30 abr 2014

PREMIOS POESÍA E IMAXE

Onte ás sete e media, tivo lugar no Centro Cultural Carvalho Calero, a entrega de premios do XIV Certame de Poesía e Imaxe. Este ano tivemos a gran sorte de que gañaran outros dous alumnos do noso cole.

- Martín, da nosa clase, que aquí está todo fachendoso posando co seu cadro:


- E Sonia da clase da profe Lucía que tamén está aquí toda contenta co seu cadro:


Por se non vos lembrades, deixámosvos aquí de novo os debuxos cos que participamos para que vexades os bonitiños que eran todos.


27 abr 2014

QUE TEMOS DEBAIXO DA PEL? ESTUDAMOS OS MÚSCULOS

Imaxe de Phillip Martin

Despois de investigar como era a nosa pel e que tiñamos que facer para coidala, chegou o momento de afondar un pouquiño máis e ver que había debaixo dela. Deseguida o descubrimos. Debaixo da nosa pel temos ... OS MÚSCULOS.


E ... que é iso dos músculos? Descubrimos que os músculos son as partes brandas do noso corpo o que normalmente coñecemos como "carne" que no  corpo temos uns 450 pares de músculos que nos permiten correr, saltar, camiñar ... é dicir MOVERNOS, que hai diferentes tipos de músculos, que o máis curto está na orella e os máis longos nas pernas.

Pero ademais descubrimos que os músculos pódense estirar e contraer e para iso utilizamos esta maqueta que nos fixo como non o noso adxunto do taller de carpintería ROCA. Unha vez máis quero agradecerlle dende aquí todo o que nos axuda cos nosos "descubrimentos".



Estes son os nomes dos músculos que aprendimos e as fichas que fixemos:



Para aprender ben os nomes dos músculos (que nos soaban un pouquiños raros) xogamos a SIMON DÍ ..., fixemos exercicio e uns sinxeliños EXPERIMENTOS. Ollade, ollade:



E por último para afianzar moi ben o estudado utilizamos os seguintes recursos:





E XA ESTAMOS PREPARADOS PARA DESCUBRIR ...
 OS ÓSOS

25 abr 2014

PRESENTÁMONOS DE NOVO!!!!!


Como podedes ver na sidebar da dereita do blogue, un ano máis participamos co noso blogue en EDUBLOGS na categoría de profesores e profesoras. Nuns días, concretamente o 3 de maio,  sairá o listado de blogues finalistas.

Esteamos ou non nesa lista (a competencia é moi dura ji ji), dende aquí quero por unha parte, agradecervos todos  os comentarios de apoio que me deixáchedes e que me animan a seguir co traballo no blogue a pesar de que este ano por diferentes razóns, estase a facer moi duro,

e por outra,  quero desexar a todos os blogues participantes, entre os que se atopan un gran número de blogues que coñezo, admiro e sigo habitualmente...

23 abr 2014

CELEBRAMOS O DÍA DO LIBRO

Imaxe do blogue CUADERNO DE COLORES

Hoxe celebramos no cole e na nosa clase o Día do Libro e que me mellor xeito de celebralo que indo á biblioteca a escoitar un fermoso conto: "O COELLIÑO BRANCO" que preparou para nós o equipo da biblioteca e co que disfrutamos moitísimo:

Despois na nosa clase creamos o noso propio CONTO COLECTIVO. Para axudarnos, utilizamos estas plantillas de ARASAAC que podedes obter na súa páxina no apartado de MATERIAIS:


E como non queriamos ser menos, ademais de inventar o conto tamén o ilustramos e o grabamos. Ollade que bonito nos quedou:


E rematamos o Día, levando para casa estes sinxeliños MARCAPÁXINAS:


Despedímonos xa con este fermoso video: "O livro que só quería ser lido"  unha adaptación do conto de José Jorge Letria, p´los Valvedinos - Teatro de marionetas:


FELIZ DÍA DO LIBRO!

22 abr 2014

A TERRA ESTÁ NAS NOSAS MANS


Hoxe celébrase en todo o mundo  o  Día da Terra para crear conciencia e unha sensibilidade común hacia os problemas da contaminación, a conservación da biodiversidade e outros problemas ambientales co fin de protexer o planeta Terra.
É moi importante que tanto na casa como no cole, desde pequenos inculquemos aos nosos nenos o amor e repeto hacia todo o que nos rodea fomentado neles unha actitude responsable cara o coidado e conservación do noso Planeta Terra.

