminación e á exclusión de todos os afectados por esta síndrome.

Ilustración de Fátima Collado

LEMBRA: O maior lastre que se atopa unha persoa con autismo non é o diagnóstico, senón o descoñecemento e os mitos que perduran na sociedade.

Accións contra os mitos do autismo

► Autismo sin Mitos

Realizado por Anabel Cornago coa colaboración e coordinación de Cristina López García de

► La Princesa de las Alas Rosas

ÚLTIMO DÍA DE VACACIÓNS

HOXE REMATAN AS NOSAS VACACIÓNS! Quero desexarvos a todos e todas os que visitades este blog un "inicio"  o  máis  feliz e tranquilo posible e que afrontedes con ánimo, ilusións e gañas este novo curso 2011/12 que comeza. 

FELIZ CURSO 2011-2012!!!!!!!

UN BLOG MÁIS ACCESIBLE PARA TOD@S

 A partir de agora o noso blog será máis accesible para tod@s. En cada entrada teredes a posibilidade de escoitala ademáis de lela clicando no reprodutor que hai debaixo do título da mesma

e na sidebar arriba á dereita poderedes elexir o tamaño da letra e facela máis grande ou máis pequena clicando enriba das imaxes

 A idea orixinal saqueina do blog da nosa amiga María José Fano "DESVÁN DE PALABRAS"  ,un fantástico blog cheo de recursos que non debedes deixar de visitar.

POR UN TRATAMENTO DIGNO DO AUTISMO

A nosa amiga Carmen, do blog "AULA DE INFANTIL", recibiu unha carta de Cristina, do blog "LA PRINCESA DE LAS ALAS ROSAS" , nai dunha nena con autismo, na que lle dicía así:

"Hola¡¡

Soy la mamá de una niña con autismo y quisiera pedir vuestra colaboración para difundir una campaña que un grupo de padres y profesionales hemos puesto en marcha. El objetivo,és ayudar a desmitificar muchos mitos que hay sobre este trastorno y concienciar a la sociedad sobre el uso de la palabra autismo, ya que las familias estamos cansadas y dolidas también de escuchar como se utiliza esta palabra para insultar a otros o simplemente, con un significado que no se corresponde con la realidad.  Agradeceríamos mucho vuestra colaboración, quisiéramos hacer ruido, que nuestra campaña llegue a todas partes y para eso necesitamos la ayuda y la implicación de todo aquel que quiera sumarse. Por nuestros hijos y un futuro mejor para ellos, donde puedan tener los mismos derechos y oportunidades que los demás. Solo debéis difundir con vuestro blog la campaña, darla a conocer....ser las voces de miles de niños con autismo y de sus familias...ellos y nosotros os lo agradeceremos de corazón. Os envío el enlace de la entrada que podéis copiar y publicar en vuestro blog, gracias. Gracias una vez más".

http://laprincesadelasalasrosas.blogspot.com/2011/08/tienes-un-blog-o-pagina-web.html 

 O doce de setembro lanzarán unha campaña para concienciar á sociedade para un tratamento digno do autismo por iso necesitan que todo o que teña blog ou páxina web e quera sumarse á campaña, os axude a difundila.

Desde AulaTic queremos sumarnos a esta inicitiativa e solicitamos a colaboración de tod@s @s seguidor@s deste blog para como di Cristina "facer ruído".

Máis información: http://autismosinmitos.blogspot.com/

HORARIOS ESCOLARES

Na web FOCACLIPART de Vladimir Zúñiga, podedes atopar uns fantásticos horarios escolares para nós mesmos ou para os nosos alumnos ademáis doutros fantásticos deseños. Aquí vos deixo unha mostra. Clicade na imaxe para visitar a súa páxina e poder ver todos:

¡FELICIDADES PAQUI!

A nosa amiga Paqui do blog "INFANTIL DE COLORES", acaba de chegar ás 10.000 visitas e para celebralo regálanos este estupendo debuxo feito por ela mesma.

¡FELICIDADES PAQUI!

CARAPUCHIÑA VERMELLA

Sempre tiven en mente facer un libro LIM sobre o conto de CARAPUCHIÑA VERMELLA, que é un conto que lles gusta moitísimo a todos os rapaces e rapaces, e de feito tiña empezado un, pero non estaba moi convencida de como me estaba a quedar. Hai uns días, vin a nova entrada de Jessica, dos blogs QUE HACEMOS  HOY EN EL COLE? e BONITOOH, na que compartía connosco un deses kits tan marabillosos que fai e que esta vez era nin MÁIS nin MENOS que de ¡¡¡CARAPUCHIÑA VERMELLA!!!.Así que púxenme mans a obra e.... ESTE É O RESULTADO. Espero que vos guste. Está sin audio porque cando empece o curso quero grabalo coas voces dos meus alumnos.

MOITÍSIMAS GRAZAS, JESSICA

AGASALLO DE BLANCA

A nosa amiga Blanca, do blog ACTIVIDADES PARA EDUCACIÓN INFANTIL quere compartir connosco este precioso debuxo que lle fixo a súa sobriña Marta, que é unha ARTISTA con maiúsculas, sobre o verán. Grazas Blanca e grazas tamén a Marta polo debuxo.É PRECIOSO.

Para todas esas "GRANDES MESTRAS"

DÍA INTERNACIONAL DA XUVENTUDE

Desde 1999 que foi declarado  "DÍA INTERNACIONAL DA XUVENTUDE" polas Nacións Unidas, o 12 de agosto convertiuse na data que nos lembra todos os anos a importancia que ten a xuventude para toda a sociedade e nos fai comprender as súas necesidades e aspiracións. Con esta iniciativa búscase facer un recoñecemento aos esforzos da xuventude de todo o mundo para mellorar a sociedade global e apoiar medidas tanto nacionais como internacionais para:

• Mellorar a participación dos xóvenes nas actividades das  Nacións Unidas así como na sociedade e na toma de decisións.
• Desenvolver políticas en temas prioritarios como a educación, o emprego, a fame e a pobreza, a saúde, o medio ambiente, o uso indebido de drogas e a delincuencia xuvenil.
• Desenvolver canles de colaboración e cooperación entre organizacións xuvenís, axencias do sistema das Nacións Unidas e outras organizacións xuvenís intergubernamentais.

Este día celébrase con competicións e concursos ao longo do mundo para intentar concienciar aos xóvenes dos actuais perigos da sociedade e incitarlles a participar na mesma desde valores de solidariedade, esforzo, ecoloxía,...

CHÉGANOS UN NOVO PREMIO!!!!!!

A nosa amiga Blanca, do blog "ACTIVIDADES PARA EDUCACIÓN INFANTIL" comparte con nós este premio que recibiu:

O premio ten dúas condicións: contar sete cousas sobre unha mesma e envialo  a outros blogs amigos. Empecemos. Sete cousas sobre min:

1. Son mestra e gústame ensinar. 
2. Na actualidade estou dando PT nun colexio de Educación Especial pero tamén teño a especialidade de Inglés. Nun futuro próximo gustaríame volver a dar inglés sobre todo aos máis pequenos.
3. Tamén son mamá de dúas preciosas nenas (que vou dicir eu)
4. Encántame todo o relacionado coas novas tecnoloxías. Podo pasarme horas (que debería estar durmindo)buscando recursos en internet.
5. Ainda que fago moitos cursiños son sobre todo autodidacta o que non sei busco en internet como facelo o alguén que mo explique.
6. Gústame moito ler pero recoñezo que ultimamente o deixei algo de lado.
7. As pelis de terror son a miña debilidade.

Comparto este premio cos seguintes blogs amigos (sei que algúns xa o recibiron e que a outros non lles van estas cousas pero ainda así eu quero compartilo con eles):

A bitácora do Terra de Ferrol

Tiempo de aprender

Infantil de Colores

Remendos

Mi sala amarilla

Burbujitas

Sonrisas de mil colores

Cousas de peques

Mis proyectos

Los enanitos de mi cole

PequesPazos

Infantil Calvo Sotelo

El blog encantado

A xanela de Infantil

Falando enténdese a xente

GRAZAS BLANCA POLO PREMIO

RECURSOS PARA EDUCACIÓN INFANTIL

Aproveitando o verán estou a facer algúns cambios no blog, espero que para mellor. A partir de agora, nas pestanas de arriba, poderedes ver unha que pon EDUCACIÓN INFANTIL. Nela haberá recursos que considero interesantes ou útiles, clasificados en seis categorías: Lectoescritura, Lóxica-Matemática, Ámbito, Varios, Crearte e Xogos.

Espero que vos sirvan. Eu empregareinos con aqueles alumnos/as que teño con menos nivel académico.

FELIZ DÍA DA AMIZADE

Para todos os meus amigos e amigas de aquí e de acolá, de cerca e de lonxe, para todos vós

¡FELIZ DÍA DO AMIG@!

 

imaxe de Liliana Lois Diseños(http://lilianalois.blogspot.com)

INTERCAMBIO CREATIVO

Aínda que dixen que pechaba o blog ata setembro, hoxe vou a facer unha entrada extraordinaria. Estes días

Sandra Luz do blog "MI SALA AMARILLA" e Berenice do blog "BURBUJITAS" fixeron como elas chaman "un intercambio creativo". Sandra Luz montou un video sobre o conto  "DON FRESQUETE" coa voz da propia autora MARÍA ELENA WALSH como narradora e Berenice fixo os debuxos que ilustran o video. Pareceume unha idea moi interesante e un video precioso e como a min gústame moito facer libros LIM, ofrecínme a facerlles un sobre o conto, con actividades para educación infantil. E aquí tedes o resultado (tarda un pouquiño en cargar ,sobre todo o video, non vos desesperedes):

PECHADO POR VACACIÓNS

FELICES VACACIÓNS!!!!!!!!

imaxes do kit PIRATAS de Bonitooh (http://bonitooh.blogspot.com)

Un ano máis outro curso que termina. Agora o verán, as vacacións e a desconectar para vir o próximo curso coas pilas ben cargadas. Pero para que poidades seguir practicando e divertíndovos aprendendo, aquí vos deixo as actividades que a Junta de Castilla y León, nos propón para este verán. Temos máis de 100 actividades e xogos repartidos para todos os niveis: INFANTIL, PRIMARIA e SECUNDARIA. 

e se queredes acceder ao escritorio de verán do curso pasado clicade  na imaxe:

PREMIO ESPECIAL VACACIÓNS

Pilar, dos blogs "Los enanitos de mi cole" e "Los lapiceros", gran ilustradora, nos obsequia a todos os seus seguidores e aqueles que visitan o seu blog, con este precioso debuxo feito por ela mesma.

As condicións para aceptalo son moi sinxelas de cumprir: primeiro que nos guste (nos gusta moitísimo),  despois publicalo no blog (cousa que estamos a facer) e por último dicir onde vas a pasar as túas vacacións ( en xullo uns días de relax nunha casa de turismo rural e en agosto unha semana na costa Valenciana).

GRAZAS PILAR E FELICES VACACIÓNS!