MÁIS NENOS ESTUDANDO, MENOS NENOS TRABALLANDO

 En todo o mundo e en franca violación dos dereitos da infancia, centos de miles de nenas e nenos realizan traballos que os privan da educación, a saúde, o tempo de ocio e as liberdades elementais. Destes nenos, máis da metade están expostos as peores formas de traballo infantil, como o traballo realizado en entornos perigosos, a esclavitude u outras formas de traballo forzoso, actividades ilícitas como o tráfico de drogas e a prostitución, así como a participación en conflictos armados.

A Organización Internacional do Traballo (OIT), instituíu no 2002, o Día Mundial contra o Traballo Infantil (que dende entón celébrase cada 12 de xuño), como forma de pór de relevo a gravísima situación destes nenos. Este día, ofrece a oportunidade de captar máis apoio para a campaña en contra do traballo infantil por parte dos gobernos, a sociedade e as demais partes interesadas, incluíndo as escolas e os medios de comunicación.

PERO COMO LOITAR CONTRA O PROBLEMA?

Segundo a experiencia da OIT, o que resulta máis eficaz e combinar varios tipos de accións entre as que se atopan:

• Mellorar a recopilación de datos sobre os nenos que traballan e os accidentes laborais e enfermidades ocupacionais, cunha análise por sexo e idade dos raparigos involucrados.
• Realizar campañas de sensibilización co fin de que tanto os adultos como os nenos recoñezan os perigos.
• Formular políticas e actualizar as reglamentacións para protexer aos rapaces.
• Velar polo cumprimento efectivo da lei por medio de servizos integrados de inspección laboral que traballen en consoancia con outros actores.
• Traballar cos representantes das organizacións de empresarios e traballadores para axudar a garantir a seguridade no traballo para todos.

Clica na imaxe de abaixo para acceder a un video da OIT sobre o traballo infantil: