FACEMOS MATEMÁTICAS

No noso proxecto sobre a vendima tamén están presentes as matemáticas. Así que ademáis de estimar, facer gráficas,... que xa vos amosamos noutra ocasión, utilizamos o centro de interés das uvas para aprender conceptos como DENTRO/FÓRA, GRANDE/MEDIANO/PEQUENO, contar ou facer sumas.

Con estas fichas:

E con estes dous novos xogos de contar que engadimos ao noso RECUNCHO MATEMÁTICO :

- Dúas rodas de uvas para contar e colocar pinzas:

- E unha nova plantilla de uvas para a nosa máquina dos tapóns:

QUERES QUE CHO CONTE OUTRA VEZ? A CORDA DE CONTAR

Onte, saíu no blogue de PaLaBraS AzuLeS, a nosa segunda colaboración para o proxecto. Trata de como aprendemos na nosa clase a contar historias.

Aprender a contar unha historia axuda aos nosos alumnos como lectores e pensadores. O ensino dos seus compoñentes principais axúdalles a entender a súa estructura, as relacións entre as partes, a secuenciación e outras habilidades de comprensión. Para traballar todo isto, na clase utilizamos A CORDA DE CONTAR como un apoio visual e táctil do que debe incluir unha historia dende o principio ata o final.

PRESENTACIÓN

Na nosa corda hai sete nudos. Cada un representa as partes da historia que teñen que incluir no seu relato:

Para que o entendan ben, utilizamos debuxos. Primeiro presentamos a corda e coa axuda das trarxetas explicamos o que significa cada un dos círculos que a forman.

DESENVOLVEMENTO

A primeira vez, cóntolles eu a historia en voz alta e a continuación, coa corda na man, tocando por orde cada un dos elementos, vólvolla a contar de forma resumida. A segunda vez, despois de escoitar o conto, saen voluntarios a recontalo coa corda na man o situándose ao lado dela. Se o precisan, axúdolles facéndolles preguntas tipo: de quen fala o conto? onde estaban?, ...

Cando adquiren máis práctica, fágolles unha pequena corda para cada un, que pode ser fotocopiada nun folio ou igual ca da clase pero en menor tamaño. Así poden utilizala individualmente o por parellas cando estean no recuncho de lectura.

Os máis maiores poden ademáis cubrir unha ficha:

Este é o material que utilizamos:

OUTROS USOS

 Este recurso énos moi útil non só para aprender a recontar unha historia, senón tamén para aprender a crear as nosas propias historias. E unha vez que sabemos que historia queremos contar, podemos utilizar apps como DRAW FREE FOR IPAD:

 para debuxar aos nosos personaxes e a  continuación PUPPET PALS:

 coa que unha vez importadas as imaxes que previamente creamos antes, montar o noso propio conto, xa que permite non só gravar a nosa voz senón tamén mover as imaxes.

Para ver esta entrada e todos os recursos en CASTELÁN, visitade o blogue de PaLaBraS AzuLeS, onde poderedes atopar moitísimos máis recursos para traballar a escritura creativa nas vosas aulas:

A VENDIMA

Retomando o noso proxecto sobre as uvas, hoxe vimos que  recoller as uvas cando están maduras chámase VENDIMAR e que as persoas que realizan a vendima chámanse VENDIMADORES. Tamén aprendimos que hai dous xeitos de vendimar:  ARTESANAL ( se cortamos as uvas nós mesmos)  ou MECÁNICAMENTE (se utilizamos as máquinas vendimadoras).

Falamos das diferencias entre estes dous métodos e chegamos as seguintes conclusións:

Para lembrar este vocabulario novo, fixemos esta ficha:

E que mellor forma de rematar a sesión que cantando esta canción?

E ASÍ CELEBRAMOS O MAGOSTO

Primeiro fomos ao salón de actos, e alí todos xuntos vimos o video de "A CASTAÑA QUE REBENTOU DE RISA". Ollade que atentos estabamos:

Logo, vimos o libro que fixemos entre todas as clases do cole incluídos os dos PCPIs: "O LIBRO DA CASTAÑA" e para non perder ningún dos detalles do bonito que nos quedou, o puxemos na pantalla e algúns rapaces como Brais e Anibal, nos leron algunhas das súas páxinas. A ver se adiviñades cal foi a que nos tocou a nós.