" O MUNDO É UN GRAN LUGAR PARA VIVIR E MERECE A PENA LOITAR POR EL"
Ernest Hemingway

Así que na clase estivemos a falar de qué podiamos facer nós para axudar a manter a Terra, o noso fogar,  en boas condicións e isto foi o que dixeron:


Das cinco propostas , cada un escolleu unha delas e fixo a súa promesa a Terra:


Víchedes as fotos? GÚSTAVOS COMO QUEDOU A NOSA PAREDE?

21 abr 2014

ACTUALIZAMOS OS NOSOS LIBROS LIM


Aproveitando as vacacións que hoxe chegan ao seu fin, estiven a actualizar a PESTANA DE LIBROS LIM que podedes ver debaixo da cabeceira ( onde están todos os libros lim que fixen ata o de agora clasificados por temática) así como o SYMBALOO onde están recollidos todos. Faltaban por engadir dous libros sobre a primavera: o de "MARIPOSA Y CARACOL" e "DOS FLORES ORGULLOSAS" e este que fixen para o cursiño de libros LIM que xa vos informei que estou a facer, que fala do INVERNO e que utilizaremos o curso que vén:

https://dl.dropboxusercontent.com/u/14722558/libro2inverno/inverno.html

Aquí vos deixo o enlace ao SYMBALOO actualizado:

http://www.symbaloo.com/mix/osmeuslims

19 abr 2014

REPASAMOS O CORPO COA SERPE DE CORES

O meu amigo virtual, Carlos Mariño,  do blogue O PÉ DO XIGANTE  (non dubidedes en visitalo ten moi bos recursos), é o creador dunha estupenda aplicación chamada A SERPE DE CORES que serve para facer xogos de preguntas. Este Nadal, fíxome un agasallo moi especial que foi ofrecerme a posibilidade de probala. Así que, como non, aproveitei a ocasión e creei un xogo para repasar AS PARTES EXTERNAS DO CORPO  agora que estamos a piques de empezar co interior do noso corpo.

Para xogar, unha vez que clicades no botón, onde pon arquivo de preguntas tedes que poñer CORPO para xogar en galego ou CUERPO para xogar en castelán (para jugar en gallego donde pone archivo de preguntas hay que poner CORPO mientras que para jugar en castellano hay que poner CUERPO), clicar en cargar, e xa só queda poñer o número de xogadores e ... A DISFRUTAR E APRENDER XOGANDO.


Por se alguén lle queda algunha dúbida de como se xoga, hai que clicar en TIRAR para que saía a pregunta e unha vez que se resposta ( CON LETRAS MAIÚSCULAS) hai que clicar en PROBA  para ver si é correcta.

A MIN GUSTOUME MOITO A APLICACIÓN E A VOS QUE VOS PARECE?

17 abr 2014

FACEMOS PIZZA


Continuando coa ALIMENTACIÓN SAÚDABLE, despois da charla coa doutora, botamos man do PCPI DE RESTAURACIÓN que temos no cole, e entre todos fixemos unha PIZZA do máis saúdable. Ollade, ollade:



Ao día seguinte para que non se nos esquecese como se facía , fixemos estas estupendas fichas que nos pasou a profe Lucía:




ANIMÁDEVOS A FACELA? ESTABA BOÍSIMA

Na páxina oficial de Os Bolechas, no apartado de saúde podedes atopar crebacabezas, xogos de preguntas, de colorear, ... para  xogar online así como estupendo material para descargar como un conto, pósters, recortables, miniguías ,... para traballar a Alimentación Saúdable.

15 abr 2014

CHARLA SOBRE LA ALIMENTACIÓN SALUDABLE

No noso centro temos a gran sorte de contar con servicio médico por iso lle propuxemos á doutora, Margarita, que nos dese unha charla sobre bos hábitos alimenticios. Margarita falounos do importante que é comer ben, na súa xusta medida, que se comemos pouco non temos forzas para xogar nin traballar e que se comemos de máis entón engordamos, nos cansamos moi pronto e podemos enfermar.
Para que o entendésemos todos,  fíxonos unha pequena representación para que a todos nos quedara moi  clariño cales eran os alimentos saudables e cales non. Así pois o noso salón de actos convertiuse nun pequeno RESTAURANTE onde tiñamos un CAMARERO e TRES CLIENTES moi distintos: un que era moi goloso (o noso Dani Torres), outro que non comía case nada (Manu Montoya) e unha que comía a comida do noso cole (Yolanda Crespo):

E non podían faltar no noso restaurante particular, as PROTEINAS, as GRAXAS e as VITAMINAS:


A través do que pedían os nosos clientes para almorzar, comer, merendar e cear, víamos claramente como o neno goloso engordaba sen parar (cada vez que pedían algo, o camarero levaba ao cliente ata as proteínas, vitaminas e graxas e según o pedido íanse metendo no bandullo tantas "pezas" como eran necesarias):


E que podemos facer para baixar eses quilos de máis? Pois moito EXERCICIO así que mellor xeito de rematar que bailando todos xuntos:


E para que na casa podades seguir aprendendo sobre a alimentación saudable, deixámosvos este caderno

11 abr 2014

FELICES PASCUAS!!!!!!!!!!!


Hoxe rematamos oficialmente o segundo trimestre e comezamos as vacacións de Pascua e que mellor xeito de comezalas que levando para casa uns cestiños feitos cos envases baleiros dos amorodos? E se están cheíños de chocolate .... mellor que mellor, non si? UHMMMMMMM.






E AGORA A DISFRUTAR DUNHAS MERECIDÍSIMAS VACACIÓNS!!!!!!

9 abr 2014

RUTA DOS MUÍÑOS DE ESMELLE


Fai xa uns días, fixemos un percorrido polos Muíños de Esmelle levando como guía a Paulino Gasalla que traballa para a SGHN (Sociedade Galega de Historia Natural) e a quen  coñeciamos do ano pasado a raíz do noso proxecto sobre o Espazo xa que foi quen nos trouxo a estupenda Exposición de Astronomía que tivemos no cole.
Durante preto dos 3 kilometros que durou o percorrido,  descubrimos muiños antigos (algúns restaurados e outros non), fontes e lavadoiros que noutros tempos formaban parte da vida cotiá dos habitantes de Esmelle ao mesmo tempo que disfrutabamos da fermosa paisaxe.


8 abr 2014

VESTIMOS Á ÁRBORE DO NOSO CORREDOR

Primeiro lle puxemos unha follas que recortamos de revistas e xornais:


E despois unhas fermosas bolboretas e abellas que fixemos cos cartóns do papel hixiénico:




Así de bonito nos quedou:


GÚSTAVOS?

6 abr 2014

A PIQUES DE CHEGAR A PASCUA

Nuns poucos días chegaran as Vacacións de Semana Santa e con ela a Pascua e a finalización do segundo trimestre. Así que ao longo da semana traballaremos con estes recursos que teño elaborados doutros anos:

- FICHAS:


(podedes atopar as mesmas fichas en CASTELÁN na pestana de PASCUA do menú que hai na cabeceira)

- LIBRO LIM:


- e este GLOGSTER de xogos (clicade na imaxe):


Para máis recursos clicade na pestana de  PASCUA situada debaixo da cabeceira do blogue.

5 abr 2014

UN PROXECTO ENTRE TODOS: Incorporacións abril 2014


Aquí tedes a lista de blogues colaboradores actualizada para que podades faceros seguidores dos novos blogues. Xa somos 185 blogues unidos en "UN PROXECTO ENTRE TODOS". Damos a BENVIDA aos novos participantes, e esperamos vervos pronto aportando enlaces de axuda:



Este mes ímosvos ensinar uns cantos números:

185 blogues amigos participantes
86 temas de petición de axuda recopilados
91 blogues amigos colaboraron no que vai de curso 2013-2014
máis de 229.000 visitas
no SITES de UN PROXECTO ENTRE TODOS



https://sites.google.com/site/unproyectoentretodos/


E coma sempre dicimos:

MOITAS GRAZAS AOS BLOGUES QUE PARTICIPARON
ANA, FINI, MIREIA, MIREN e NOELIA.