E xa para rematar fomos ao comedor para degustar RICAS CASTAÑAS ASADAS E COCIDAS CON LEITE!!!!!!! Uhmmmm estaban riquísimas!!!!!!

E SEGUIMOS PREPARANDO O MAGOSTO

Hoxe por fin rematamos os nosos cestiños para gardar o venres as castañas. A idea orixinal vímola no blog de La classe della maestra Valentina. Nós trocamos a caixa de queixiños por unha botella de leite. Así quedaron:

Ademais , grazas ao meu antigo cole, o CEIP de PAZOS, poidemos disfrutar destas fantásticas actividades do conto "A castaña que rebentou de risa":

Ollade como nos están a quedar:

RECURSOS PARA PREPARAR O MAGOSTO

O vindeiro venres día 8, celebraremos no cole a festa do MAGOSTO, así que ao longo desta semana faremos os nosos cestiños onde gardar as castañas, aprenderemos moitas cousas sobre esta data a través deste libro lim que fixen hai uns anos e ao que este ano lle engadín un apartado en castelán:

 e traballaremos distintos contos relacionados con esta data como o da CASTAÑEIRA, nas súas dúas versións:

E sobretodo este conto que nos gusta moitísimo: A CASTAÑA QUE REBENTOU DE RISA:

  

Como podedes ver, modifiquei un pouquiño o lim que tiña sobre o conto, engadíndolle un apartado en castelán e cambiando o audio.

Ademáis do video que xa tiñamos sobre el coas fermosas imaxes da miña excompañeira Rosana Rodiles:

Montei dous novos videos en castelán e en galego coas tamén fermosas imaxes de María Casares , do blogue LÁPIZ, PAPEL Y GOMA, e estes son os resultados:

Teremos unha semana do mááááááááis ocupada

UN PROXECTO ENTRE TODOS: Actualización de Novembro

Neste mes seguimos a medrar e incorporamos á nosa lista de blogues participantes 5 novos blogues aos que dicimos: BENVIDOS!! a UN PROXECTO ENTRE TODOS. Aquí vos deixamos a lista de participantes actualizada.

O comezo de curso non poido ser máis activo, xa se pediron axuda para 10 TEMAS novos e colaboraron activamente aportando enlaces  68  blogues amigos. Dámosvos as grazas polo entusiasmo que demostrades neste proxecto, pois nos anima a continuar.

Nesta ocasión vos queriamos pedir un favor. Como xa vos explicamos en anteriores ocasións, unha vez que deixades os enlaces nos comentarios no blogue que pide axuda, nolas cinco (Ana, Fini, Miren, Mireia e Noelia) revisámolos e filtrámolos para incorporalos ao SITES de UN PROXECTO ENTRE TODOS.

https://sites.google.com/site/unproyectoentretodos/

Ultimamente, nos atopamos algúns enlaces que ainda que están relacionados co tema solicitado, non son adecuados para a preparación e realización de proxectos para INFANTIL, EDUCACIÓN ESPECIA E PRIMEIRO CICLO DE PRIMARIA, que son as idades ás que vai dirixido este proxecto principalmente. Por exemplo, no proxecto das laranxas, atopamos mil recetas de cociña só porque se fan con laranxas (sen posibilidade algunha de facelas na aula). E por iso que vos pedimos que antes de deixar un enlace sen revisar, por favor lle botedes un vistazo primeiro. Nós filtramos e retiramos do SITES todos aqueles enlaces que non consideramos axeitados.

Se vos animades a participar, só debedes deixar un mail e a dirección do blog co que queredes participar nun comentario nesta mesma entrada.

E coma sempre, MOITAS GRAZAS!! pola vosa colaboración e participación.

ANA, FINI, MIREIA, MIREN e NOELIA

SAMAÍN NO COLE

Mañá celébrase o esperadísimo día de SAMAÍN para nós os galegos. Que non sabedes que é o Samaín? Ollade esta entrada do ano pasado:

Pero como mañá NON TEMOS COLE porque a Xunta de Galicia decidiu que fose o DÍA DO ENSINO, hoxe despois do recreo, fomos ao Salón de Actos a ver unha selección de películas relacionadas co medo entre as que se atopaban estas dúas curtametraxes de dous libros da editorial OQO: "A bruxa regañadentes" e "Fiz o coleccionista de medos":

Casualmente, no cole de Patricia do blogue FALANDO ENTÉNDESE A XENTE, traballaron sobre as mesmas curtametraxes e mesmo prepararon este libro lim sobre o conto de FIZ :

Grazas por compartilo, profes.

E con esta imaxe que me fixo Liliana do blogue Liliana Lois diseños quero desexarvos a todos e todas:

VOLTAREMOS O LUNS COAS PILAS BEN CARGADAS!!!!

O LIBRO DO MEDO

Estes días, navegando por internet, atopei un libro que me gustou moitísimo. O seu título  MY HALLOWEEN BOOK de SAMKOREZ. Qué por que me gustou? Porque ademais de traballar vocabulario de personaxes típicas desta época como: FRANKESTEIN, VAMPIRO, GATO, PANTASMA, MOMIA, MEIGA, CABAZA,..

Tamén traballaba outros aspectos como:

- Prendas de vestir: CAMISETA, PANTALÓN, CAPA, CINTURÓN, SOMBREIRO, VESTIDO,...

- Partes da casa: COCIÑA, SALÓN, DORMITORIO, BAÑO, ESTUDIO, XARDÍN,...

- As cores: AMARELO, MORADO, VERMELLO, VERDE, NEGRO, MARRÓN, LARANXA,...

- E as formas: CÍRCULO, CADRADO, RECTÁNGULO, TRIÁNGULO, ESTRELA, CORAZÓN, LÚA,...

Como podedes observar, un libriño do máis completo. Así que nin corta nin perezosa, paseino ao galego e... AQUÍ TEDES O RESULTADO:

E vos que opinades, gústavos?

E VAI DE CABAZAS...

                                                                               by Vaaalu

Nesta semana, na  clase estamos a traballar co Samaín ao mesmo tempo que continuamos coa nosa unidade didáctica do outono. Hoxe estivemos a falar das froitas que podemos atopar nesta época. Ademáis da uva que xa todos sabemos polo noso proxecto sobre a VENDIMA( estes días un chisquiño abandoado), e de froitos secos como as abelás, as noces, as castañas,... ou carnosos como a mazá, a pera, a laranxa,... saíron a relucir as CABAZAS. Así que aunando os dous temas, adicamos un pouco de tempo a traballar esta froita do outono.

Coñecimos o CICLO DE VIDA DUNHA CABAZA:

Grazas a estes BITS de Montessori que nós pasamos ao galego:

Para comprobar se estivemos ben atentos, fixemos un libriño sobre as cabazas. Aquí vos ensinamos unha páxina de cada un:

Continuamos con esta sinxela manualidade dunha cabaza, para afianzar moi ben o que aprendimos:

E coma no Samaín é costume baleirar cabazas e tallalas con formas de medo, decidimos decorar a nosa porta de clase que quedou así de bonita:

HOXE...

ACHÉGASE SAMÁIN: decoramos e xogamos

Xa quedan moi pouquiños días para que chegue o noso Samáin, por iso na clase xa empezamos a falar de este tema e a decorar un pouquiño os corredores. Hoxe estivemos a facer estes bonitos banderíns:

Que agora adornan o noso corredor:

Ollade que concentrados traballamos:

Aquí vos deixamos estes tres xogos para pasar un ratiño entretido nestas tardes chuviosas:

E se precisades de máis recursos: xogos, fichas, actividades interactivas,... para traballar o SAMAÍN ou o Halloween nos dubidedes en visitar os nosos recursos:

FÁBULA: A RAPOSA E AS UVAS

Continuando co noso proxecto sobre as uvas e a vendimina, hoxe coñecimos a fábula de Esopo: "A RAPOSA E AS UVAS". Despois de escoitala, fixemos un debuxo sobre el. Ollade que bonitos nos quedaron:

Se queredes  seguir disfrutando da fábula podedes ollar este estupendo video:

Ou colorear no ordenador esta fermosa imaxe. Clicade na imaxe para acceder ao xogo.

OS MEUS LIBROS LIM

Ainda que xa nas pestanas de arriba teño un enlace aos meus libros LIM, decidinme facer este symbaloo para telos todos máis a man. A partir de agora estarán na sidebar do blogue. 

QUEREDES COÑECELOS TODOS? Clicade na imaxe para acceder.

COMO SE CHAMAN AS PARTES DUNHA VIDE?

Hoxe aprendimos como se chaman as partes dunha vide:

E despois fixemos uns fermosos acios de uvas para colocar no noso recuncho da vendima que pouquiño a pouco vai tomando forma: